بالعكس يالغالي كل ماكثرت التفاصيل كل ماستفدنا اكثر شكرا جزيلا وماقصرت، وانا تخصصي ايضا لغة انجليزية ومتفائل جدا بحكم الاحتياج في 100 فرع
اما بخصوص الغاء النظام الثلثي الموضوع غير مؤكد بتاتا فقط أحد الاصدقاء سمع عن احتمالية حدوث هذا الشيء (هو من صالح المدربين وليس من صالح الطلاب لأنه يأخر تخرجهم)
أشكرك مرة ثانية وياليت تجاوب سؤالي لاهنت كم استغرقت مدة الانتظار بين التسجيل والمقابلة الشخصية ونتائج القبول النهائي، هذا الأمر بيساعد اللي بيرفع درجة التوفل او الايلتس
المعذرة على الإزعاج تحملنا يالغالي ماصدقنا نلقى شخص مر بهالتجربة سابقا ❤

قلت لك يالغالي اذكر انها اخذت من اسبوع الى اسبوعين لاني قدمت مرتين و كانت المقابلات يا اسبوع او اسبوعين بعد انتهاء التقديم اما النتايج النهائيه فوضعنا كان مختلف بحكم التحول من الرسمي الى التعاقد اذكر ان النتايج النهائيه اخذت ثلاث شهور اتصلو علي بنص رمضان وقالو انقبلت على الرغبه الاولى بس ترا تحولت تعاقد احنا جانا خبر قبلها وماكنت مستغرب وحتى اللي اتصل قال مادري وش السبب بس اوامر من فوق

بس نصيحه انتو اختبرو الايلتس او التوفل وهم راحو يوقعونكم على تعهد باحضارها واذا سويتو المقابله وخلصوتها ودو لهم نتايجكم شخصيا للموسسه اذكر فيه واحد اسمه علي الزهراني مسوول عن التوظيف و اخذ مني ورقه الزاميهً ماكملتها ... يعني انت اختبر الان و اول ماتطلع نتيجتك رح ودها قبل ما تطلع النتايج النهايه لانها اكيد بتطول ع الاقل شهر

نصيحه اخواني اللي بكل التخصصات و قدمو معنا اهم شي ان تقديركم جيد جدا وفوق ان تختبرون الايلتس او التوفل او الاستيب الفتره ذي عشان لما تطلع النتايج مايكون مر وقت طويل على المقابله و التدقيق من قبل الموسسه و توصلها لهم ... ياليت بقية المتقدين يتفاعلون معنا و يشاركون ارائهم وقصصهم


الله يوفقنا جميعا و يسهل مطاليبنا

انا قررت اعيد الاختبار فترة اسبوع غير كافية ابدا للتحضير لكن ان شاء الله ربي ييسر

ابسألك عن ورقة الطلب انا ماطبعتها وانتهت المهلة وهي مطلوبة وقت المقابلة كيف احصلها

هل فية جهة اقدر اطبعها من عندهم


وكم استغرقت الاجاراءات وحتى تمت المقابلة الساعة كم خلصت من المقابلة اذا تذكر ؟

المطابقة والتدقيق كان بالعام الماضي بكلية الإتصالات بالرياض وشخصياً وصلت للكلية قبل الموعد بنصف ساعة وتوجهت للمسرح

المخصص للمقابلات وطلبوا مني ترتيب الأوراق بتظام معين هم يعطونك اياه بعدها تعبي ورقة فيها بياناتك الشخصية وتجلس

تنتظر ينادون عليك .. اذا وصلك الدور يتم مطابقة الأوراق والتأكد من صحتها ثم يتم توجيهك للمقابلة والإختبار وقبل ذلك

تم رفضي لأن وثيقة تخرجي تأخرت من قبل الجامعة ولم يتم الإكتفاء بإثبات التخرج فرفضوا طلبي .. والآن انا معكم اقدم من جديد

واتمنى من الله التوفيق .

بالتوفيق أخي لواء المجد وبإذن الله تتجاوز الدرجة المطلوبة

إذا تذكر مقابلة معهد الإدارة كان العدد قليل رغم أن الشروط أسهل من هنا، والوظايف بالمؤسسة متوفرة بشكل كبير علشان كذا متفائلين بكل خير بإذن الله، عسى الله يوفقنا وإياكم.

سؤال، ولنفرض انهم بعد المقابلة يعطون كل شخص درجة مفاضلة قياسا على المعدل والمقابلة والايلتس
اذا فيه شخص جاب درجة متوسطة لكن ما اختار الا فروع محدودة سبق وأخذها اللي اعلى منه بالدرجة، وشخص آخر جاب درجة أقل بكثير لكنه محدد كامل الرغبات وبعض الفروع ما اختارها احد الا هو
هل يتم قبول الشخص الآخر على الرغبات الأخيرة (اللي ماختارها احد غيره) ويتم رفض الأول؟ او يكلمون الاول ويقولون قبلناك لكن بفرع خارج رغباتك؟

السؤال الثاني هل من المعروف من المؤسسة كثرة الواسطات أو العكس؟

"لم تحقق الشروط في المرة السابقة الرجاء تعبئة طلب جديد"

وش معنى هالعبارة؟ تطلع لي اذا بغيت اعدل على الطلب

بعدين مكتوب في الموقع أن التقديم على الوظائف التخصصية يبدأ بتاريخ 7/19 وينتهي في 7/28 مختلف عن التاريخ في الموضوع هذا؟