السلام عليكم
بختصار هذا موضوع اصطر فيه اخطاء وخطوات نقع فيها بدافع الحماس او الجهل اول شي ابعرض تجربه مريت فيها وكانت بدايتها بالقسم ذا وهنا نهايتها ومن هالتجربه ابلخص كم نصيحه تستفيد منها اذا انت توك بادي بالتجاره

بالموضوع هذا كانت البدايه
https://www.btalah.com/t565292.html

فشلت باول محاوله


وفشلت بثاني محاوله




بعدها قررت ابني ورشه خاصه حتى اقلل المصاريف اجار ورشه وفواتير وخلافه ويكون عندي مجال بالميزانيه اكثر وبنيت ورشتي الخاصه بمزرعتنا



وبدت الامور تمشي بطريقه ممتازه وكل يوم تطلع عندي مشكله واقعد اسبوع اسبوعين الين احلها على سبيل المثال كنت مقرر يسير تصوير احترافي للكرفان اذا خلص ومنتاج حتى يتسوق بطريقه ممتازه والميزانيه ماتكفي ناشفه مره ما اقدر اشتري كميرات احترافيه او استاجر مصورين بالموضوع هذا بتوفيق الله حليت هالمشكله

https://www.btalah.com/t657631.html

وبديت بثالث محاوله وفشلت فيها وكان قل الموارد وقل الدعم سبب انهيار مشروع اشتغلت عليه سنوات اعتقد دخلت بالسنه الرابعه وانا احاول بالمشروع بكل قوه



خسرت كل شي بحلم ليتني ماحلمته بمجتمع المفروض ماتحلم فيه باي شي ضيعت من عمري اربع سنوات او تزيد وتراكمت علي مبالغ واعتقد خلال اسبوع ابنسجن حتى ماتقع بالي وقعت فيه لاتحلم كثير واتبع الاتي :

1- لاتدخل باي مشروع بكل ماتملك حتى ماتاخسر كل ماتملك اذا كان مثلن عندك 50 الف خذ منها 15 الف فقط واشتغل فيها حتى اذا سار عليك اي اشكال يكون تقدر تساعد نفسك بعد الله بباقي المبلغ

2- اذا كنت بتشارك احد باي مشروع ابتعد عن الشيبان لان هم سبب ضياعنا مكوشين على كل شي ويبون كل شيي اذا شاركك غثك واوذاك وحتى اذا المشروع اساسآ لك مايرضا الا يكون اعلى نسبه بالربح ليش ماتدري اذا بتشارك احد لايكون شريكك اكبر 30 سنه ترتاح وتحس انك تكلم ادمي واهم شي يكون كل شي بعقد رسمي وكل شخص عارف الي له والي عليه

3- اشتغل بشي تميل له او تملك فيه خبره فقط

4- انتبه تاخذ قرض او دين عشان مشروع

اتمناء لكم حياه طيبه ولاتنسونا من دعواتكم

معروف التجاره ربح وخساره سالفه تدخل مشروع بدون تخسر ذي انت ورزقك اللي ربي كاتبه لك بس المهم الواحد يغامر ويجرب ويدخل السوق


والله يرزقك انت غامرت وما قصرت وانا معك اللي يبي يسوي تجاره يدخل براس مال غير مكلف عشان لو يخسر ياخذ من الاحتياط اللي عنده ويشوف هل المشروع ناجح عشان يكمل دعمه او يبدله

والاغلب في مشاريع لها مستقبل وفي مشاريع فاشله حتى قبل تبدأ

والله يفرجها عليك يارب

شفت نصايحك هذي كنت انصح فيها الناس
وانا ماجربت التجارة ابداً والله يعلم
يمكن امتلك بعد نظر
نجي للمهم ايش رايك انك تبي تكون تاجر مهم في البلد بمشيئة الله
لانك تمتلك الطموح والإصرار والصفتين هذولن يودن لطريق النجاح
لو فشل الشخص في البداية
دايم أقول هناك مقلدين فاشلين لايوجد لديهم هدف ولا طموح

معك بكل شي قلته الا شراكه كبير العمر
بالعكس اي تاجر مبتدا وشاطر يشتر شراكاتهم
لو لهم 80% من الربح لانك تشتري خبره
لانك تشتري عمره اللي ضاع وهو يجرب بالمشروع هذا وهذاك
وانت قلتها بلسانك مكوشين على كل شي ويبون كل شي
ما وصلو للي هم عليه الا من سنوات وسنوات من العمل والجد والتعب
تتوقع انهم بعد كل هذا العمر وتعبهم اللي راح يخطون خطوه فيها خساره ؟

من يحصل له شريك كبير بالعمر وما اقصد ابدا فئة الثلاثين والاربعين
من اقصدهم من 50 سنه وطالع
هذولا تشتري خبرتهم بدم قلبك


نجي لتجربتك ترا شي عادي اللي انت مريت فيه
كل مشروع وكل تاجر يمر بالخساره اللي انت مريت فيها
فلا توقف على تجربة وحده فيه ناس ضاعت من اعمارهم 10 20 سنه
بعدين عرفو للسوق ووقفو على رجولهم
ادخل تجربه وثنتين وثلاث الخساره الحقيقه انك توقف عن المحاوله
والله برزقك

start up
اخالفك يستحقون 80 % على ايش اذا كان بيدخل معك كمستثمر براس المال والمشروع لك ولولا عدم توفر راس المال ما احتجت لهم اذا كانت تجارتهم محصوره على العقارات وسوق الجمله والمعدات الثقيله وهذي كلها بفضل الله سبحانه ثم حكومتنا بعهد الطفره الي بدت من 15 سنه بس وايش هي خبراتهم حتى نستفيد منها اذا كانت مشاريعنا تختلف عن مشاريعهم اذا كانت نفس مشاريعهم ممكن غير راس اموالهم ماتتعدا مليون مليونين ان كثرت اذكر لك راس المال حتى يبين لك مقارنه بواحد بس من جيلنا موسس موقع حراج عرضت عليه شركه مبلغ 75 مليون مقابل 30 بالميه من الموقع ورفض هذا مثال بسيط على التميز والابداع ويوم قلت عمر 30 سنه حتى يكون التفكير واحد من 20 الى 30 تقريبآ جيل واحد وتفكير واحد بنهايه كل جيل له وضعه وطريقته ذكرت موضوع العمر من باب التجربه فقط

خلك متفائل احيانا الابتلاء يجي بسبب تقصير بحق الله او حق الوالدين بالذات راجع صلاتك وراجع حق والدينك وقبل كل شيعليك بالادعية المأثورة عن النبي عليه الصلاة والسلام بتفريج الكرب وقضاء الدين وصدقني انت مافشلت كونك عرفت الصنعة وخسرت هذي مو خساره بالعكس خطوة ايجابيه ونصيحه لك حاول تطور شغلك يعني شفلك مطور لمشروعك ... لو محل فلافل اذا بارك الله ثم رزقكك بمطور فاهم راح يحقق نسبة نجاح كبيره واكبر دليل على سبيل المثال شف فلافل جست بس فلافل طوره له شركه اوربيه اعتقد المهم اللحين فروعه بالمائات بانحاء العالم .. خلك دائم متفائل مهما صار توكل على الله بس

الله يهديك يامحمد تراك اخطيت واتهمتنا بالتقصير مايجوز جزاك الله خير

start up
وجهه نظر نحترمها

قرأت كل مواضيعك حرف حرف وكأني اعيش معك محاولاتك وتجاربك
بل اكاد اقسم اني كنت اشم رائحة ورشتك وانا اقرأ واشاهد الصور

لكن استوقفتني بعض العبارات :