مالحل ؟؟؟

سلطان العويمر · #1 (**permalink**) 25-03-2016, 10:05 PM

السلام عليكم ورحمة الله وبركاته

اسعد الله مسائكم

اعتذر علئ السؤال هنا اذا مو مكانه المخصص

فالموضوع مهم جدا بنسبه لي واحتاج توجيهكم وخبراتكم

اولا انا بكالوريوس تربيه علم نفس مسار التدريس ~> والله اني ندمت اني اخترت المسار وتركت المسار الاخصائي

ومعدلي مقبول منخفض جدا والتعليم زي ماانتم عارفين تحجيز وشروط تعجيزيه ومافيه وظائف معلمين الا عدة الاصابع

وجت ببالي اني اروح لهيئة التخصصات الصحيه واطلب تصنيف وتدريب اخصائي

فاتفاجات والله وانصدمت ان الشهاده لاتقبل بحجة اني بكالوريوس علم نفس ومساري التدريس

وقلت طيب باخذ دبلوم بالارشاد النفسي وقال بالحرف الواحد لانقبل نهائيا

مدري وش الحل مع العلم اني المسارين الاخصائي والتدريس مافيه فرق الاثلاث مقررات زياده

انا اخذتها انتظام من جامعة حائل

ياليت من الاخوه الاعزاء توجيهي حسب خبراتكم او حل

وجزاكم الله خير الجزاء

EngAhmed90 · #2 (**permalink**) 26-03-2016, 08:26 PM

والله مالي المام كامل في تخصصك وتوجهك
لكن باقولك نصيحتي ولك الحرية

خذ لك دورات تزيد قيمتك في السيرة الذاتية
بس شوف الدورات اللي تدعم تخصصك

وشوف المدارس الاهليه وبعض المراكز المعنيه بتخصصك
اللي توظفك ( كمعلم ) وبنظام عقد وتأمينات

وفي نفس الوقت اختبر كفايات وحاول قد ما تقدر تجيب درجة عالية جداً
راح تعوض معدلك المنخفض , لان النقاط مقسومة بين الكفايات والمعدل والاقدمية
راح تنرفع نقاطك .
هذه بالنسبه للحلول
لكن لازم تكون من داخلك عازم العقد على تحقيق اهدافك
وش اللي تعليم شروط تعجيزيه ومدري ايش !
المطلوب منك الحين اجتاز الكفايات بدرجات عالية وراح ترفع نقاطك
وخلي اهدافك قدامك في كل وقت والله يوفقك

جزء من المشكله احباطك , وهالاحباط راح يهزمك .

الحلول بايجاز
أ - قطاع خاص ومدارس اهليه
ثم :
ب- اجتياز كفايات بدرجة عالية (جداً )
وراح تتساوى مع اغلب المتقدمين
واحتمالية حصولك على وظيفه تعليمية راح يكون كبير

والله يحقق لك مرادك اخوي
واعتذر على الاسهاب