ماقلت (أحبك) لغيرك وانت تدريبي
انت اول انسان صارحته وحبيته

من أسْود الراس لين يهزني شيبي
ما انسى غرامٍ مصافيني وصافيته

أقول أحبك بلا شكٍ ولا ريبي
ماني مجامل على اللي فيك حسيته

إحساس حبك بوسط القلب يسريبي
وآحس حبك لباقي الجسم ضخيته

يا اْجمل أماني العمر وأغلا مطاليبي
تحققت لي بعد ( ودي و ياليته )

كنت آتمناك يا سيد الرعابيبي
والحمد لله وصلني اللي تمنيته

يا اصدق شعورٍ طلع باجمل تراحيبي
من قلبِ عاشق دخلته واستحليته

تقول أحبك قبل قلبِك يهلي بي
واقول أحبك وانا شفقٍ وحييته

تاخذني لفرحتي من جو تعذيبي
والوقت وياك ما والله تباطيته

حافظك حفظٍ مثل حفظي لمواجيبي
حفظ بدوي ٍ نخاه المبتلي افـ بيته

أعاهدك عهد باللي يعلم الغيبي
لايمكن انسى غلاك ولا تناسيته

خذني على كيف ماودك تسوّي بي
وداعتك قلبي اللي معك خلّيته

أصدق قصيد ٍ كتبته في مكاتيبي
لاهزّ قلبك ودمع العين هليته

ماوديْ تنزل دموعك بس تدري بي
انت اول انسان صارحته وحبيته

صح لسانك

ابداع صراحة صح لسانك