بداية خير ف اتجاره

عبدالرحمن 100 · #1 (**permalink**) 24-04-2016, 04:56 AM

السلام عليكم ورحمته الله وبركاته

ي اخواني و ي اخواتي

انا انسان عاطل عن العمل كل
ماقدمت اوراقي قالولي نبي خبره
المهم طفشت واقرارت افتح مشروع صغير ولاني عارف وش افتح
معي 15الف ريال

متسلفها

ف الي عنده خبرها ف المشاريع الصغار او خلفيه ف الله يسعده يعلمنا وشكرا

اتعبتني ذكراك · #2 (**permalink**) 24-04-2016, 11:30 AM

مشروع فقصات دجاج
او بطايق سواء تقسيط
او اشتر لك طراطيع لشهر رمضان صدقني تطلعها دبل
اوخضره
او دهن عود
مشاريع كثيرة على النت ادخل قوقل مليان

وربي يوفقك وتصير اكبر تااااااجر يااااااااااارب

لاتقنط من رحمته · #3 (**permalink**) 24-04-2016, 02:49 PM

عمدي لك مشروع يطلع ذهب

وراس ماله 1300 ريال

اللي هو تبيع نعناع المدينه

تاخذ لك ددسن وتحمل النعناع وتبيع

بتطلع ذهب والله يوفقك

شخصيه مستهدفة · #4 (**permalink**) 24-04-2016, 03:39 PM

سلام عليكم
اخوي ه1ا المبلغ نصحك فيه تشتري مكينة نقش وحفر حق الجولات ايفون
مع طباعة صور وشغل من البيت بدون ماتجر محل ولا شي او تاخذ لك كرسي داخل محل جولات تتفق معه
قسم بالله تعين خير
العالم الان اغلبها طايحين بذي الشغله وغير كذا عليها طلب كثير الاستيكرات والنقش والمكينة رخيصه توقع قيمتها
7000 ريال الى 10000 الف ريال النوع الممتاز
دخل الانتسقرام وشوف الاستيكرات وخذ لك فكرة تسوي الطلب مع التوصيل وتاخذ عمولتك من التوصيل
اذا لك هواية فيها مرة ممتازة صراحة وبرنامجها سهل مرة مجرد انك الدخل الاسم والزخرفة عن طريق لاب توب
تسوي امر طباعه على الاستيكر

روح محلات الجولات بالرياض وشوف الزحمة والعالم على الطباعة والطلبيات

ابن عقيل · #5 (**permalink**) 24-04-2016, 03:47 PM

عليكم السلام و رحمة الله و بركاته

المشاريع كثيره و لله الحمد و ان شاء الله الربح مضمون
بس كل ما عليك تفعل الأسباب و الله يسهلك الباقي
من الأسباب :
اولا : عليك بالصبر ثم الصبر ثم الصبر
ثانيا : عليك بالأستغفار لا تتركه
ثالثا : الصدقة
رابعا : بر الوالدين خامسا : الأبتعاد عن الحرام

هناك اسباب كثيرة لكن هاذي ابرز الاسباب الي اطلعت عليها انا و ان شاء الله الله يوفقك
اما من ناحية اسم لمشروع :
عندك ابسط الامور انك تبيع بقدونس او نعناع و مشتقاتها او علب ماي و بطاطس و بساكيت يعني حاجات البزوره او ذره و بطاطس مقلي يمكن ما توصل خسارتك 500 ريال
وصدقني تدرر عليك خير بس ها مثل ما قلتلك عليك بالصبر و الاستمرارية في المشروع
و اغتنم اماكن التجمعات مثلا ايام الجمعة عند المسجد العام لأي مدينة انت ساكن فيها
و ليال السبت واماكن تجمعات العوائل و المنتزهات

و الله يوفقك و و يوفق الجميع

محمد الرشيدددي · #6 (**permalink**) 24-04-2016, 05:38 PM

كفيت ووفيت ي ابن عقيل ولا يهونون الاخوان .... بالنسبة لطباعة الاستيكرات مشروع فيه خير انا لي كم اسبوع اشوف اسعار طباعة الاستكرات كل الي مسيطرين على السوق واسعارهم غالية جدا ومبالغ فيها وانا انصحك تشتري طابعة وتشتغل