هاذي قصيده لعاطل تعب من البحث هن الوظيفه فكتب هذه الابيات:

الا يالله عفـوك لا معي بيـجــر ولا جــــوال *** ولا عنـدي وضيـفه والتجـــاره فاشـلٍ فيـها



ولاعندي شهـاداتٍ ولاحــرفه تسـدالحــال *** ولا حــظٍ كبير لا اخـطـت الجــــره يقديها



مخابي الثوب تومي مادخلها من زمان ريال *** بها فاتورة الكهــرب ولا يمـديني اقضيـها



علىذيك العراوي تتعب الحادي مع الجمّال *** ثلاث اشهـور فالورشـه وشهـرينٍ مغطيـها



ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها



نصيت العسـكـريّه يوم قالواللنظـام رجــال *** وقـدّمـت المـلـف وصـورةٍ متشــخـصٍ فيـها



خـذاالاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها



قراهـا في دقيـقه والتفـت عـجـلٍ علي وقـال *** شهادتك العظيمه ياولد وين انت مخفـيها



هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها



حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها



تناوشته من الكرسي وعفت الحل والترحال *** وضربته بالبياله عقب مابيّحت شـاهـيها



خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها



ويوم اني خرجت اقفيت لارضالله وسيع الجال *** عـلى بـرٍ هـواه يـداوي العـلّـه ويـبـريـهـا



ادوّر قصعة الجـربوع والظـب الفتي يخـتال *** والارنب يا شفاةالروح ما احلاها وطاريها



بـلا كهــرب ولا بيجــر ولا غـازٍ ولانقّــال *** قوانين الحضــاره لا تبي شـوفي ولا ابيـها

قصيدة حلوه

قصيدة جميلة للشاعر المبدع /سعيد الاكلبي

ذكرتيني بقصيدة ثانيه لنفس الشاعر يقول/

البارحه يوم كلن راح لفراشه.......... لقيت هم الوظيفة ماخذ فراشي

الناس في حالها تمشي ومعتاشه....... وانا على ذمة التحقيق منحاشي

أهل الوظايف صلاة الصبح غباشة .........وانا على مرقدي كني بالانعاشي
-----------------------
معليش على الدخلة بس تفاعلت مع طرحك الرائع


مشكوووووووووووووره
ونطمح بالمزيد

قصيدة رائعة

كم واحد منا حظه مثل حظ الشاعر

ويعطيك العافية

ضاااااااااااايعــــــــــــهـ

هلا فييكـ بيننــــــــــــــااااا
وتسلم يدينكـ ع القصيدهـ
ياقمر,,

حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها




قطع قلبي المسكين

ايه خلك في النوق اصرف لك



يعطيك العافية

قصييييييييييييييييييدة رائعة وتحاكي واقعنا والله يعطيك العافية
ذريني للغنى أسعى فإني ****رأيت الناس شرهم الفقير
وأبعدهم وأهونهم عليهم****وإن أمسى له كرم وخير
يباعده النوي و تزدريه*****حليلته وينهره الصغير
وتلقى ذا الغناء له جلال***يكاد فؤاد صاحبه يطير
قليل عيبه والعيب جم *****ولكن للغنى رب غفور

قــصـــيــدة تـــحــكــي واقــعــنـــا

قــصـــيـــدة حـــــلــــوهــ