18-10-2008, 11:00 PM
|
 |
عضو مهم
|
|
تاريخ التسجيل: Aug 2008
الدولة: السعودية و لندن
المشاركات: 242
معدل تقييم المستوى: 30109
|
|
الله يجزاكم خير يا جماعه ..
بالنسبة للبنت قدمت استقالتها خلاص ماعاد فيها رجعه .. ( مع الاسف الشديد  )
بعدين انا قلت لها اني حطيت قضيتها بالمنتدى فالبنت ارتعبت و مره تضايقت
تخاف ان ابوها يدري و تصير فضايح  شوفوا كيف سلطه الاب و خوف البنت منه..
يا جماعه ترى الموقف مهوب سهل و اذا كان فينا الجرئ اللي يقدر يواجه بالمقابل
في الضعيف اللي ما يقدر ينطق بحرف ؟؟ ضعوا انفسكم محلها .. هذا ابوها حتى لو ظلمها
والله صعب تدخله السجن .. بكره كلمن يلومها و تنقلب الحكاية عليها .. هو ولي امرها
كيف تقاضيه والله هذا كلامها لي و هي تبكي .. الله يفرج همها .. و ينفس كربها
و مثل ما قال احد الاخوان بتعليقه " اذا خصمك القاضي مين تقاضي "
و البنت هذي قبيليه يعني بكره القبيلة تقوم عليها ؟؟ و هي مهيب
ناقصه فضايح على حد قولها .. و لو ان رجال القبيلة شايفينها لكن تعرفون مجتمعنا
بس الشكوى لله .. المجامله على حساب الاخرين .. عموما انا نقدتها على خروجها من
العمل .. بس هي تشوف انه حل صامت يمكن يجبر ابوها للوقوف امام الامر الواقع
و عساه يفيد .. و بالنسبة لوقوفي جنبها فهذا لعلاقتي القوية فيها خاصة و حنا مجتمع مسلم نشد بعضنا بعض
و هذا انتم رغم انكم ما تعرفونها لكن تفاعلتم معها و والله اني وصلت لها كل مشاعركم
و رغم خوفها ( اللي مهوب في محله ) ان ابوها يدري عن القصة من شدة خوفها منه الا انها انبسطت
من ردودكم المتفاعلة معها و تدعي لكم بالمقابل .. و انا ايضا اشكركم و جزاكم الله خير
لنستمر بالدعاء لها لعل الله ان يفرج همها و هم كل مسلمه تسلط عليها والدها .. خاصة
في مجتمعنا الذي يميل نوعا ما الى انصاف الذكور ؟
التعديل الأخير تم بواسطة لندنيه ; 18-10-2008 الساعة 11:07 PM
|
العرض العادي
