تحيه معطره للكل..،

يللي توزع فاكهه على من هب ودب
طالبك توصل فكرتي للراس الكبير

انامابي قصر وسياره وفلوس تنصب
كل امنياتي ينسى خلقتي ويكفي ان الله جبير

وان كان يسعده ماصار ذكره ان فوقنا رب
ونهاية الكل كفن وبين يدين الغفير

يعني ماكفاه باسبابه احزان تنكب
وجروح يالله دخيلك مامن جبير!


من ذكرياتي البئيسه الله يبعد عنكم البؤس....

نفسي اعرف منهو الراس الكبير
الابيات يبيلها وزن
والابيات جداً غامضه
أخوي لاتؤاخذني ولكن
الشعر علشان يطلع جميل وسلس لابد من وزن وقافيه
والأفضل يكون له هدف ويكون عفيف ويوصل فكره وفق الله

يللي توزع فاكهه على من هب ودب
طالبك توصِّل فكرتي للراس الكِبير

انامابي قصر وسياره وفلوس تنصب
كل امنياتي ينسى خلقتي ويكفي ان الله جِبير

وان كان يسعده ماصار ذكِّره ان فوقنا رب
ونهاية الكل كفن وبين يدين الغفير

يعني ماكفاه باسبابه احزان تِنكَبْ
وجروح يالله دخيلك مامن جِبير!

اسعدني مرورك اخوي
القافيه والوزن مضبوط بس يمكن الحركات ماوصلت مضبوط.
بالنسبه للشعر فهو نوع من التنفيس عن مابداخل الانسان ووصوله الى العامه يخفف وينفس عن صاحبه.
فالغموض فيه صحيح ولكنه واضح للقارئ حصول مظلمه ونداء استغاثه لمن يتولى هذه المظلمه بغض النظر عن من هو الشخص المقصود فلافائده من معرفة ذلك.

أنا ترى من باب المداعبه سألت عن الراس الكبير
واصلا الشاعر نفسه مايعرفه لانه مبين القافيه
جبرتك على ان تكتب الرأس الكبير
هذا من جهه من جهه اخرى اخي العزيز
انا اتكلم عن شعر فقط لاغير وأنت على العين والراس
انا لاعرفك حتى اقيمك ولو اعرفك لا أقيمك ولا أقيم غيرك ليتني اقيم نفسي
واصلحها لكن كما قلت اتكلم عن شعر والنقد الهادف البناء
يأتي بالثمار إن شا الله
إن كنت تكتب شعر نبطي لابد من وزن وقافيه انت مقفي لكن الوزن مره مافيه
بدون زعل واكبر دليل شيلها حاول تنشدها ماراح تجي معك لان الوزن معدوم
والانسان يتعلم كلنا آتينا للدنيا غير متعلمين
نسأل الله أن يعلمن ماينفعنا وينفعن بم علمنا أن ول ذلك والقادر عليه

سبحانه الرزاق يعطي بلا حد
ماينقصه مهما عطاء بالعطاء شيء
من ينكره كافر وطاغي وملحد
للشرك قاده ضلاله وللغي

هذي بيتين اهديها لك وماجعلني اكتب هذا الموضوع هو اسمك
نسأل الله أن يجعلنا ممن توكل عليه فكفاه واستهداه فهداه
واستغغره فغفر له
سعدت جداً اخي بمداخلتي بمشاركتك وفقك الله وسدد على طريق الخير خطاك

سبحانه الرزاق يعطي بلاحد
ماينقصه مهما عطى بالعطاء شيء

من ينكره كافر وطاغي وملحد
إبليس قاده للضلاله وللغي

محدن يقوده منطقه للكفر والغي
كود جاهل مايفرق الصبح من الفي

ملعون من ينكر الرحمن يا خي
وملعون من يكفر بربه.ترى ماهو بشوي

ومذموم اتهام انسان بالكفر والالحاد والغي
ترى منت بحكم ياهوه ارجع لحجمك شوي

تتهم بلا برهان! هذا هو الارهاب يا بي
وترى الارهاب بلا دين هو عتمه بلا ضي!

اما دليل قاطع تحيي به الاحكام ياخي
ولاسكوتك تكرم به كل كائن حي

كيف الوزن مضبوط؟

صح لسانك والوزن مع التمرين يجي حاول مرات عديده حتى تتقتن
وفقك الله