17-10-2008, 07:47 PM
|
|
Guest
|
|
تاريخ التسجيل: Apr 2007
المشاركات: 3,374
معدل تقييم المستوى: 0
|
|
|
بكل الحروف وكل المحبه عسا ان تعجبكم
الالفيه الاولى آمل ان تنال رضاكم
الفٍ اولـــف مـن جزيـل المعانـي
ابـدا بذكـر اللـي لدينـه هدانـــي
اللي خلقني فـرد وانطـق لسانـي
الواحـد القهـار عـلام الاســرار
والبا بعد ذكر الولـي نبـدع القيـل
مما طرى بالبـال زيـن التماثيـل
مثايـلٍ معهـا تـزيـن التعالـيـــل
من واقع التجريب لصغـار وكبـار
والتا تـرى الدنيـا قصيـرٍ مداهـا
لذاتهـا تفنـى ويبـقـى عنـاهـــا
الرابـح اللـي باعهـا ماشـراهـا
والخاسر اللي ظنهـا تالـي الـدار
والثا ثبت بالعرف والعقـل والديـن
من عصر ابونا ادم لياوقتنا الحيـن
ان الخلايـق كلبـوهـم مقفـيـن
كلٍ يجيه الموت قصـاف الاعمـار
والجيم جنـة عـدن للـي يبيهـا
يعمل لهـا وان راد ربـي يجيهـا
واللي تجيـه الموعظـه مايعيهـا
خطرٍ عليه ان مـات يـروح للنـار
والحا حبيب الروح سيـدي محمـد
الصـادق اللـي بالرسالـه معمـد
مـن عنـد ربـي للخاليـق تعمـد
عليـه صلـو عـد ماطايـرٍ طـــــار
والخا خسر من ضيع زمـام دينـه
تلقـى حياتـه كلبـــوهـا غبيـنـــه
يطرد ورى الهزله وينسى ألسمينـه
يمشي على عمياه في وسط الإخطار
والدال دل القلب في مسلـك الخيـر
خله على درب الشرف يحكم السيـر
لاتلتفت للـي بدالـك مـن الغيـر
خلك على منهج طويلٍيـن الاشبـار
والذال ذل النفـس طاعـة هواهـا
وحرمانها من غيهـا هـو دواهـا
والرجـل لا فكـر بعقلـه قـواهـا
لا قادهـا تنقـاد ماهـو بمحـتـار
والـرا ربيـع العمـر لا لا يفوتـك
اغنم شبابـك قبـل ميعـاد موتـك
اعمل على دينـك واقتـات قوتـك
اغنم شبابك قبـل تهـرم وتنهـار
والزا زهابك فـي مسيـرة حياتـك
حافظ على دينـك واتقـن صلاتـك
صم واذكر الرحمن وادفـع زكاتـك
اقض الثواني بين تمجيـد وأذكـار
والسين سـرك لاتذيعـه وتنحـاس
ان كان ودك دايمـا ترفـع الـراس
لاتشتكي همك على اقـرب النـاس
اشتك لمن هو يعلم السـر وجهـار
والشين شب النار واكـرم ضيوفـك
حتى ولـو مافيـه حـيٍ يشوفـك
لاجـل المسيـر مايمـر ويطوفـك
يلفيك لامن شـاف بالبيـت خطـار
والصاد صيدك لايضيـع بعجاجـك
خل القناعـه راس مالـك وتاجـك
وفي طاعة الرحمن فلـة حجاجـك
لاترهق النفـس الشقيـه بالافكـار
والضاد ضد الهم بالصبـر لاطـال
ترى همومك تالـي الصبـر تنـزال
اصبر على ماجاك في كل الاحـوال
تكسب اجر وتفوز لاصـرت صبـار
والطى طبايع خلـق ربـي تفـاوت
لوكان في بعض الوصايف تسـاوت
رغباتها ما تستـوي لـو تخـاوت
الا بحب المـال فـي كـل الاقطـار
والظـا ظنونـك لاتخيـب برفيقـك
رفيقك اللي معـك لاخـر طريقـك
احسن ظنونك لو بدى مـا يضيقـك
ترى الخوي يحتاج حشمه ومقـدار
والعين عينـك غضهـا لاتمشيـت
ترتاح في ممشـاك لامـن تعديـت
ترى النظر ممنـوع لامـن تمديـت
لك نظـرةٍ وحـده ولا فيـه تكـرار
والغين غادي مـن تشيـن بجـاره
البـر بالجيـران ماهـو خـسـاره
حافظ على حالـه ومالـه وعـاره
ترى النبي وصى على سابع الجـار
والفـا فـوادك اعمـره بالمحـبـه
ترى الجفا والبغض للضيـق سبـه
والحقد خلـه فـي طريقـك مطبـه
سلم على من شفت ياطيـب الكـار
والقاف قف عند الامـر والنواهـي
لاتصير طول العمـر دالـه وفاهـي
مايفهم المطلوب من كـان ساهـي
ماينفع اللي طاح ترتيـب الاعـذار
والكاف كيف الراس شوف الطبيعـه
لاضقـت روح للفجـاج الوسيعـه
واللـي يبيعـك لازمنـك تبيـعـه
ابعد عن اللي لاقضى حاجتـه بـار
واللام لـم المشكـلـه بالتفـاهـم
وفي جمعة الاخوان حـاول تساهـم
تـرى المجـادل مايفيـدك يافاهـم
بكره يبيـن الحـق والوقـت دوار
والميـم ميـدان المراجـل مشـرع
للي عـن الهفـوات دايـم تـورع
اصبـر وثبـت خطوتـك لاتسـرع
ترى التسرع ميزتـه دايمـا ضـار
والنون نوم الصبح مامنه مصلـوح
السهر لامن طال ماهوب مسمـوح
لاتصير كنك جذع خاوي ومطـروح
اسعى لكسب الرزق مع وقت الاسفار
والها هوى نفسك حـذاري تجاريـه
تتعـب وتتحمـل كثيـر المشاريـه
درب الهوى والغي تتعب مساريـه
واخر مطافه منـزل الـذل والعـار
والواو وقف مـع ضميـرك شويـه
واستحضر النيات فـي كـل شيـه
خل الحسانـي تتيـع الكـل سيـه
امح الخطا بالصح لو صار ماصـار
واليا يقول الحربي باخـر القـاف
زبدة كلامه عقـب مافكـر وشـاف
ترى حياة الـذل والضيـم تنعـاف
والعاقبه للي عـرف كيـف يختـار
|
العرض المتطور
