12-04-2016, 02:31 PM
|
عضو مهم
|
|
تاريخ التسجيل: Feb 2008
الدولة: الرياض
المشاركات: 257
معدل تقييم المستوى: 35
|
|
|
رد: خدمة جديده للبنك لم يسبق لها مثيل
مافيه قسم نسائي ، والافكار اللي تاخذين عليها براءة اختراع هي الافكار القابلة للتطبيق
لكن هذا ما يمنع انك ترسمين وتكتبين مايخص فكرتك على ورق وتقدمينها لهم
لان اشوف افكار تحصل على براءة اختراع وهي ما اقولك عادية الا تافهه عند الناس بس هذا حق الناس بافكارهم
وهم يقررون اذا تسجل لك او لا بحكم انها يقارنونها ببراءه الاختراعات المسجلة في كل الدول
يعني لها اجراءات لازم تمشي عليها
وياكثر (النساء) اللي يجون يسجلون براءة اختراع لهن ،
لكن اذا افكارك تقنية يمكن تحتاجين شركة تنفذ تطبيقاتك ، ولا راح تسجل باسمك او شعار البرنامج باسمك الا عند مايكون على ارض الواقع
العلامة التجارية مهما كانت تسجلينها باسمك عند وزارة التجارة وتقدرين تقاضين اي شخص او محل او شركة تستخدم علامتك التجارية بدون اذن مسبق لك ، وهذا موجود النظام
فالمحلات مثلاً حقة الجوالات تلقين علامة ابل على لوحات الشارع للمحل ، وشركة ابل مالها مكتب هنا ، فلو فتحت ابل مكتب هنا فاغلب المحلات
او كلها راح تسكرها او تدفعها غرامات مالية عشان شعارها
وبالمناسبة فيه منتديات او ورش عمل مثل ما يسمونها ، وتجي الناس اللي عندهم افكار قابلة للتطبيق ، ويكون الحضور من الشركات والمبرمجين والمختصين في عالم التقنية
وهنا الشركات تركض ركض ورى الافكار الزينة وتوقيع العقود يتم في نفس اليوم بين الشركة وصاحب الفكرة ،
وفيه شركات اجنبية
فالمشكلة عند البعص وهي عدم معرفتهم بالنظام والاجراءات ، وانا شخصياً تم توقيعي على عقد برنامج بسرية وفي حال تسرب الفكرة او خروجها لاحد راح اعد بلاط المحكمة من من كثر ما اجيهم
التوقيع كان عند محامي في شارع العليا بمكتب محاماة
فالعقد اللي تم ان شخص عنده فكرة يبي يطبقها وانا اسويها له ،
فما اتوقع لك عذر للهجرة للخارج مثل ماقلتي
الكورة في ملعبك
التعديل الأخير تم بواسطة نايوفيتش ; 12-04-2016 الساعة 02:38 PM
|
العرض العادي
