سلام عليكم هذي احدى نماذج الاسئلة
https://www.btalah.com/t389674.html

عموما انا مجمعها في ملف وورد وراح انزلها جميعاً باذن الله

خاااااص باصحاب تخصص الاقتصاد

http://abdulhamid.net/%D9%85%D8%B5%D...B9%D9%88%D8%AF

وفقكم الله ورعاكم
أنا تخصصي إنقلش ترجمة والحمدلله, ولم تأتني رسالة حتى الآن.

انا لغة انجليزية
سجلت من قبل امس
الى الحين مكتوب تحت الدراسة

ليش ماجاني رد للحين !!

السلام عليكم
ابحث عن أجابة 😤 تقديري مقبول اقدم ولا ..😤
تخصص لغة إنجليزية أخذت فتره خارج السعودية لتقوية لغتي
(تعرض للمسائلة القانونية إذ خالفت الشروط) خايف من هذي 💔

اذا خالفت الشروط يعني اذا سجلت ان تقديرك ممتاز وانت مقبول ولا حطيت عمرك 20 وانت 35 مثلا

عادي سجل
بس اتوقع اذا جيت تحط التقدير مافيه الا ثلاث خيارات ممتاز وجيد جدا وجيد
انت سجل وتأكد شوف

السلام عليكم ورحمة الله وبركاته جميعا.. أقدم لكم تجربتي في هذي المسابقات واتمنى لكم التوفيق .. اول شئ تخصصي اقتصاد راح اتكلم من بداية التقديم الى نهايته باذن الله..

أول شئ اذا قدمت راح تجي رساله بالقبول او بالرفض يعني لاتستعجل على الرساله راح تجي على الجوال والايميل المدخل في الموقع ..

في حالة القبول توجد لدي نصايح (((الاختبار والله سهل ركزو في كلامي)))

1-متابعة وقراءة الاخبار اخر شهر التي تخص السعوديه (اخبار سياسيه)
2-معرفه اسماء الوزارء الحالين
3-معرفة اهم الكلمات التي ذكرها الوزارء في تصريحاتهم القويه مثال كلمة سعود الفيصل رحمه الله
4- اختبار اللغه الانقليزيه سهل جدا ( طبعا للناس اللي مو تخصصهم انقليزي) ركز على مبادئ اللغه قواعد واهمها in-on-at لان كثير مايعرف يفرق بينها
4- ضرروري جدا تطبع ورقة الطلب واحضار بطاقة الهويه بدونهم صدقني تضرب الباب
ولازم يكونو معك في اليومين تبع الاختبار لان كل اختبار فيه لجنه تتاكد من الشئ ذا
5- اخر نصيحه مني لكم خل باااالك طووويل مع الخارجيه لان ممكن الاجراءات تاخذ سنتين تقريبا يعني تعين سريع مافيه ولكم عبره في دفعة 1435
6- اعلان نتايج الاختبار التحريري غالبا شهر ذي الحجه يعني بعد الاختبار تقريبا ب 5 اشهر فلا تشغل بالك وتقول طولو علينا
7- الملاحق توجد دوره عندهم غالبا تبدا مع الفصل الدراسي الثاني يعني الملاحق تعينهم سريع باذن الله ( ليس تعيين رسمي بل دوره)

طبعا هذي نصايح مني لكم ووممكن اكون ناسي شئ الله ربي يسهل عليكم

الكل يسال عن الاختبار:

الاختبار مقسم الى 5 اقسام اول يوم اختبارين ثاني يوم 3 اختبارات

اول يوم- الاختبار الاول عام

يعني تجيك اسئله سياسيه+ لغويه لازم تتطلع على الصحف السعوديه وموقع الوزاره
لان ممكن تكون هناك اسئله مثل اخر استقبال لوزير الخارجيه
الاسئله اللغويه سهله ما اذكر شي منها. هناك اسئله عن اسماء الوزارء الحالين وامراء المناطق الرئيسيه ركزو عليهم

الاختبار الثاني ( انقلش) للتوضيح تخصيي ماهو انقلش وكلامي للناس اللي تخصصاتهم غير الانقليزي

الاختبار سهل اذا معك قواعد اساسيه وقويه في الانقلش

خلصنا من اول يوم ندخل في اليوم الثاني:
اول اختبار تخصص
انا اقتصاد كان عدد المتقدمين 5 انا الشخص الوحيد اللي طلعت بينهم مدري ليه والله😂

الاختبار يبدا من السهل الى الصعب ركز على النظريات التجاريه وعلى التجاره العالميه اسئله بصراحه ماتوقعتها لان فيه شي من الصعوبه والحساب لكن بدايه الاسئله سهله

ثاني اختبار: سؤال مقالي في الشأن العام. جاني سؤال عن قمة كامب ديفيد
تكلم عن نتايجها انت لازم تتطلع على الاحداث الاخيرع وتقرا اذا تبي الوظيفه

ثالث اختبار؛ سوال مقالي في التخصص كان تكلم عن اسباب استقرار الاقتصاد السعودي في ظل ازمه الحرب

نصيحه مني لكم في الاسئله المقاليه انا كتبت نص صفحه لكن كلامي كان واضح ومرتب ووضعت نقاط في بدايه الموضوع وتكلمت عنها كان هناك زميل لي يقول كتب 3 اوراق بكلام غير واضح مع ترك مسافات كبيره تحطمت لان كتب كثير لكن المفاجاه انه ما رشح

لذلك اللجنه تبي كلام مختصر وواضح تتدل انك مطلع على الاحداث وعندك القدره في شرح الموضوع بموجز بسيط

اتمنى اني غطيت لكم الاختبار كامل ومانسيت شئ ..

نجي للمقابله الشخصيه انا مقدم على وظيفة سكرتير ثاني بالنسبه للملاحق ما اودي وش وضعهم

المقابله😂😭💔 باختصار الفيسات شارحه الوضع

المقابله كانت مع 6 اشخاص الامير خالد بن سعود والامير محمد بن تركي والسفير ثامر السبهان والدكتور وليد ومدير المعهد الدبلوماسي وشخص اخير ماعرفته

المقابله: اكشخ وخلك واثق من نفسك لان الوضع بصراحه بساطه ولايوجد هناك تعقيد
ممكن تكون انت تسهلها بنفسك ووممكن تصعبها ...

يعني الشي اللي تعرفه جاوب باختصار ولا تتكلم كثير لان اي كلمه تقولها ممكن يطلع عليك سوال وماتقدر تجاوب عليه

الشي اللي ماتعرفه او ماتقدر تجاوب عليه قول اعتذر منكم ماعندي معرفه او اجابه

لكن جهز اجابات للمواضيع المعروفه والمنقسم عليها في المجتمع
مثل سواقة المراه للسياره ومجلس الشورى والعمل الى اخره

بالنسبه لي انا اقتصاد والوضع الاقتصادي لدى العالم متقلب كانت جميع الاسئله تخصصيه بحته وش تعرف عن نظريه ادم سميث كم حجم التبادل التجاري مع امريكا
المخاطر الاقتصاديه لدى السعوديه الى اخره ماحسبت امسك الباب 😂
هناك اسئله قد تكون استفزازيه المطلوب منك الابتسامه والاجابه هذي نصيحه مني لكم
يعني يقلك انت ماتفهم انا ماسألتك عن هذا الشئ انا سألتك عن كذا 😂💔
فالهدوء مطلوب والاعتذار والابتسامه

عند انتهاء المقابله قد يطرح عليك سؤال شاطح جدا مثلي انا سالني احد الاشخاص وانا طالع قلي وش رايك فيني😂 الثاني شطح علي وقلي عندك ملاحظات علي طبعا مصادر كان لهم بالمرصاد ماعندي ملاحظات الا اني اشكر لسعادتكم اتاحه الفرصه لي لمقابلتكم واتمنى ان اكون احد اعضاء الوزاره 😂اجابه مثل وجهي

المهم هذا اللي فبالي واي سوال انا حاضر اتمنى من الكل الدعوه لي قد تصيد وقت مستجاب

الله ربي يوفقكم ويسهل امركم ...