^
فيدوهـ يا رجال

سويت الكشف الطبي والحمدلله ..
قالوا لنا : تعالوا 6 الصبح، وجيت على الوعد
المستشفى كبيييييير ديرة مالها حد، الله لا يهينك توقف برى
وكعابي داخل المستشفى اللي ما تعرف أوله من آخره

وبعد الأسئلة وصلت لمحل الكشف، بركسات
جلسنا عندهم الين ما نادوا علينا، تقريبا على 8

يجي مندوب البحرية وأخذ بطاقاتنا، وينادي بالأسم
اذا جاء دورك تدخل داخل وسهالات ولا تأخذ وقت ما تطول
اللي يأخرك الزحمة وبعض المتقدمين اللي يصلحهم
تدخل عند :
دكتور العيون وبعدها دكتور الباطنية وبعده ودكتور الصدر

خلصنا من الثلاث هذول اللي داخل البركس
قالوا بقي : ( فحص المخدرات بول، و الدم، والاشاعه )
وبعد الأمور سهالات وتمشي بسرعه، لولا بعض المتقدمين الله يصلحهم

دخلنا عند حق البول وأنتم بكرامة، على السريع تقضي حاجتك وتوكل
بعدها الدم، تتبرع اجباري هنا تقريبا فيه زحمة لأن كل واحد تقريبا يجلس داخل حول ربع ساعه هذا اذا ما جاته دوخة، زي كثير شفتهم وأنا منهم 🙈

كذا ما بقي غير الأشعة ..
رحت لهم على 11.30، قالوا الآن عندنا مواعيد مع مرضى
انتظروا الين 4 العصر

و تسنتر الله لا يهينك عندهم الى 4 العصر
تدخل الأشعة وانت واقف اقل من دقيقة، يصورك
ومع السلامة، هم يرسلونها للبحرية



وسلامتكم، وفالنا وفالكم القبول النهائي
الان بقي بس تسليم الملف، توكلت على الله سبحانه

تسليم الملف يأخرونا ؟ ولا تسلم الملف وتضرب الباب
ومتى نجيهم

بالتوفيق للجميع ،، آسآل الله لكم التوفيق والتييسير وقدرة حمل هذه الامانه ويتم قبول الجميع

خلاص اذا كشفت اسبوعين وتروح تسلم الملف ثم تنتظر رسالة القبول النهائي بنص رمضان او اخره والدوره بجده شهر 10 ،، اهم شي اذا المستشفى عطاك ورقه علشان تشوف نتيجتك روح شوفها

^ ما أعطاني شيء المستشفى !

انا قبل سنه فحصي بالمروج بالرياض عطوني ورقه صغيره بعد اسبوع من الكشف اجيهم واشوف النتيجه بس ماستلم شي المندوب يوصلها للتجنيد

ي شباب في دفتر التعيين مكتوب مكان طلب الالتحاق و تحت تاريخ طلب الالتحاق وش اكتب فيه ولا هم يكتبون فيه