سبحان الله

حسبنا الله ونعم الوكيل !!!!!!!

هو صحيح حلو انهم يصحون من الغش والخدع والتحايل علي النضام واكل مال الغير
بس ما كالها الا اصحاب الضمان من كبار سن وأرامل ومُطلقات وغيرهم

يعني مثلي انا أسقطت عشان السفر وانا اساسا مطلقه وعندي أبناء مهجورين
كيف اسقط وش دخل السفر وأصبحت حديث المجالس للمعارفي اللي شمتان واللي راحم حالي حتي وانا اراجع لهم يقولون انتي طالعه برا منتي محتاجه اثبتي سفرك وتحس انهم مستانسين انهم اسقطوا عشان السفر يعني مثل تطلع وتسافر وانت من الضمان وحان جالسين مانقدر

وش نفع قرارهم وصحوتهم غير الضرر لنا
وهذا غير اللي طلع شغاله وسواق وفك نفسه من منته الناس أسقطوه وتبهذل

والله ماتسوي علينا رحو شيكو البنوك تعرفون من الغني ومن الفقير المحتاج
مو عامل وسفر

هالحين مشى عليكم هالحكي هذا عشان الناس لي مقدمين على المقطوعه لهم من سنه ونص ولي له سنتين ماعطوهم يبغي يسوي انهم مشغولين في مطارده الاثرياء ويطلع بحجه هاذي هي وزاره الضمان ارامل وايتام وعجزه تاركينهم من سنين مقدمين وربي فيه فساد في الضمان مايطلع من الضمان نفسه مايستغنون عن حق الايتام والعجايز والضعوف لاتقول لاذي ولاذي انتم من اكل حق الناس*وحنا مو اغبياء اذا جاء الواحد يقدم عليهم انخلوه نخل ولايتنازلون لو تنسى ورقه من الاوراق رجعوك هذا غير شهرين كامله وهم يبحثون عنك وبعدين يقررون هم يقبلونك او لا وينكم عن الاثرياء ليه ماكشفهم بحثكم الالي ولا هالشهرين طقطقه على الناس الضعوف وكلنا عارفين ان فيه موظفين من الضمان ويشتغلون من تحت الطاوله والله العظيم اني اعرف وحده متزوجه ومع زوجها واولادها وتستلم من الضمان ويوم قلت كيف قالت واحد من معارفنا موظف بالضمان سجلني بدال ما تتسلط على الضعوف وتحاسبهم حاسب الموظفين ووقفهم عند حدهم الاثرياء مادخلوا الضمان من انفسهم انتم تدرون عنهم

والله كلامهم مايخش العقل ماسقطو غير الضعوف والمساكين والبقيه تسرح وتمرح فالضمان مايصدقون يلقون على الناس المحتاجه زله على طول يسقطونهم وعالم لهم سنين ينهشون فالضمان ومازالو لحد الان ومع ذالك العيون معميه عنهم او هو شغل واسطات ولعب من تحت الطاوله

ضعنا وضيعونا معاهم ..وزودن على امراضنا امرضونا

حسبنا الله ونعم الوكيل