السلام عليكم ورحمة الله

اانا ابي اشتري سياره 25 راكب ابيها نقل جامعي كوستر انا اسكن في محافظه والجامعات في المدن تبعد عنا تقريبا 70 الى 80 كيلو

ابي اشتري السياره وبجيب عليها سواق يشتغل لاني اعمل في الصباح ولاني متفرغ لها

الشروط الله يحفظكم وشهي

يشترط مؤسسة او شي لان هي سياره وحده فقط لاغير وفيه مانع من السواق الاجنبي

راح اجيب سواق باكستاني وش رائيكم لان اعرف سواقين وراح اجيب عن طريقهم سواق طيب ان شاء الله

وسلامتكم ياحلوين

أذكر من اشتراطات شراء مايكروباص 12 راكب لازم يكون عندك كرت عائله فيه عدد كبير
او تكون صاحب مؤسسة نقل والاجانب الافراد كانو ممنوعين لكن لا اعلم هل فيه تدقيق عليهم حاليا ام لا


وفقك الله لمافيه الخير

صحيح لازم افراد العائلة اكثر من عشر
هذه من شروطهم وقريت عنها ، تعجيزية شوي

لكن ما يمنع تدخل عند احد مكاتب النقل وتسالهم

وفقك الله

شف يا طويل العمر ..
اعرف معلمة زوجها كان شرطي ... وانقلوه بعييد جدا لهجرة صحراوية تخووووووووف
الرجال ماتحمل واستقاال ..
وبعد مااستقال جا تعيين زوجته معلمة بهجرة جمب المنطقة اللي كان متعين فيها ..
يبعد المنطقةعنهم تقريبا 250 عن مسكنهم
الرجال لا شغل ولا مشغله
هو اللي يودي ويجيب زوجته كل يوم
ولاحظت زوجته مشكلة النقل عند المعلمات
فأقترحت على زوجها انه يأخذون باص ايجار ويجربون يتربحون من نقل المعلمات
اذا ضبط الوضع كان بها ... واذا مااضبط رجعو الباص ويادار مادخلك شر
والله يا سيدي الفاضل الرجل الان يملك اكثر من 5 باصات ومغطي هجر الموجودة بالمنطقة بباصاته
شرى بيت واستقر ماشاءاالله تبارك الرحمن
وانا ارى ان السبب انه هو كان بنفسو يسوق في بداية الامر .. وقيم بنفسوو الربح
انا اشوف خذ اجازة من شغلك
وجرب الباص بنفسك وقيم بنفسك
واذا الوضع اوك خاطر واشتر باص وجب سايق وبالتوفيق ان شاء الله
اعتذر على الاطالة