السلام عليكم ورحمة الله وبركاتة
الله يصبحكم ويمسيكم بالنور والسرور
انا بسويلي مشروع تنكيل وتغطيس الجنوط والشكمان . واي قطعة معدنية بالسيارة او اي معدن
طبعا المشروع نقول ان شاء الله ناجح لان الشباب عندنا يغطسون مواترهم
بمبالغ شوي غالية وللاسف
بنفس منطقتي مافية ورش للتغطيس كلها بالرياض ومدري وين
والفايدة من التغطيس يحسن مظهر لسيارة مهما كانت
ومدري من وين ابدا
فااحتاج مشورتكم
حاولت وبحثت كلهم برا السعودية ومدري وش السالفة
يقولون مواد كيماوية يخلطونها مع بعض ويحطون المعدن فيها ومدري كيف
فياليت اللي عندة خبرة ويعرف التكاليف والمعدات ..الخ
انتظركم

للأسف يااخوان ماحد عندة فكرة ؟
او اي معلومة

إذا تبغا معك شريك من الرياض أنا حاضر

حياك الله يالغالي
هو انا ماعرفت كم راس مال المشروع ومإدري كم تكلفتة الاجمالية وماهي الادوات للاسف
بإنتظار الاخوة الباقين وبإنتظار المهندسين الكيميائين ليبدو ارائهم وتوجيهاتهم

بعد البحث وتقصي المعلومات طلعت بنتيجة ولله الحمد
الشغلة سهلة بس يبيلها مواد كيميائية ومدري من وين اجيبها وجهاز مولد كهربائي مادري كم قيمتة
والمواد الكيميائية مدري كم اسعارها وووين تنباع

الله يوفقك امين يارب

كبداية أعتقد المشروع ممتاز جداً..

لأنه فعلاً عندنا أرقام فلكية في هذا المجال من قبل أصحاب المحلات..

وفعلاً محلات قليلة وتكاد تكون معدودة هي إلي تقدم هذه الخدمة مع أنها مطلوبة..

فتأكد من قيمة المواد المستخدمة وتكلفتها وادرس الموضوع جيداً مقارنة بالأسعار الحالية للمحلات القائمة المقدمة لهذه الخدمة..

فإذا وجدت العائد ممتاز..

استخير الله وتوكل..

الله يجزاك خير زرقا اليمامة

اخوي علاء سالم
كلامك عالعين والراس ومثل ماقلت المحلات تكاد معدومة بالنسبة لمنطقتي اللي انا فيها مافية محلات بحثت وماحصلت
وحصلت كم موضوع من عام 2009 وبعض المواقع الاجنبية
لاكن المشكلة المواد حصلتها بموقع امازون وممنوع شحن المواد الكيميائية في اغلب الشركات اذا موب كل الشركات
كبداية بدور على محلات تبيع مواد كيميائية كـ محلول النيكل .الخ واجرب على اشياء صغيرة مثل المفاتيح وان شاء الله ابحصل شخص يدلني عالطريق الصحيح