السلام عليكم و رحمة الله و بركاته ... سعيد جدا بوجود هذا الملتقي عسى الله ينفعنا به و شاكر للي سواه المهم انا احد المتقدمين للوظائف التدريبيه لعام 35 اللي تحولت بظلم ظالم لعقود بعد ما كانت تعيين مثل ماهو حاصل الان ولم يبلغونا الا بعد الاجتياز الكلي ولكن عند الله تجتمع الخصوم و اول خصومي هو الغفيص الي سحبني و مرمطني وعشمنا بالتعيين لين اتصلو فينا وقالو تعاقد و رفضت بحجه اني معلم في وزاره التعليم

الشروط مثل ماهي لكن تغيرت الرغبات و اضافو عدة رغبات منها مراكز رئيسه مثل مكه و الرياض و الدمام و غيرهم وهذا يدل على الاحتياج الهائل الذي تسبب به المافيا تحت الغفيص و ادارته ولا اخفيكم سرا عن فرحتي الغامره التي تجاوزت عندما علمت ب ازالته و عقبال راشد و منهم تحته لكي تعاد للموسسه هيبتها وتبث بها روح التجديد

المشكله انهم يطلبون توفل و ايلتس وهذا صعب على الاغلبيه حتى على تخصص الانجليزي و انا منهم صحيح ان الشروط منطبقه علي جميعها لكن الكثير من الذين اعرفهم و التقيت بهم لا يعلمون عنه شي بالاساس والمفروض يتغاضون للي معدلاتهم امتياز و جيد جدا مرتفع

انا قبل ما اقدم سئلت اصحاب لي مدربين في الرياض و سالو الاداره وقالو السنه ذي الوظايف بالتعيين وهذا شي جميل

^^^
ممتاز اذا كان رسمية رواتبهم افضل من الجامعات !
لكن مشكلتي ماحققت درجة اللغة المطلوبة جبت 5.5 اكاديمي فرق نصف درجة عن 6 اللي تعادل 550 بس ماهي مشكلة اختبر من جديد اذا كانت رسمية لكن اقرب شي الاسبوع الاقادم وهذي ماهي فترة كافية للتحضير واذا اجلته اقرب اختبار بعد شهر

أخي العجاف شكرا على البشارة وعلى المعلومات القيمة الي ذكرتها،
كم استغرت المدة بين التقديم والمقابلة الشخصية
وبين المقابلة الشخصية والقبول النهائي؟

+ سمعت من أحد الطلاب في الكلي التقنية أنه احتمال كبير يتغير نظام الدراسة من 3 فصول دراسية بالسنة إلى فصلين يعني مثل دوام المدارس والجامعات وهذا شي ممتاز جدا نتمنى أن يتحقق

يامرحبا فيكم ياليت تذكرون تخصصاتكم اخواني .... اذكر ان النتايج الاوليه كانت بعد التقديم ب اسبوع او اسبوعين بالكثير بس من قالكم انها بتتحول لترمين ؟؟ لها سنين عديده ع النظام الثلثي

لغة انجليزية

اذكر مقابلتنا كانت بالرياض كلية الاتصالات و المعلومات او حاجه زي كذا في حي المرسلات وكانت كالتالي تدقيق مبدئي يترتيب اوراقك و ارقام وبعدها تدخل للقاعه و تجلس مع مدقق خاص يتاكد من كل اوراقك و ان وضعك سليم ما خربطت شي عليهم وبعدها اختبار ع الكمبيوتر واخذ وقت والله وبعدها مقابله شخصيه طوووولت لين مادخلت واثناء انتظاري قلت بس شكل فيه امريكان و دكاتره دواهيه لان اللي يدخل يطووول على مايطلع بس يوم ذخلت وجا دوري حصلت سعوديين اثنين و طلعو عادييين جدا وحتى لغتهم الانجليزيه و الاكسنت حقهم عادي ولا هو حق مقابله بحكم ان تخصصي انجليزي و هم كذلك وسالوني اشياء عاديه ليش الموسسه و ليش تبي تترك التعليم وش الفرق وخرابيط ف النهايه سالو اسئله لغويات اشياء تخصصيه يحته قلت لهم نسيت ومشيت ههههههه ادري طولت بس من باب افيدكم اخواني الله يوفقنا جميعا

^^^
جزاك الله خير على الافادة واصلا وضعهم مايستدعي يرفضوا احد كامل الشروط