سلام عليكم جميعا

قريت كثير مشاريع هنا ولكن للاسف ولاواحد يناسب وضعي ك بنت لاني مابي اروح واجي واتعب وكمان شي ثاني ان المبلغ هذا محد يعرف عنه 😁😊 فطبعا لو احد عرف علطول عطينا ياه سلف المهم
امس قاعده اتجول بعقار سيتي ولفت انتباهي مخطط عريض جنوب الرياض انه وصل له الاسفلت باقي المويا والكهرب والاراضي فيها تبدا من 45 او50 او60 او70
وعلمبالغ قادره اخذ لي ارض علاقل تمسك فلوسي ولاتطير لان كل ماتسوق تطير الف او خمس ميه ☹😁
مادري وش رايكم بالاراضي بلاماكن الي كذا ممكن بعد 10سنوات تكون منطقه مرغوبه ويرتفع فيها الاسعار
محتاره ابي شي يمسك فلوسي واتركها للزمن اذا احتجت

العقار هو الإبن البار ، ( كان زمان ) لكن ليس في هذا الوقت !!
الوقت هذا أسعار العقار في هبوط بجميع المدن والقرى ، نصيحه : حالياً إبتعدي عن العقار .
__________________________________________________
أفضل طريقة لتجميد المال : هي فتح حساب في بنك وإيداع المبلغ يدويا بدون إستخراج بطاقة صراف لهذا الحساب .
(((مع مراعاة عدم فتح الحساب في البنوك الربويه ، ليبارك الله لكِ في مالك)))
وأي مبلغ يكون فائض معك بنهاية الشهر من مصروفك أو راتبك مثلا ، روحي للبنك وسويله إيداع يدوي بنفسك .
إذا لم يتوفر فائض معك لإيداعه فَ بالتالي إن لم يزيد مالك فلن ينقص بإذن الله.
ودمتم

انا متبعه هذي الطريقه ولله الحمد ولاحظت كل الفتره المبلغ يزيد مع اني اسحب ولالعابه لكن النتيجه مرضيه انا ابي امسكها بشي للزمن وابدا بتجميع مبلغ اخر بنفس الطريقه وكذا بيكون مكسبين وانت تخوفني من ناحيه العقار 😁☝🏻

المشاريع النسائية محصورة ونسبة المخاطره فيها عاليه .
إلا إذا كان المشروع بدون رأس مال . فإذا لم تكسبي فلن تخسري
من أفضل المشاريع النسائية وبدون رأس مال من وجهة نظري هي التسويق ، ولوجود الوقت الشاغر عند أغلبية النساء .
ودمتم

اتوقع الاستثمار طيب اذا كان الموقع عليه صك وإيجار الموقع لا يقل عن 15 الى 20 سنة , ويكون ايجاره بسعر مناسب

وهذي لازم يكون فيها دراسة .


انا ان شاء الله ابي اخذ ارض مساحتها 70.00م*25م بعد ماسويت دراسة لها تكون 10 محلات , و عقد إيجار لا يقل عن 15 سنة

وتكلفة البناء مع الكهرباء لا يتجاوز 250000 ريال



نخش في الحسبة ايجار المحلات
10 محلات * 1500 إيجار المحل = 15000 ريال في الشهر

15000*12 في السنة = 180.000 في السنة

180.000 في السنة ناخذ منها 40.000 إيجار سنوي
يبقي معاك 140.000 ريال


انا انصحك تتوكلين علي الله وتصلين صلاة الاستخارة

السلام عليكم
اختي حبيت اشارك لك بخبرتي في مجال العقار انا بالعقار اكثر من 15 سنة نصيحة لك بتعدي عن العقار بالوقت
الحالي لان الوضع جدا ميت بالسوق مافي لابيع ومشترا والعالم متخوفين كلهم بسبب وزارة الاسكان والقرارت الجديدة للي كل يوم تنزل
ضربت سوق العقار انا عندي عروض اراضي وعماير وفلل دبلكسات لها اكثر من سنتين محد شترا شي
الوضع العقار الان جدا سئيا كل شخص متامل خير وصراحة كلنا متاملين خير بالفترة المقبله خاصة بعد مقابلة اليوم وللي وللي العهد محمد بن سلمان كثير الامور راح تتغير للافضل

نصيحيتي لك كالاتي اذا عندك فعلا مبلغ محترم
شتري فيه شقة جديدة كانت او مستعملة ويكون موقعها بعمارة ممتازة وحي كثيف بالسكان
بعد الشراء
اجري الشقة اجارة سنوي كل ست شهور يجيك اجارها وانتي مرتاحه وحاطه رجل على رجل
وبعد فترة تقدرين تشترين شقة ثانية ونفس الطريقة

الان اكثر شي ماشي بسوق العقار هو الاجارات الشقق اما من ناحية البيع والشراء الصفقات للي تتم على مستوى المملكة
جدا جدا قليله والعالم كله متخوف


هذي نصيحيتي قدمها لك ويبقى لك الاستخارة والتوكل على الله

اشتري ارض افضل