السلام عليكم ورحمة الله ...
اليوم رحت الضمان مع الوالده للتقديم على المقطوعه بعد شيل وحط بالوالده حرمه كبيره مقعده والله هجولناها معانا اليوم صدمتني الموظفه بقرار جديد وغريب قالت عندها حساب بنكي قلت لا قالت لازم حساب بنكي قلت هي من المستفيدات بالضمان وقبل فتره سويتو لها بحث قالت لازم حساب بنكي تنزل عليه المساعده وحساب الضمان ؟؟؟ قالت هذا قرار جديد وضروري والله صدمتني اخذت امي وقلت امري لله بروح اسوي لها حساب طالما نزلت امي من بيتها وتعبتها بكمل إجراءتها مره وحده واخذ امي واروح للبنك الاهلي قسم الرجال اخوي يعرف شخص هناك المهم دخلنا على الموظفه ومعي امي اعت فيها عت بالكرسي تعبتها والله المهم الموظفه طلبت هويتها يوم شافتها قالت الهويه قديمه !!! قلت وش الحل قالت جدددو الهويه ونسوي لها حساب والله حوسه قال اخوي خلاص مره وحده نروح الاحوال ونروح وشيل وحط ووحده تتعاون معنا ووحده ترفض وامي تصيح جيعانه عطشانه ونجيب لها اكل ومويه امي كبيره بالسن ومعاها زهايمر واحنا في روح وتعال الين اتيسرت وسوو لها البصمه وصوروها وسويت توكيل عشان اجي انا بنتها استلم البطاقه من الساعه 8 الصباح للساعه 2 الظهر واحنا مهجولين امي والله حرام عليهم كذا ايش هذي القرارات المتعنته والله كل ماشوف امي وكيف تعبت اني ادعي على من سوا هذي القرارات ياناس هذول مااحد قادر يوقفهم عند حدهم قولو لهم ارحمو الناس ربي يرحمكم وربي احسهم ماهم مسلمين يهود هذول الله يكافيهم وينتقم منهم زي ماتعبو كبار السن والمرضى حسبي الله ونعم الوكيل حسبي الله ونعم الوكيل

جديدة هذه والله!!

احنا مقدمين من السنة اللي راحت ولا طلبو حساب جديد!

اللي اعرفه تنزل على بطاقة الضمان

الله يسلط على من حط هالقرارات سويتو بحث وطلعت عايشه الحمدلله وشوله البهدله حساب بنكي وبطاقة احوال انا قدمت الاسبوع اللي فات ببطاقة الاحوال وبطاقة الضمان 👵🏼

انا قلت لها سويتو بحث خلاص مايحتاح البهدله ذي قالت مو من عندي القرار والله لو تشوفون الحريم كبار بالسن وعجزه محتاسين وموقع الضمان بقاعة نجران باآخر مكه بالعوالي الحريم عند الباب يدورون احد يشيلهم لاتكاسي ولاشي مكان قطعه والله يحزنو حسبي الله عليهم

الله لايوفق اللي ف بالي ويحرق قلوبهم يارب
زي ماذلوا الناس الله يذلهم دنيا واخره
الله يورينا فيهم عجايب قدرته

اللي يريح شوي ان فيه حساب وربك مايضيع حق احد
الله يحشرهم في زمرة ابو لهب وفرعون واتباعهم

غريبه هالقرار
الا بقولك شغله على طاري الوكاله خليها تحدد لك علشان تديرين اشغالها في الضمان الاجتماعي او غيره لازم تذكرينها ، لما جيت اجدد بطاقتي حق الصرافه طبعا بعد اسبوعيين راح تكون جاهزه قلت انا مااقدر استلم البطاقه بكون مسافره عادي اختي تستلم بدل عنك قالت لي الموظفه سوي وكاله لها واذكري الضمان الاجتماعي

جرح الطفوله ممكن تتواصلي معاي خاص