صباح الخير اخواني اخواتي
انا كتبت مشكلتي هنا وكم كتبت في منتديات لكن لم اجد الحل الى الأن،،،،،،، مشكلتي بدأت من شعبان الماضي حصل لي نزف دماغي وقرر الاطباء عملية مستعجله وزوجي للأسف تركني وانا في امس الحاجه اليه وابي متوفي وعندي 4اطفال عملت العمليه لم يكن بجواري الا امي واخواني مع عدم تفرغهم لي اخوتي لكن يزوروني بعض الاوقات بحكم عملهم
المهم عملت العمليه كانت في جذع الدماغ المكان خطير جدا وكان هناك احتمال شلل لأحد الرجلين مع احد اليدين لكن رحمة الله واسعة عملت العمليه والحمدلله صار عندي شلل في الجهه اليسرى من الوجهه شلل اقرب للشد فقط والحمدلله المهم بعدها خرجت من المستشفى ولما رأيت وضع زوحي معي طلبت الطلاق منه لأنه الضغوط النفسيه التي كنت اعيش فيها كانت من اسباب النزف عندي وصبرت لأجل اطفالي لكن بعد مارأيت منه وانا في المستشفى طلبت الطلاق وطبعا لم يطلقني الا بالتنازل عن نفقتي وتنازلت وطلقني
اطفالي 3بنات وولد صغير 3سنوات كان بناتي عنده بحكم مدارسهم جنوب الرياض لكن كان يعاملهم بقسوه وسجن وحتى الاكل كان صعب ان يأتي به لهم كانوا يطلبون الاكل من بيت عمهم الساكن بجوارهم ،،المهم جاءوا هربا منه عندي وكنت ابيع من ذهبي للانفاق عليهم وهو ممتنع عن الانفاق عليهم بسبب انهم ليسوا عننده وكانت معاناه الى يومي هذا بحثت عن عمل لكن لم اجد مع اني لازال جسمي ضعيف بعد العمليه واصبت بفقر الدم
المهم الان لي تقريبا 6شهور ابحث عن عمل التوازن لدي ليس كامل وكنت اريد عمل لايكون فيه جهد ،فكرت في ان اطبخ وابيع في سوق طيبه لاني اعيش شمال الرياض لكني تفاجأت بالكم الهائل الذين يبيعون ولم يجعلوني ابيع مع ان طاولتي صغيره كنت ابيع اكلات بسيطه لكن كل بائعه تقول هذا مكاني او مكان زميلتها ولم ابع شي رجعت بخيبة الامل وباغراضي واطفالي كانوا يروون ذلك مما سبب لي ضيق اكبر
بحثت عن عمل عن بعد لكن اصبت بخيية امل لان فيها احتيال احدهم طلب منى 300ريال حتى يعطيني عمل عن بعد لكن تيبن لي انه نصاب
واخر طلب منى مقابلته في مكان عام ليعطيني عمل اقوم به في البيت وعندما سألته عن العقد والراتب قال لاتسأليني خفت منه وتركت هذا العمل المشبوه
قدمت في الاسواق قالوا العمر 45وشهرين ويريدون للعمل اقل من ذلك مثل حياة مول وصحاري وسنتربوينت
جاني احباطط اين ابحث عن عمل
جمعية النهضة طلبت منهم ايجاد عمل لي بحكم اني حالة خاصة طلاق واطفال وجسمي لازال ضعيف فقط عمل لااريد احسان او مال من احد للاسف قالت لي الموظفه سوف نرى اذا وجدنا لك عمل اتصلنا بك لكن اصحاب العمل ممكن يرفضونك او يوظفونك صراحة انصدمت مواطنه اعامل هكذا اريد فقطط توفير عمل لااريد صدقه ولا مساعده ماليه صدمت والى اليوم اصدم وبعت ذهبي كله مع انه ليس كثير واخر قطعه المبلغ المتبقى قليل ولا اعلم مالعمل ياريت تساعدوني امي ارمله وانا مطلقه ولدي 4اطفال اخذت بكالوريوس ادارة اعمال ولدي دورات في الحاسب وعملت زمان كاتبه واداريه في مدرسة وعملت في رباعيات للماركات العالميه امينة مستودعات
اتمنى من اللــــــــــــــــــــه ان اجد الحل لديكم لأن نفسيتي حقيقة تعبت وانا تعبت من البحث ساعدوني فرج الله همكم

نسيت شي ،،عيني اليسرى في نصها خياط بسبب عدم الاقفال كامله عند النوم واذا سويت مقابله شافوني لابسه نظاره سوداء بسبب اني انحرج احد يشوف عيني وان شافوني بدون نظاره استغربوا ويرفضون توظيفي والخياط راح ينفك بس لما ترجع العين تقفل بشكل طبيعي

السلام عليكم

هل قدمتي على الضمان ؟

الله يكون في عونك

__________________
ومن يعمل من الصالحات وهو مؤمن فلا يخاف ظلما ولا هضما

هل قدمتي على باب رزق في الرياض؟
لان عندهم وظائف العمل عن بعد وبااعداد كبيره واللي عرفته ان طبيعه العمل بالهاتف ورواتبهم لابأس بها
الله يسهلك ويكتب لك اللي فيه خير

الضمان لسه ماقدمت مع انه ياخذ وقت على مايصرفون لك
وباب رزق قدمت عندهم وسوت لي الشركة مقابله بس ماردت لي خبر ، ووظايف الكول سنتر وخدمة العملاء يتشرطون العمر شرط

لا حول ولا قوة إلا بالله العلي العظيم.
الله يكون في عونك. معقولة فيه قصص مشابهه؟ معقولة أب يتجرد من أبوته ويترك اولاده ولا يصرف عليهم؟ سبحان الله العظيم.
ناس تتمنى الذرية وناس ترميها.

الله يكون في عونك اختي الفاضلة


((( واطفالي كانوا يروون ذلك ))) المتني كثير هذه الجملة وتخيلتها. لا حول ولا قوة إلا بالله.

الله يكون في عونك ويفرج همك
اختي في البدايه لازم تقدمين ع الضمان الاجتماعي حتى لو اخذ وقت مثل ماقلتي راح يجي ويصرفونه
فلا تحرمي نفسك وعيالك من الضمان
وقدمي في الجمعيات الخيريه حطي كل الاوراق الي تخصك الين يجي الوقت الي تستفدين منه
حتى لو انتظرتي فتره يمكن يجيك شئ تستفيدي منه

وخلال تقديمك وانتظارك روحي المدارس والروضات يمكن تلاقين وظائف عندهم
وشوفي المقاصف الي في المدارس اذا تقدري تحصلي وظيفه في المقصف
واذا عندك معرفه بمدرسه او مشرفه يكون ازين عشان يسهل عليك الحصول ع وظيفه

بالنسبه للطبخ سوي حساب في الانستقرام ونزلي طبخاتك فيه وانشري حسابك عند معارفك
وجيرانك وخليهم ينشرونه وباذن الله راح يجيك الخير

وغير كذا انتبهي وانا اختك من الي يقولك تعالي المكان الفلاني ولا قابليني وانا اعطيك وظيفه

الله يسهل أموورك ويرزقك من فضله
من جد اتمنى لو فيه جهه خاصه ومتابعه ومسؤوله عن حال المطلقات والارامل ؟؟

لااله الا الله محمد رسول الله

الله يعين

ربي بيسر لك ويوفقك فدمي ع البنوك بما ان تخصصك إدارة الأعمال.

الله يفرج همك وييسر امرك .