في البداية إذا كانت الوظيفة في ( المبيعات ) أعتقد أن الراتب معقول ، لان المبيعات اساساً تعتمد على ( العمولات ) والبائع المثالي لا يطلب حتى راتب شهري لانه يبحث عن العمولة ،،



لكن إذا كانت الشركة هي اللي في بالي ما انصح أحد يتقدم لأنها شركه ،،، مع إحترامي للعاملين بفرع الاحساء ،، لديها إدارة سيئة جداً جداً في التعامل مع الموظفين والعملاء وكل همها الربح بغض النظر عن استمرار العميل في البرامج التي تقدمها الشركة أو لا ...


انا توظفت في نفس الشركة سنة كامله والكثير من ابناء الاحساء تقريباً عملوا في نفس الشركة ،، الحمد لله لم اجد من القائمين في فرع الاحساء الا كل خير لكن الادارة الرئيسية ومركزها الرياض هي المشكلة ..



نتمنى التوفيق للجميع ..

الحين مافهمناك أنت تمدح او تذم في الشركة ...

قريت ردك أكثرمن مرة ومافهمت وش تبي توصله ...؟؟

بالأول تقول عنها سيئة وماتنصح فيها

وبالأخير تقول أنها محترمة والعاملين فيها طيبين

الطيبة بروحها في ذا الزمن ماتوكل عيش يالغالي,
المزنوط قصده فرع الحسا طيبين لكن العلة من الرئيسي بالرياض.

السلام عليكم ورحمة الله وبركاته ,,

بصراحة أنا اعرف هذه الشركة ولكن حسب معرفتي العامه بأنها ليس مريحه

ويتطلب جهد في العمل صحيح الراتب قليل ولكن مع العمولات ممكن تصل لـ 10000 ريال في الشهر أقل أو أعلى حسب جهدك

انا سابقا قدمت وقبل فترة قدمت مرتين جاني اتصال منهم وقبول بالوظيفة ولكن رفضتها السبب أنها متعبة بأعتقادي الشخصي

ومن حينها ما عمري قدمت ,

نصيحة مني أي عاطل يفضل يقدم فيها ممكن تعجبه

وفق الله الجميع

صحيح عمولات الوظيفة مغرية جدا ... بس مو معناتها يهضموا حق الراتب الثابت

خاصة انهم راح يطلبوا من الموظف تارقت كبير ويبونه يحفر بأيدينه ورجلينه عشان يحققه .
ولو ماحققه ماله عمولة .

اعرف شركة تأمين مثلها تدفع رواتب 4000 ريال غير العمولات بس بالدمام

ياجماعة انا راح أنقل لكم مخلص عن هل الشركة من خلال زيارتي لهم بأجراء مقابلة وتواجدي عندهم لمدة نصف ساعة وراح الخصها لكم على شكل نقاط

1-الشركة مثل ماتعلمون شركة تامين شغالين على برنامج ينقال له (تأمين حياة) بالاضافة الى تامين مركبة وصحي

باختصار يبيك تسوق لهذه البرنامج يعني دور عملاء وقل لهم تعال أمن على حياتك عندنا اذا مت ولا صارتلك أعاقه ولا صرت بستين داهية احنا بنتكفل بعيالك !! وش رد فعل الطرف الثاني برايكم ياجماعه وخصوصا انه الناس في هل الوقت صار عندها وعي كبير من جميع الشركات والخدمات اللي تقدمها يعني العملاء معادو صيد سهل وبالنسبة لباقي الخدمات اللي يقدمونها تأمين مركبه وصحي جايكم بالنقطه الثانيه

2- الكل عارف انه في شركات ـامين باسطه نفوذها ومسيطره على السوق وانه العملاء كونو صوره ايجابية وقناعه تامه
(التعاونية / بوبا/ميد غلف وغيرها من نفس المستوى مقابل الشركه هذي اللي محد درى عنها

3 انا مالوم صاحب الاعلان اللي نزل هل الموضوع موظف مابيده شي انا الوم الادارة اللي تستغل حاجات الباحثين عن العمل بتحديد هل الراتب المخجل المحبط كيف تبيني أنتج وأعطي بهل الراتب الميت اللي في شركات اقل مستوى وتعطي على 4500 و5000 ومو بس كذا الراتب مع خصم التامينات يصفالك 2700 وياليت من عندهم قطيه بينهم وبين الموارد البشريه نص بنص وانت تعرفون دوشه اللي يضيفونه بالموارد لي قرر يترك العمل ويبحث عن فرصه ثانيه بالعربي اي شركة تقولك دعم موارد اعرف انها شركة ماش حالك

4 - الشخص اللي يسوي معالك المقابلة يحطلك الشمي بيد والقمر بيد ثانيخ انه الراتب انساه وراح تجيك عمولات اضعاف راتبك وترقيات قعدت اسلك معاه لانه هل الامور ماتنطلي علي انا جامعي بتخصص بزنز واشتغلت بشركات ارقى وشركات وسط وشركات بوكلب في مجال التارقت

5 - قبل لا اطلع سالت احد الموظفين قد وجبتو زباين قال انا 4شهور بحب الخشوم جبت عميلين تامين سياره وقلته كم عمولتك قالي 60 ريال تنزل الشهر الجاااي ياسلام على المغريات الوظيفيه والله ياجماعه اني قبل لا اطلع اشوف في وجيه الموظفين انه لو تحصله وظيفة ثانيه انه ماقعد في هل الشركة دقيقه وحده بس الحاجه وماتسوي وخاصه في هل الوقت سوق الوظايف كل مالة في تدني غير بيئة عمل هل الشركة مافيه استقرار ولا حوافز وتامينهم الطبي فئه c استخدام العمالة غير مكان العمل تقول داخل مستودع بقاله مقارنه بفروع شركة التامين الثانية تلاقي لوكيشن مريح وراقي
ياجماعة أنا ماحبطكم وانصح اللي حاب يشتغل بهل المجال حلو لكن بشركة افضل او في مجال البنوك راتبهم الاساسي اعلى وعمولاتهم محفزه أكثر من هذي

انا استغرب من هل الحوش اهل الاحساء الي ساكتين علي الرواتب المتدنيه كيف صابرين علي هل المسخره دقوهم بشكوى وش الفرق بينكم وبين اهل الدمام واهل الجبيل ؟