السلام عليكم ورحمة الله وبركاته
ياخوان انا درست الكهرباء الصناعية واللي تخص المصانع
بس ماراح تفديني كثر كهرباء السيارات

فكرت انا والوالد نفتح ورشة كهرباء سيارات واشتغل عليه انا السعودي بدل الاجنبي
بس ابي معهد او كلية بالرياض يدرسن ويفيدني بس ما حصلت

لقيت المؤسسة العامة لتدريب
بس مكتوب مصنف من الخدمة الوطنية ما فهمت وش معناها وماقدر اسجل

ياليت حد يفيدنا الله يجزاه خير

وعليكم السلام

أولاً الله يوفقك وسدد خطاك .

ثانياً للإسف الشديد لا يوجد كلية فيها كهرب سيارات الا كلي واحدة فقط وهي الكلية التقنيه بعنيزة والتخصص نادر جدا جدا ومن المتوقع في منتصف 2018 يتم بدء مصنع لاند روفر في المملكة بسدير الصناعيه على ما أعتقد وبالتأكيد بيطلبون شاهدتك وبما أنها شركة قوية أعتقد أن الراتب راح يكون كويس


وهذا بالنسبة للكليات أما المعاهد أذا كنت خريج معهد صناعي او المعهد الملكي أو أي معهد يرتبط نظاماً بالمؤسسة العامة لن يقبلوك بحجة أنك أنهية الدراسة عندهم , فا اذا انت صامل توكل على الله وكمل بالقصيم , و محدثك زاير الورشة حقت الكليه وهي ورشه متطورة ومصروف عليها أكثر من مليون لدرجة أن أحد أجهزة البرمجه الي بالورشة قيمته أكثر من 30 الف وغيره من المعدات الأخرا مثل السيارات ولوحات التحكم والأجهزه الأخرى وهذا التخصص ممتع جداً لدرجة الشغف أذا كان مخك نظيف فقط صدقني راح تبدع

و عذراً , مصنف من الخدمة المدنية يعني فيه وظائف حكوميه مدنيه بهذا المجال أذا حصلت على الشهادة

المعهد المهني عندهم دورات

انت اي مدينة اول شي

http://www.tvtc.gov.sa/Arabic/Depart...s/default.aspx


اتمنى لك التوفيق يا رب