السلام عليكم ورحمة الله وبركاته
اسعد الله اوقاتكم بكل خير
عندي ونيت وقررت ابيع حبحب وما اعرف من فين اشتريه ولا كيف اشتريه وبكم ابيعه
ارجو منكم افاتدي تكفووون مع العلم اني في مكة في انتظار ارائكم ومشاركاتم

لا اله الا انت سبحانك اني كنت من الظالمين

عليكم السلام ورحمة الله

اللي اعرفه يشترون الجح من وادي الدواسر والقصيم

__________________
ومن يعمل من الصالحات وهو مؤمن فلا يخاف ظلما ولا هضما

اللهم اصلح لي شأني كله ولا تكلني إلى نفسي طرفة عين لا إله إلا أنت سبحانك اني كنت من الظالمين
*
بانتظار ارئكم وافكاركم الرجاء من لديه الخبرة يقولي عشان استفيد والله يوفقكم جميعا

اسأل محلات الخضار عن سوق الخضار الجملة
وإن شاء الله تحصل رزقك هناك

دز على وادي الدواسر مزارع كبيره للجح
وأظن في منطقة سدير بعد

__________________
سبحان الله وبحمده

عندك طريقتين بالنسبة لمدينة الرياض

تصلي الفجر في سوق العزيزية للخضار والفاكهة تجي السيارت الكبار التريلات محمله من المزارع وتجي سيارت جموس حوض نفس الوضع طبعا انت تشتري حمله كاملة او تشتري من اللى يشتري الحملة تاخذ جزء

الثانية تروح للقرى والمدن خارج الرياض اللى فيها مزارع وتشتري مباشره بس مباشره تقريبا تحتاج راس مال شوي اكثر لان لهم كمية معينة لازم تشتريها


البيع قسم كامل القيمة على عدد الجح اللى شريته + تكاليف النقل والتخزين + تكاليف التحميل والتنزيل ويطلع لك سعر الجحه الوحدة واحرص ان موقع البيع يكون عليه حركة حتى تقدر تمشي البضاعه بشكل اسرع وربي يفتح لك باب الرزق

لا تنسى تاخذ خياش وتبللها ماء وتفرشها فوق الحبحب عشان ما يخرج من حرارة الشمس