طبعا مثل مالكل عارف بعد ماصار الضمان مرتبط بالبنوك انقلب حالنا وصارت افكارنا تودي وتجيب اللي عندها مبلغ مدخرته للزمن واللي عندها فاعل خير يحولها مساعده شهريا واللي تجيها فلوس من اهلها يعني هذول متاكده ان نفسيتهم مدمره مثلي تماما وماينامون الليل اقول مستحيل الضمان يسوي شي لصالح المستفيد والخطوه هذي ماجت عبث طيب السؤال اللي يعبر عن نفسه اللي مثلي تجيها بين كل شهرين او ثلاث شهور تحويلات بمبالغ متفاوته من ابوي او احد من اهلي واغلبها اجمعها للاجار ما اسحبها ابد هنا وش راح يكون وضعي ؟؟ ادري كلكم ماتدرون ولا عندكم خبر عن النظام الجديد لكن فعلا الموضوع شاغلني يعني معقوله الواحد بيضطر يطلع حسابات باسماء اشخاص ثانين عشان يضمن دريهماته لاتطير والا وش السواة ترى عادي الموضوع فضفضه عن مايجول فالخاطر تكفى يالمنتصر الله ينصرك بنصره لاتغلقه لان تونا مالقينا حل

اتوقع عادي اذا من الاهل هبات مهو راتب ثابت او مبالغ كبيره كبيرره انا احياً اخواني الله يحفظهم ويزيدهم من فضله يحولون لي بالسنه مرتين ثلاث مو اكثر كل تحويله 2000 اذا كان الضمان بيحط عينه عليها عاد ياخذونها لهم الله ياخذ القصبي والعقلا وكل مسؤؤل ظالم واقف ضدنا ويرقص على جراحنا والله لما اتذكر لقاء العقلا بالثامنه اموت غبن اسلوبه يقهر كذاب وعينه قويه رعويه تنمويه قال الله لا يرعاك .....

وعليكم السلام
وليه اغلقه اقسم بربي ان مايؤذيكم يؤذيني لايعلم بالقلوب الا الله عز وجل وموضوع الاغلاق هذا للمواضيع المكرره التي لاتخدم المستفيد عموما
لاتشغلي نفسك اذا كانت الاموال التي هي موجوده بحسابك كبيره مثل فوق 20000 هنا لابد من التفكير جديا والحل موجود
اختاري احد هذه الحلول
اما ان تسجلي هذه الاموال بأسم المنتصر وبعدين عاد دوريني ومن المؤكد ان اقامتي ستكون في البرازيل
او

فتح حساب لأحد افراد اسرتك او لهم جميعهم وتوزيع المبالغ على حساباتهم مع الاحتفاظ ببطاقاتهم المصرفيه
او
سحب المبالغ الموجوده بالصراف وبلاشي وجع دماغ ووضعها بمكان امن بالمنزل بحيث لااحد يعلم مكانها ولو تحت البساط
والاماكن بالمنزل كثيره

انا عندي حل لكل مستفيد خايف على ماله الغي نفسي من الضمان والكل يعطيني دراهمه واحفظها واخذ عليها عمولة اسمها حراسة اموال اش رايكم . هههههه ترى بامزح حاب اخفف عنكم ما يكدر خاطركم نصيحة خلوها في بيتكم في مكان امن وخلاص

الحمدلله مريحه ولا ريال يبقى والله انه من ينزل الضمان معروف وين يروح مافي مجال الواحد يخبي او يتفسح حتى عايشين على البركه السكن من الاهل شقه صغيره وكل شوي طالعين بسالفة نبي نبيع البيت عسى ماينباع وزارة الاسكان مثل الضمان تخنق المواطن خنق لو اعطو اهل الضمان والتاهيل الاولويه ومحدودي الدخل لان كل اللي راتب سوا عسكري او مدني يقدر يشتري ويعمر الله يكون بعونا وإن شاءالله الدوله تلتفت لنا يارب

السلام عليكم
الاخت ام ابناءي صادقه كثير اشغلهم ها الموضوع
الله يرزقنا من فضله ويغنينا بالستر والعافيه

لا توجد مشكله اللى أذا كان حسابك ييدع فيه مبالغ كبيره كل فتره أما أذا حسابك في مبلغ
قريب المليون لا تخافي حتى لو سألوك تقدري تقول أجمع لشراء بيت

[QUOTE=المنتصرر بالله;8840205]وعليكم السلام
وليه اغلقه اقسم بربي ان مايؤذيكم يؤذيني لايعلم بالقلوب الا الله عز وجل وموضوع الاغلاق هذا للمواضيع المكرره التي لاتخدم المستفيد

الله يسعدك يالمنتصر بالله هي تقصد مزحه وانت اخذتها جد 😅