التفاؤل زين , ونتمنى يكون الاحتياج طيب .
مع إن وزارة التعليم والخدمة المدنية التوظيف ماهو بيدهم , الاقرار الأخير من وزارة المالية .
وزارة المالية عندها لكل وزارة مبلغ محدد , وماراح يتجاوزنوه الا بأمر من سلمان الحزم .

بالحقيقة أكبر رقم وصلته بتفاؤلي هو 1200 وظيفة للغة العربية , وأقل رقم هو 550 .

لي بعض الأقارب والأصحاب من يعملون في الإدارة المدرسية ( وكيل - مرشد - رائد نشاط - مصادر تعلم ) وتخصصهم لغة عربية .
متخوفون من الرجوع الى التدريس هذه السنة .



مع إن عودة المشرفين والمرشدين والإداريين يعتمد على قوة الواسطة وضعفها في إدارات التعليم
كلام من ذهب

وش هالتجمع الميت ؟


تصدقون بديت اشك ان مافيه غير حنّا الي باقين ماتعينوأ مادام التجمع كذا ^_^

العاطل الحيران ي عزيزي .. انا اتفق معك ان التجمع ميت عكس السنوات اللي راحت .. كان مشعلل ..
بس اتوقع ان اخويانا بعد ماعرفوا ان الاحتياج والتقديم بشهر 10 .. قالوا خلونا نكبر المخده .. الين الشهر الجاي ..
بس فيه شيء جديد السنه هذي .. الاحتياج ما تم تسريبه وكل شيء غامض ..
ولكن اسأل الله العظيم أن يرزقنا التعيين معلمين ومعلمات

سجل كل المراحل ( ابتدائي ومتوسط وثانوي ) والسبب ببساطة حتى لو عينوك ابتدائي فقط صورة أمام الخدمة المدنية , وزارة التعليم هي اللي توجهك في المكان الشاغر من دون الرجوع لك , حسب الشاغر .
كلام أتوقع إنك تستغربه , لكن للأسف هذا اللي يسير .

فيه عشوائية كبيرة جدا بين الوزارات ( التعليم يطلب الاحتياج فرضا في شهر 8 , ولو نفرض نجران طلبت 80 ابتدائي و50 متوسط و4 ثانوي , جدارة بناءاً على هذا الطلب تعين المتخرجين بناءاً على النقاط والاحقية في المراحل , اللي يسير خلال فترة التعينات , النقل الداخلي يبدأ , هنا يطلب معلم الثانوي المرحلة الابتدائية , فبما أن هناك شواغر ابتدائي يتم قبول نقله الداخلي , فيتم تغطية 80ابتدائي من خلال النقل الداخلي , فيسير الشاغر للثانوي 84 , والابتدائي صفر , تخيل صفر , فيتم تعين الجدد على المراحل الثانوية والمتوسطة وانت من الاساس ومن خلال جدارة تعينت ابتدائي )

وبالمناسبة مالك اي احقية انك ترفض أو تعارض , اذا انتهيت من جدارة بترشيحك , أرمي كل شيء وراك , تراك في وزارة جديدة .
فقط متخرجين كليات المعلمين يتعينون على الابتدائي , ويحق له أن يرفض لو عينتة التعليم متوسط أو ثانوي , لكن التعليم يمارسون اسلوب الضغط حتى يوافق , وكثير من متعينين نجران اعرفهم من كليات المعلمين درّسوا متوسط .
أنا مالومهم لأنهم ماصدقوا انهم تعينوا .