هذي بعض المشاركات نسختها من عدة مواقع
ساسمح لنفسي بنسخها ولصقها هنا مع اعتذاري لاصحابها والهدف فقط ان يستفيد الاخوة المقبلوين مبدئيا
ولديهم مواعيد وهم حارج مدينه الرياض لعلها تنفعهم

1/

السلام عليكم ورحمة الله وبركاته
ياشباب اليوم كانت مقابلتي الساعه 8 في كلية الملك فهد الامنيه في الرياض بقولك ايش صار اول شي دخلنا من البوابه الرئيسيه بعدين انتظرنا يجي باص ياخذنا ويودينا لـ قبول والتسجيل المهم وصل الباص وطلعنا كلنا ورحنا القبول والتسجيل اول ما دخلنا اعطونا اوراق نعبيها بعد ما عبينها دخلنا لـ طول والوزن وكثير رفضهم بسبب الطول حتى لو نص سانتي المهم بعدين رحنا المقابله الشخصيه طبعاً المقابله سهله يسالك ايش صوره الاخلاص وكم عمرك وتوظفت قبل ولالا المهم بعد المقابله نزلنا لقاعه كبيره اعطونا اوراق الكشف واوراق العمده والاحوال والخ وبعدها خرجنا على الساعه 1 ونص الظهر المهم قالو لنا تعالو بكره الصباح يعني الي بيجي لازم يحسب حساب يومين بالكثير الي مو معاه شهادة حاسب ولا هي معتمده لا يجي لان رفضو كثير والله يوفقني ويوفقكم كلكم

2/

صلاح قبل المقابلة يعطونك ورقة تكتب بياناتك ورقم الاحوال حق الاب واين انولد اسئله جدا عادية والصفحة الثانيه تكتب كل الشهايد الي درستها اسم المدرسه ومكان المدرسه وسنه التخرج والباقي عن سفرياتك وتذكر سبب سفرتك فقط وعند المقابلة يسالك عن عمرك وكم لك متخرج اشياء بسيطة وموفقين جميعن وبالنسبه ل ياسر والله حالي حالك انتظر شخص يزودنا بالمعلومات تخبر انا جاي من المدينة مدري متي احجز حق العودة

3/
اولا ياشباب مساكم الله بالخير انا بعطيكم العلم الصحيح واللي صار معي بالحرف الواحد رحت لموقعهم بطريق خريص عند ملعب الملك فهد دخلنا بعد البوابه على اليمين دايركت يعلن اساميكم يتأكد من الحضور وبعدها تركبون باص يوصل لمبنى ثاني وتدخلون صاله مقسمه ثلاث اجزاء الاولى تعطيه هويتك ويطلع لك ورقه وتاخذها وتروح للي جنبها وبعدها ترتب اوراقك من نموذج وثانويه وحاسب وانقليزي وقياس وبالاخير صوره من الهويه تدبسها وتعطيهم ويرجعوها لك وتروح للوزن والطول لعلمكم اللي طوله اقل من 168 نصيحه لا يتعب حاله قسم بالله الا اذا عندك واسطه واللي مامعه شهادة حاسب برضه مايتعب حاله طردوا 4 او 5 قدامي قسسسسم وبعد الوزن والطول تنتظر يعطيك ورقة يطبعها لك حقت مقابله شخصيه 1 وتروح للمقابله ابو كلب ماتاخذ منك نص دقيقه وبعدها تروح لقاعه عاديه يعطونك ورقة متابعة ذي اهم شيء وملف طلب التحاق وملف للكشف الطبي وبعدها يختمون لك وياخذون ملف الكشف الطبي وتتسهل على الله اليوم الثاني ترجع لنفس القاعه وتوقع على موعد الكشف الطبي وبعدها تروحون لمبنى صغير يدخلونك للمسجد يعطونك ورقتين تعبيها اسأله عنك وعن ابوك والمدرسه متى تخرجت وكم النسبه يعطونك سادس وثالث متوسط وثالث ثانوي وتوقع عليها وتروح بعدها للمقابله نصيحه يااخوان اقسسسسم بالله احلى مقابله شفتها بحياتي خل تجاوبك معاه سريع سريع لا تجلس تلكع بالكلام عن نفسي ماكملت دقيقة وطلعت غيري اللي قدامي اللي قعد من 5 دقايق ولا من 7 دقايق واللي من 4 دقايق وبعدها تختم وتضربها الدرب وموعد كشفي الطبي يوم الأحد تاريخ 24 والله يوفقنا جميع فيما يحبه ويرضاه

4/

مقابلتي كانت اليوم المجموعة 10 اول ماتجي عع الساعة 8 تدخل غرفة عند بوابة الدخول وتحظر اسمك عند عسكري وبعدين تصف طأبور لين يجي الباص وياخذكم ويوديكم للقبول والتسجيل اول ماتدخل تجلسون على كراسي وتقومون واحد واحد على عسكري تعطية رقمك السجل المدني ويعطيك ورقة حقت الالتحاق فيها اسمك وشهاداتك واسم ابوك ورقم الجوال وزي كذا وعدين تروح لصالة جمبة وتحظر اسمك عند عسكري ثاني بعد وتجلس وترتب اوراقك طبعن بدون ملف اوراق كذا تدبسها عندهم وبعدها تدخلون على الطول والوزن وبعد ماتخلصون تروح لحقين اللي يطبعون لك ورقة المقابلة وبعد ماتاخذون اوراق المقابلة يودونكم لصالة وفيها عسكري يسولف معكم لين يجون حقين المقابلة وهم من اهل وزارة الداخلية مالهم شغل قي الكلية وبعد ماتخلص المقابلة تنزل للدور اللي تحت اول ماتدخل فية عسكري يعطيكم ملف حق المستشفىء وملف حق الالتحاق النهائي وتكتب بياناتك وتدبس صورك بلملفين وتختمون الملفين منك ويعطونك ملف الالتحاق النهائي بس اما حق المستشفى يبقى عندهم ويقولون لكم تعالو بكرة نفس الوقت وجيبو صور شخصية ملونة مكشوفة الراس وصور من كرت العايلة وصور الهوية الوطنية وياخذونكم عع الباص وعع البوابة وانقلعو الابكرة هذا كل اللي حصل معي اليوم ولازم شهادة ابثانوية مصدقة والحاسب مصدقة من المعهد وبس

وعلى كلام عسكري بالكلية الامنية يقول اول مرة يفتح التسجيل بالديوان والعدد يقول مفتوح ماحددوة الا الان وبالتوفيق للجميع

ما بنسبة هل هي دورة ام دراسة مدري واللة ماقالو شي بس اعتقد انها دورة وعلى كلام اكثر الناس انها دورة وفي مكة والتعيين في مكة اما الكشف الطبي فهو في الرياض لازم وفي مستشفى قوئ الامن بالرياض

منقول

اسئل خويك لا هنت

الدورة في الرياض او مكة وكم مدتها وفيها ال 45 يوم استجداد

بالنسبة الي يسأل عن طريق نقل الفحص ما يمديك الفحص بيكون في الرياض فقط والكشف الطبي راح يكون كشف طول ووزن ثاني مره فحص بول كشف اسنان ويكشف الاسنان العلوية يعني حاول قد ما تقدر تبينها كشف نظر وبيكون الكشف على عمى الالوان ولازم تركز وتنتبه لانه مشو كثير كشف باطنية وجراحة وبتفصخ التيشيرت وبعدين يوم توصل للجراحة بتفصخ سروالك بعدها بصمة كشف اذن وانف وحنجره يعني لازم يكون اذنك نظيفة وصوتك مافيه بحه وبعدها فحص دم واخر شي اشعة والله يوفق الجميع

منقول

السلام عليكم

جزاكم الله خير على المعلومات والتفاعل الطيب

للإخوه المراجعين للقبول المبدئي
هل في تدقيق على الشعر الطويل ؟
وهل الحضور بثوب الزي السعودي يدققون ؟
ولا يمشون

السلام عليكم ورحمة الله وبركاته ياشباب الخميس كان موعدي في الكشف الطبي في البداية لا تجيب معاك الا بطاقة الاحوال فقط وحلق شعرك خففه والشي الثاني راح يسون لكم كشف طول وزن بعدين كشف جراحه يخلونك تنزل ملابسك والشي الثالث كشف باطنيه والشي الرابع كشف اذن وانف والشي الخامس عيادة النظر وعمى الالون لاحد يشيل هم النظر ولا عمى الألون لان الدكتور متساهل يمشي بسرعه والسادس اسنان والسابع تحليل دم وبول الله يكرمكم والثامن أشعه كلها تخلصونها في يوم واحد وسهالات مافي زحمه ابداً وفالكم التوفيق يارب ؛ احتاج دعواتكم فقط.

منقول

السلام عليكم ورحمة الله وبركاته

ياشباب ماحد علمني
المقابله لو جيتهم بثوب مشددين ولا فيه شباب لابسين ثياب
والشعر الطويل وش علمه
لا تنسون قبل المغرب وقت إستجابة الدعاء

وفقكم الله