السلام عليكم
اريد رائيكم في مشروع ورشة سيارات

انا شخصيا لا اعرف بالمجال لكن صاحب لي سوداني مكانيكي طرح الفكرة على وان تكون الورشة باسمي وينقل هو على كفالتي لكن ماهي افضل طريقة اني اضمن حقي واستبعد اللف والدوران

السوال واستفساري كالتالي

هل اخلي الارباح نص بالنص او اتفق معه على مبلغ معين لاني جديد بالمجال ومستحيل اغامر الى اعرف الصغيرة والكبيرة بمجال الورش في حال الشراكة

اريد رئيكم لاهنتم والنقطة الحساسة بالنسبة لي مين اللي يأسس ويدفع الايجار وياتي بالمعدات انا او هو او تكون بيننا

هو قال لي اخوه ايضا مكانيكي يبي يجيبه على نفس الورشة ويقول نجيب 2 هنود وانتهينا


هذي الصورة المبدئية اللي تم النقاش فيها


لا استغني عن ارائكم وهل المشروع يستحق المغامرة وفي حال تم فض الشراكة كيف اضمن حقي واكمل مشوار الورشة

هذي مشكلة كثير من الشباب يكونون ضحية استغلال لعامل لايهمه سوى مصلحته

ولو لاقدر الله خسرت سحب عليك في كل الاحوال ماعنده مشكله

انا اقول لك وش يبي منك بالضبط

يبي تجهز له كل شي تدفع ايجار وشراء عدد ،،،،،،، الخ

وهو يشاركك النصف بالنصف بالمجهود فقط لاغير ولا راح يدفع ريال واحد معك

نصيحة ان كان عندك القدرة المالية اخذ عمالة فلبينية وهندية بالراتب وانت المستفيد

انتبه لاتقبل شراكة 50/50 ان مادفع شيء معك قول له الثلث بالمجهود وثلث لك وثلث للمحل من ايجارات وعدد وخلافه

ياخذ نصيبه الثلث من الربح الصافي بعد رواتب عمال وايجارات وكهرب ،،،،، الخ انتبه ياخذ الثلث قبل خصم المصروفات

مع اني متاكد ماراح يقبل

والله يوفقك

اشكر ردك اخوي مجموعة السعد

فعلا هو يبي نص بالنص الارباح هذا اللي ناقشني عليه انا مش مقتنع لانه قال نجيب عمال هنود وبالراتب

وحنا بيننا نتقاسم فعلا قصده كل شي علي وهو بالمجهود

لكن اذا كان انقل كفالته علي قبل نبدا بكذا ما اقدر احشره في حال انه حاول يبطل شغل

وكمان هو يبي يستقدم اخوه على نفس الورشة يعني هو واخوه على كفالتي


لكن اللي الى الان مش مقتنع فيه الارباح نص بالنص وكل شي علي سلامات يلقى كل شي جاهز

هو يبي بنفس الصيغه ذي

متردد والله اللي مشجعني انه يصير على كفالتي واللي مخوفني عدم الاتفاق على المرتب او الارباح لانه يبيها نص بالنص

وعليكم السلام
اخوي انصحك ابعد عن السوداني والله فيهم كسل مو طبيعي انت عارف السوداني مايشتغلون كثير
ومثل ماقال اخونا مجموعه السعد جيب لك هندي ولا فلبيني وبعدين شغل النص بالنص ماتوكل عيش
اذا ماشغلته بالراتب وتخليه يداوم مضبوط بكره يقول لك اليوم تعبان مقدر اداوم او مشغول او او او
لكن بالراتب لو تأخر دقيقه تقدر تخصم عليه والله يوفقك ويرزقك دنيا واخره ان شاءالله

السلام عليكم
انصحك تبتعد عن مجال لاتفهم فيه

احذر احذر
وهذا الاوله ينعاف تالية

قل له راسال المال النص بالنص والارباح لك نص ولي الربع والباقي للمحل والعمال

كثير من التجار رزقهم الله بسبب عمال اجانب عرضوا عليهم الشراكة مثل حالتك فهذه فرصة ولكن بعد دراسة وحذر وتوكل على الله

وجهة نظري ان العامل لابد ان يدفع جزء من المبلغ حتى تضمن حرصه على حلاله قبل حلالك وتضمن ايضا عدم تلاعبه باموالك ( يعني يجرب مشروع بأموال غيره ) فإذا خسر او عرض اي عارض انسحب وتركك وحدك

هذا هو الشرط الاساسي في مشروعك
اما النصف او الربع كاقل حد

الشرط الثاني ان تكون قريب من الورشة ولا تقول انا ما افهم بالشغلة فكلها شهر وانت فاهم كل شي على الاقل لا تقول له انك ما لك علاقة بشي

اخيرا ابحث عن افضل طريقة للمحاسبة فمسالة النص بالنص وبس غير منضبطة والشيطان يدخل بين الشركاء