السلام عليكم
ياجماعه الخير انا ناويه بإذن الله اقدم ع نجران معلمه ولكن............حسبتها مدينه وفيها مولات وجامعه ومستشفيات ومطاااار
بس قريت في منتديات انها مقطوعه يعني لو تعينت بعيد باقطع بال100كيلو وعليها مشاوير وان مطارها موقف
وانا لو رحت باروح مع امي وهي كبيره مافيها شده مرمطه وسواقنا وسيارتنا القرمبع
الشي الوحيد الي يجبر الخاطر ان الجميع يمدح في اهل نجران
فالي توضفوا هناك افيدوني الله يسعدكم
-مطارها شغاااال ولا لا هو موجود اصلا بنجران ولا في شروره ؟؟
-هو صح ان قراهم مقطوعه جدا وطرقهم وعره؟؟
-لووو توضفت فيه امل اتوضف بنجران المركز ؟؟
- اقدر اختار ثانوي او متوسط لاني ماابغا الابتدائي؟؟
لو عليه باسكن بخيمه جنب المدرسه اهم شي اتوضف بس امي معي وماودي اتعبها وفوقها ماعندنا رجال فهمتو الوضع..

نجران مدينة جميلة فيها مولات وجامعة ومستشفيات ومطار
مدينة متكامله لو جاك تعيين فيها فهي فرصة طيبه

في محافظات تابعه لها ولكن اغلبها محافظات زينه والمدارس سهل الوصول لها
اذا تم التعيين يقدر المعين يختار حسب الرغبه متوسط او ثانويه بس لازم يرتب جميع الرغبات وهم يختارون حسب الإحتياج

جيتي على الجرح اللي تعينو في نجران وجيزان وخاصة اللي عندهم اطفال ايش تسوي تقدر تأخذهم معها للمدرستها وكيف السكن وكيف السواق أهم شي الأطفال

لا تسبقوا الاحداث استنوا التسجيل يفتح في الوظائف التعليميه وشوفي الاحتياج ..
يارب ارحمنا صرنا نحط ابعد المناطق عشان يجينا التعيين ..

نجران دايم الاحتياج عندها كثيير ومن سنين
وبعدين الواحد يفكر ويخطط ويشوف هو وش عليه من بدري

-


يارب يجيك التعيين و يجيني لو في نجران ..

وعليكم السلام ورحمة الله وبركاته

انا متعين فيها من سنتين والحمد لله مرتاح لأني متعين في نفس المدينة وفيها كل شيء مطار مستشفيات مولات شركات الشحن بنوك صرافات مدينة متكاملة

وهنا اجابة على نقاط استفساراتك

-مطارها شغاااال ولا لا هو موجود اصلا بنجران ولا في شروره ؟؟ يوجد مطار في نجران لكنه مغلق حالياً بسبب الحرب وكذلك يوجد مطار في شرورة
-هو صح ان قراهم مقطوعه جدا وطرقهم وعره؟؟ بخصوص القرى في البعيد و القريب ولكل قرية هجر ومعروفة الهجر شبه مقطوعة
-لووو توضفت فيه امل اتوضف بنجران المركز ؟؟ على حسب تخصصك و الاحتياج
- اقدر اختار ثانوي او متوسط لاني ماابغا الابتدائي؟؟ الي يختار و يوجه على المراحل و المدارس ادارة التعليم على حسب تخصصك و الاحتياج

جوابي بالأحمر

تخصصي فيزياء

اللي عندها اطفال ايش تسوي مجبورة تأخذهم اللي مرت بالتجربة ذي تقولنا