انا معاي دبلوم كلية تقنية تخصص ادارة مكتبيه

سوالي هل اقدر اكمل دراسه واخذ شهادة بكالوريوس اذا كان يمديني كم سنة الدراسه وفين مكان الدراسه لان في ناس تقول تخصصك ماتقدر تكمل وناس تقول لازم ابتعاث وانا ودي اكمل بالسعوديه وبالاخص في منطقة مكة وهل اقدر اكمل بنظام انتساب !؟ تكفون اللي يعرف يجاوبني ضروري

ابحث عن نظام التجسير واقرأ عنه
بالتوفيق

فيه نظام تجسير يعني يحسبون لك من مواد الدبلوم و تدرس سنوات أقل من طالب البكالوريوس و في النهاية تاخذ شهادة بكالوريوس

اذا يناسب تخصصك مدري انت اسأل في جامعة أم القرى و ابحث في النت عن تجارب ناس من تخصصك

اذا ما ناسب التجسير مع تخصصك فأقولك

الانتساب هو بداية من الصفر مايحسبون لك مواد الدبلوم تقدم بشهادتك الثانوية و فيه رسوم طبعا الترم مدري يمكن 3000 أو اكثر على حسب الجامعة و تدرس 5 أو 4 سنين على حسب الجامعة

الانتساب غير معترف به حاليا في التوظيف ولا له اولوية

نظام التجسير اخوي في اغلب الجامعات هو افضل لك . شف اي جامعة فيها تخصصك وقدم عليها؟ لي اصحاب ف من كلية التقنية تخصصاتهم هندسية وكملوا معنا تجسير .
بالتوفيق

شكرا لكل اللي ردو والله يرزقكم وين ماتروحون بس التجسير يقبل تخصصي ادارة مكتبيه مع العلم معدلي 4.8من5 !؟

وش الفرق بين التجسير والانتساب وكم مدة الدراسه بالتجسير اول مره اسمع بمصطلح التجسير !

الانتساب بس تحضر تختبر اختبار نهائي من 100
التجسير دراسة تكميلية للدبلوم يعني كثير من المواد تتعادلك ساعاتها وما تدرسها زمان كان برسوم بعد مكرمة الملك عبدالله الله يرحمه صارت ببلاش بس ما يعطونك مكافأة

اما تخصصك على حسب الجامعة اذا يدرسونه ولا لا ادخل مواقع الجامعات السعودية ولا اسأل حساباتهم بالتويتر على اسم العمادة (القبول والتسجيل)