تتصل رنه وانا اكلمك من جوالي والله اعلم وش تخبي بكره الفاتوره

msya1988 · #1 (**permalink**) 18-10-2008, 04:23 AM

تتصل رنه وأنا أكلمك من جوالي
والله أعلم وش تخبي بكرة الفاتوره

ياحبيبي يا منى عيني وراحة بالي
ياغذى قلبي ودقه وإنبساط شعوره

كل حرفٍ تنطقه بلسان فمٍ حالي
ينقش بقلبي كما الطبشور بالصبوره

بس ماتدري عن اللي بعدك بيجرى لي
لا مغطت السالفه والصبح شعشع نوره

راح نص اليوم نوم ولا قضيت أشغالي
الدوام يفوت والأشغال تاخذ دوره

البلا في الجامعه وإن كان أبذر مالي
لو غيابي زاد ماتسمح لي الدكتوره

آتعذر بأي عذر وقتها يطرى لي
وآتهندس بالعذر وأحط فيه خطوره

كل يوم أذبح ولد عمي وأكسر خالي
وآتعذر لجل أجبر رجله المكسوره

قلت فال الله ولا فالي يامشينٍ فالي
لو يطول الوضع تصبح شجرتي مبتوره

كل هذا منك وإنت منبهج وسالي
مالك إلا تتصل في الساعه المذكوره

انت تسهرني وتلعب بي وتسرف حالي
لعب زيدان الفرنسي لا لعب بالكوره

كان عندك سالفه قل وإختصر ياغالي
لا تطول السالفه وتزود الفاتوره

>> انشالله تنال أعجابكــم << ..

>> للعــلم فقطـ منقـووـــوول << ..

التايكوان · #2 (**permalink**) 18-10-2008, 11:30 AM

اخوي عاطل الرياض العبره بلكيف وليس بلكم ووضع لاكثر من قصيده في وقت واحد اكبر خطااااااء .....

ارجو ان تتقبل نقدي ويكون اختيارك في المره القادمه اجمل ....تحياتي