السلام عليكم

بقول مشكلتي اللي مؤرقتني جداً ...أول شيء عاطلة لي 6 سنوات تقريباً _ بكالريوس "لغويات تطبيقية" "لغة انجليزية" وطبعاً مو بيدي ...وحسبي الله ونعم الوكيل على كل من تسبب في تعطيلي وقطع رزقي... الوظايف النسائيه في مدينتي جداً شحيحة بما تعنيه الكلمة
+ الوظايف النسائية الحكومية بالقطاره .........تخيلوا بالله معي الوضع وقولوا لو كنت مكاني ايش ممكن تحسون ...
أول شيء وضعنا المادي جداً سيء ..لو كنت من عائلة عندها فلوس كان مايهمني متى ماجاءت الوظيفه تجي
لكن قدري اني اكون من عائلة فقيره كل شيء بالحسرة ....غير كذا كل سنه أكون متأملة اتوظف ..كان فيه وظائف اداريه وطلع اسمي وفرحت فرحه نهايتها دموع حسرة وقهر >> طبعاً ماترشحت وكانت اقوى خيبة أمل في حياتي
بعد مده قلت يالله اللي صار صار نتفائل بالسنه اللي بعدها وهكذااا سنه ورى سنه ...والعمر يمضي والوظيفه لسى ماجات..
والشي الثاني اللي قاهرني عشاني بنت وعايشه في السعوديه ...مافيه مواصلات + ماقدر أسافر ابحث عن رزقي في مناطق أو حتى دول ثانيه ..........قسم بالله لو بيدي عصا سحريه حولت نفسي ولد وتوظفت وخلصت ! لكن ايش أقول عظم الله اجرنا إحنا االبنات حياتنا مبنيه على الإنتظار في كل شيء ...ولاحولا ولاقوه إلا بالله...
ماحد يعرف من اهلي اني فكرت انتحر أكثر من مره ..تخيلوا أيامي كلها تمضي بلووون واحد روتين واحد..
تتمنى أشياء بسيطه ماتحصلها وماتقدر تطلبها من أهلك لانك عارف الاوضاع ......+ تعرف مافيه شيء جديد يصير لانك مٌعطل عن فعل أي شيء لنفسك.
قولوا لي بالله ايش اسوي ضاااقت علي حياتي .....!
اللي دعاءه مستجاب يدعي لي ...لعلها تٌفرج علي .

ياعمري والله وضعك نفس وضع كثير من العاطلات
الله يرزق الجميع الحين صار لي 8 سنوات عاطله اليوم مثل امس يعني الروتين مملل
مالنا غير الاستغفار وربي يفرجها تخيلي حاولت اشتغل حتئ مندوبه وقدمت في كل مكان لكن ماتوظفت تصدقي عليه دين 7000 ريال ولا عندي دخل عشان اسدد والحمدلله علئ نعمه العافيه
سبحان الله اوضاع العاطلات وهمومهم ماتخلص باالعكس تزيد
استغفري ونامي علئ امل واصحي علئ امل ربي بيفرجها بعد العسر يسر سبحان الله بااذن الله الايام الجايه تكون لك افضل ويجي الخير كل تاخيره خيره من رب العباد

الله يرزقك وييسر امرك وامرنا يا رب . الصبر زين وانا خوك اصبري واحتسبي الأجر. م يجوز تفكري بتفكير مثل كذا . اشنغلي أي شيء حاولي ما تكوني وحيدة . واكثري من الاستغفار مريت بالحالة ذي لكن اصبر واحتسب . وادعي الله.

الله ييسر امرك ويرزقك الوظيفة .والسعادة

فعلا الفراغ والبطاله شي ممل ومتعب نفسيا واتمني بالقريب العاجل ان تنحل مشكلتك

وراح اقولتس ان الله سبحانه مايترك عباده

(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ...)

ياعمري مايحس فيك الا اللي مثل وضعك انا لي عشر سنين وانا انتظر هالوظيفه اللي بيجي المسيح الدجال وهي ماجت والله مايعلم بحالي الا الله والله حيان اقول لو الانتحار مهوب حرام كان من زمان انتحرت بس استغفر ربي وارجع اقول الحمدلله والله اتمني اني ولد عشان اقدر اروح وادور رزقي واعز اهلي بدل الحاجه راح عمري وانا قاعده انتظر شي صعب وكريه انك تكونين بنت وتكونين سعوديه والشي اللي يقهر فلوسنا تروح يمين وشمال وحنا نتحسر بدال مانعطي مصر وغيرها مهوب حنا اولى بفلوسنا نبي نتوظف ياناس حسبنا الله الله ينتقم من كل من تسبب لنا بالعطاله طول هالسنين والله من كثر التفكير والقهر اللي فيني شيبت وانا شباب بس يارب لاتخيب رجاي واجعل لي من الوظائف التعليميه حظ ونصيب برحمتك ياارحم الراحمين

الله يكتب لك الخير ويرزقك من عطيم فضله

السلام عليكم

انا بس شغله بخاطري ودي اتكلم عنها .. اولاً شكري الله على نعمته لك بالصحة والعافية .. ثانياً ولد ولا بنت طالما ماتستخدم عقلك راح تظل في مكانك حتى لو عندك اسطول سيارات حواليك .. التوفيق بيد الله ثم بالإجتهاد والعمل ..

احنا الان في زمن الإنترنت الي من خلاله تقدرين تشوفين لك صنعه فيه وتتاجرين .. ممكن تتعلمين اشياء كثييييييرة من اليوتيوب
سواء التصميم او الازياء او البرمجة او الطبخ او التسويق الخ ..
اتقن صنعة ابحث عن اشخاص تكمل شخصيتك وستصل يوم ما لو اين كنتم

ابعدو السلبيات عنكم انا عاطلة انا انثى انا فقيرة انا ماعندي واسطة انا في مدينة بعيدة .. الخ

وسلامتكم

اولا الله يوفقك ويرزقك وعليك بالصلاه في وقتها وكثرت الأستغفار

ثانيا نحن في عصر الأنترنت

ادخلي ع المواقع الي فيها كثرة البيع وسوقي منتجات لهم ( عندك العقار + سيارات + مشاريع )
واكثر من كذا هذي الشغلات كلها يبيلها تسويق من الجنسين

وانصحك نصيحه لوجه الله عندك العقار والمشاريع فيها رزقك طيب
ادخلي ع المواقع المختصه واقرأي فيها وتعلمي

مافي شي يجي بالساهل يا أختي ومثل ماقلتلك الصلاه والاستغفار

الله يفرج كربك بس حاب اقولك مو اي ولد موظف انا لي شهور ابحث عن وظيفة في القطاع الخاص وماحصلت وعلى وشك تخرج من الجامعه وتخصص باعتقادي ماله مستقبل كبير وهو الاعلام لكن الواحد تورط
والله يعينك ويفرج همك

الله يعيننا واياك

كلنا مثلك

بس ما استسلمت

الحمد لله ابيع حلويات مميزه وطبخ سنع

وصديقتي تسوي ربطات واشغال يدويه وفاتحه بيتها من هالشغله

تحركي ولا تنتظرين من احد شي