السلام عليكم و رحمة الله

والله يا أخواني إن هذي القصة حقيقية و صايرة لوحده من اعرفها

الحكاية ان البنت ابوها طلّق أمها ورماها و اخوانها و اخواتها على هذي البنت

تخيلوا الايجار 22 الف مع الغلا و الكهربا و التلفون و الاكل و الشرب و الملبس

و العلاج و كل شي ، و ظل على هالحال7 سنوات يرفض يزوجها ليمن البنت وصل

سنها 35 سنة اضافة انو يشوه سمعة بنته و يتهمها بكل انواع التهم علشان لدرجة

إنه قال انها مريضة نفسيا و تعاني من أورام براسها و انها تضربه مع العلم إنه

ساكن في بيت لحاله و تاركهم لحالهم كلهم بنات مع امهم و اخوهم لسه بالمتوسطه

و كل هذا عشان محد يجي يخطبها و تتزوج و يصير هو اللي يصرف ع البيت

و يشهد الله إن هذي البنت ملتزمة و جميلة و جامعية و مثقفه

من العمل للبيت و من البيت للعمل .. المهم أني سمعت إن البنت من تقريبا اسبوع قدمت

استقالتها من الوظيفة اللي راتبها 6000 ريال و كل هذا عشان تتحرر من ابوها

اللي دمر حياتها و شبابها و هلك اعصابها و هي الآن جالسه بالبيت ولا تبي تكلم ولا

تشوف أحد و ايجار البيت قرب و الاب حالف يمين ما يدفعه .. و البنت هذي و أمها واخوها

و اخواتها بيصيرون بالشارع و هي تقول اعيش بالشارع ولا افقد عقلي

حسبي الله على الاباء اللي بالشكل هذا .. والله الظلم ظلمات يوم القيامه من حق البنت

تعيش و تتزوج و تنجب اطفال و حسب ما علمت إن الاب انسان مسرف على نفسه

بالمعاصي و العياذ بالله .. شوفوا كيف الفساد و عدم الخوف من الله

ارجو منكم المشاركة بالرأي و خاصة ان هذه القضية مازالت قائمة ..

المفروض يرفعون قضيه على الاب ويد خل السجن

حقوق الإنسان الآن موجودة في كل مدينة كلها إتصال على 905 وطلب رقم جمعية حقوق الإنسان في المدينة التي تسكنها وتبلغهم عن الموضوع...

أسئل الله العلي القدير بمنه وكرمه أن يفرج همها وإخوتها وأن يعجل بتفريج كربتهم إنه ولي ذلك والقادر علية

لا حول ولا قوة الا بالله

لندنية.. خلي البنت تراجع القضاء..اذا اخوها فوق 18 سنة.. تشيل مسؤولية ابوها عن ابوها ويصير اخوها.. هو ولي امرها.. بكذا تقدر تتزوج.. ولا لابوها كلمة عليها..

بس يلزم تروح للمحكمة..

وخليها ترجع لشغلها.. احسن من تصير بالشارع.. وينهشها كل حقير وسالف..


شغله مهم اذا تقدر تغير مكان عملها.. ونتقل الى مدينة ثانية..

في شئ موجود بالقران الحسد والسحر.. خليها ترقي نفسها واهلها والبيت.. ما يندرى ممكن معمول لهم شئ ز.

كثير ناس نفوسهم ضعيفه..وما تخلي احد بحاله..

لا حول ولا قوة الا بالله

الله يساعده

لا حول ولا قوة الا بالله وين بيروح من الحساب يوم القيامه