نبغى رجال نشمي يجيب لناالعلم الزملاء الي كان موعدهم الاحد 9/7
دخلوا الدورة والا فقط تسليم ملفات علشان نعرف ننام يا خلاص نغسل ايدينا منها يا نعيش مرة ثانية على الاعصاب والكوابيس بانتظار قبولنا
اسمحولي افضفض
كل القطاعت العسكرية عندنا اذا اعلنوا اسمك قبول مبدئي ومشت امورك في الفحص الطبي والمقابلة وبقية المراحل وسلمت الملف هذا يعني قبولك نهائيا وتنتظر موعد الدورة علشان تدخلها الا كلية الملك فهد اولها كانو رافضينا ((نعتذر لعدم قبول طلبك )) بعدها باسبوع بعد ما نسيناها ييرسلون لنا تعالوا نبيكم قلنا طيب اكيد العدد الي يبونه كبير جدا مرمطة 3 شهور للجميع الي من شرق المملكة الى اقصى جنوبها الى شمالها تحملنا التعب والسفر واستدنا فلوس التذاكر حقت الطيران والمرمطة في شوارع الرياض وفنادقها واغلب الي رفضوهم الان ( نأسف لعدم قبولك ) كانت اموره كلها تمام التمام من كشف طبي ومقابله شخصية وشهادات وطول ووزن والي قاهرني اكثر بعض الشباب اتصلوا عليهم قبل كم يوم وقالوهم حضر بسرعه سوي البصمات ويتعب ويسافر ويبصم ويراجع الكلية وفي الاخير (ناسف لعدم قبولك ) يعني قاعد اسأل نفسي معقول المسؤلين في الكلية ماهم عارفين هذا الشي والا تاركين المووضوع لبعض العسكر الي لعبوا في نفسيتنا لا والقهر الثاني الي صمم اعلان الكلية الاخير عن موعد احضار المستندات كاتبلي جدول وحاط ( م ) يعني تسلسل 1 يعني فيه م 2 و 3 و 4 وهكذا احنا نعرف اذا جاء في الجدول حرف م يعني تسلسل يعقبه 2 و 3 الخ والعجيب في خلال 24 ساعه تحضرون وتجيبون المستندات وصور مصدقة وطلبات غريبه جدا ماهي كل ذا الكلام سويناها في المقابلة الاولى وسلمناكم كل شي طيب الواحد متى يمديه يجهز نفسة وشهاداته ويصدقها ويحجز ويسافر يعني تحس ان القائمين جالس تحت المكيف وممدد رجوله وقاعد يلعب في نفسية الشباب لا حسيب ولا رقيب
بصراحة قمة القهر والاذلال يا ناس حسوا فينا وقدروا وضعنا اغلبنا مستلف قيمة التذاكر والاعاشة اغلبنا قاموا اقاربه واصحابة وجماعته يباركون له القبول للوظيفة وفي الاخير ايش نقلهم طردونا ما يبونا طيب ليش تزرعون في نفوسنا الامل اعتذروا عن قبولنا من بدري الي صار لعب في اعصاب الشباب وزرع النفسية بدل الامل ما اقول الا الله عز وجل يتولاني انا واخواني بقية الشباب وان ينصرنا على كل من يريد تدميرنا واللعب بنفسياتنا وظروفنا صعبه جدا من الناحية النفسية ولمالية والاجتماعية
وحسبنا الله ونعم الوكيل ياليت يشوف مشاركتي رجل يخاف الله ولا تاخذه في الله لومه لائم ويوريها لمسؤول يوقف هذا العبث الي صار
وصلى الله على نبينا وعلى اله وصحبة وسلم

ياشباب اذا انتم مانقبلتو وانا معكم واكثر معارفي معنا مانقبلو من اللي انقبل ؟ ياخي ذولا مدري وش وضعهم مانقول الا الله يكتب مافيه الخير ويرزقنا وييسر امورنا.

جاني خبر ان الدورة بدأت واكثر من 80 في المية واسطات وال20 في المية اختيار عشوائي ( رفع عتب ) وان الهروب والنحشة من اول يوم لبعض الطلاب والبعض ما راح اساسا هذا العلم الي وصلني اما موضوع ان فيه دفعه ثانية الله واعلم ما احد يأكد ولا احد ينفي بس ما ابي اعيش في امل وفي الاخير يصدموني كا العادة بانها دورة واحده لا ثاني لها
املي بربي كبير اسئله ان يوفقني وياكم الى ما فيه خير لنا ولكم وشكرا لاخواني وزملائي ممن تعاطفوا معي احس فيكم والله الله يعوضني ويعوضكم خير