السلام عليكم

صديقتي عليها قرض وجتها ظروف قووية وحدتها الدنيا انها بتقدم استقالتها السؤال هنا وش ممكن يصير على قرضها انا سمعت انهم يوقفون الخدمات لحد ماتسدد وماتقدر تسافر ؟؟؟ والبنت على قد حالها على الله ثم الوظيفة وحتى لو توظفت بعدين بشركة يالله الراتب 3 الالف وشوي !!!

بلييززز اللي يعرف احد كان عليه قرض وفصل من الشغل يعلمني كيف الوضع خاصة بعد النظام الجديد سما

حسابها يكون بالسالب

كل شهر

والبنك بيطالبها بحقه

وبتكون في البلاك لست فس سمه

نصيحه خليها تشوف حل آخر

ما انصحها تستقبل ابدا عشان ماتدخل في متاهات مع البنك

ترى ماراح يسكتون عن حقهم

ولاتنسين انها موقعه على عقد بالتسديد الشهري

طيب ماكان فيه شرط جزائي للبنك ووقعت عليه هي هل تذكره ؟!

والقرض فين راح لو مازالت معاها لو القليل من القرض تسدده دامها بتسحب من الوظيفه ,.


والافضل انك توقفي معاها كاصاحبه لها انتي وصحباتك وتفزعون لها لو بجمعيه وكمان تقنعونها بانها ماتسحب اذا الانسحاب كان لظرف بسيط وعادي اما اذا كان ظرف الزامي او غير قابل للناقس فاافزعو لها وسددو معها القرض ( هنا معنى الصداقه )


وبالنهايه في ميزان اعمالكم وماراح تنسى وقفتكم اكيد طول حياتها ,.



والله يفرج هم جميع المسلمين

الله يعينها
بتدخل في سمه وبتتوقف خدماتها بكرا حتى لو وظيفه ماتقدر تتوظف لان بيطلبون منها برنت واحوال ووو وكلها ماتقدر تطلعها
اذا المبلغ بسيط تحاول تكمل بوظيفتها الين تسده
واذا واجد الله يعينها ويفرجها علينا وعليها وكل مسلم

وعليكم السلام

تبين النصيحه كل الكلام اللي ردو وقالوا يعلق خدمات ومدري ايش كلام خرطي لاحترامي الشديد للجميع

انا ماخذ قرض 63 الف وجلست شهر وقدمت استقالة وقعدت 4 شهور بدون تسديد البنك وصل المبلغ

الى 5200 علما كان التسديد الشهري 1300 طبعا في حال ماسددت شهريا يتصلون عليك ماعدا

اوقات الاجازة الرسمية للبنك وعادة اتصالات البنك تكون من الساعة 7 ونص او 8 الصبح ووقت الظهر

حول 1 وقبل ينتهي الدوام 3 ونص او 4 .

وفي حال مثلا ماسددت 4 شهور يتصلون تسدد المبلغ المستحق للسداد حقت 4 شهور وبعد ذلك فرضا سددت

مايتصلون الا نهاية الشهر علشان تسديد شهري .

اما بخصوص توقيف خدمات معليش مافي توقيف ولا شي

اول 4 شهور يتراكم مبلغ التاخر علي حسب الموقع مع البنك

وثاني 4 شهور يطالبونك بالسداد بكامل المبلغ في حال كملت فوق 8 شهور تشطب ويوضع اسمك في سمه

مباشرة وتقدر تنزل اسمك حتى من سمه بدون دفع للبنك لكن ما انصح بهاذي الطريقة لانها اخطر شي

فيها سجن وتعدي على قوانين سواء مع سياسة الدولة او البنك

ونصيحتي قبل تقديم الاستقالة البحث عن وظيفة وتقدر تصرفهم في حال تركها للوظيفة تطبع برنت من التامينات ( في حال حصولها علي وظيفة مباشرة فقط )

واحيانا بعض التوظيف مايطلبوا دام انها مؤهله من ضمن مستحقي الوظيفة .

اسف على الاطالة وربي يوفقكم

كلام شخصية قيادية صحيح وعن خبرة,
أتوقع اللي يوقفون خدماتهم اللي عليهم مخالفات مرور من ساهر, أما سمة فماتوقف الخدمات,
بس الله يعينها إذا قررت توقف التسديد من إتصالات البنك اللي ماتوقف, حتى لوغيرت رقم الجوال بيتصلون على الرقم اللي معاها يقدرون يجيبونه من شركات الإتصالات.

للاسف شخصيه قياديه يتكلم لشي صار في نفسه بالعربي سحب عليهم فكان في نفس المشكله

انا اتكلم نظاميا وقانونيا وعلى المدى البعيد وليس مثل ماقال الاخ 4 شهور

مع مرور الوقت وعدم السداد البنك يسكت مثلا
ليه البنك حاط اداره قانونيه عشان يسكتون ع الناس وقضي الامر
المساءله يعطونهم فرصه الى سنه
وصحيح يتصلون ويحاولون ان الشخص يسدد وووو
لكن نظاما هذا حلال البنك مهب كل من هب ودب ياخذ اي مبلغ ويمشي ويخليهم

اللي بيصير نظاما وقانونا
بيصبرون سنه سنتين بعدها البنك ياخذ اجراءاته واللجنه القانونيه تشتغل حسب مهامها
وبعدها بتدخل بسمه لكن المشكله مو سمه وتوقف صلاحياتها وخدماتها
لا المساءله انه بتوصل لاعلى من ذلك قضائيا
ولاتنسى انها موقعه عقد واتفاقيات تدينها مو تدين البنك
واذا وصلت للقضاء تعال وخذ مهلة سداد مانفع ياتسدد ياتسجن
ولاتنسى بيكون اتعاب القانونيين عليها


ولا لو ع تفكيرك كان انا اولكم اخذت 200 الف وتركتهم
مو لاحقني شي حسب كلامك


هذا والله اعلم

انا موظف قطاع خاص
لكن مين يمولني ؟ لو بخمسين الف

إيقاف خدمات
تعليق الاسم في نظام سمه
إلى أن يتم التسديد ولو بعد 30 سنه فقط لا غير

__________________
سبحان الله وبحمده

نصيحتي تتفق مع البنك؟