السلام عليكم ورحمة الله وبركاته...
اخواني
انا عازم على فتح محل عصيرات طبيعيه ..
بس مثل ما انتوا خابرين
نحتاج الفزعه من بعض الخبرات المتواجده معنا في المنتدى ؟؟

1- كيف اراقب المحل ؟؟
2- وش افضل العماله ( مصري - يمني - ولا من شرق اسيا )
3- هل كاميرات المراقبه مع الأكونت كافيه لمراقبه المحل ؟؟
4- كم تقريبا تكلفه المشروووع ؟؟


اتمنى منكم الأفاده

الله يرزقك يارب


بجاوب اللي اعرفه شغلها بالصيف ممتاز اما المراقبه سهله تحط كاميرات وكاشير للحسابات

اما العمال اشوف الافضل اسيويين بس اذا لقيت عمال يمنيه بعد يكون ممتاز اشوفهم مجتهدين بالعمل ويطورونه

التكلفه ما اعرف ويجي من يفيدك بالباقي

يعطيك العافيه ...
الكاشير والمراقبه ؟؟ تكلف كم تقريبا اذا عندك خبره في الأسعار والجودة ؟

والسوال الأهم الأستقدام من الأسيوين سهل ؟؟ وش افضل دوله ؟؟

ما عندي علم بالكاشير والمراقبه بس الافضل انت تنزل السوق وتشوف الاسعار لا تستعجل بالشراء اذا ما عندك خبره

انا اشوف اسيويين لان اغلب المحلات للعصائر تستخدمهم شوف الاقل تكلفه لك ترى العصير سهل اخلطه وحط سكر وانتهت مو صعب يعني

اذا لقيت عامل له خبره شي حلو لك نزل اعلان بالصحف والمواقع وان شاء الله تلاقي عامل له خبره او اذا شفت محل عصاير اتفق مع العمال وخذ لك خبره من عندهم مافيها شي تتعلم قبل تدفع ريال واحد والله يرزقك



يجي من يفيدك هذا اللي قدرت عليه والمعذره منك

اول شي اذا ما عندك وقت توقف في المحل من العصر لين يسكر في البدايه لين يوقف المشروع وتعرف كل صغيره وكبيره لا تفتح يبي لك اقل شي سته شهور معاهم بعد كذا بمدبك تشوف المحل يشتغل بدونك

واكيد مع هذا لابد تحط كاميرات المراقبه وجهاز كاشير والعماله لا تاخذ غير الفلبينيه او النيبال حتى لو تدفع راتب دبل لانك فاتح محل تبي عمال تشتغل صح دامك تعطيها راتب

حاول يكون واحد على اقل من العماله عنده خبره في العصيرات والبيع فيه يرفع نسبه نجاح المشروع

لابد تعرف من هو زبونك عشان تحدد الاسعار وتحدد الديكورات والمنطقه المستهدفه