جزاكم الله خير,

ابحاول ادور مره ثانيه وان شاء الله احصلها,

شباب انا توي مخلص الحمدلله الله يتمم بالقبول والتوفيق ويوفقنا واياكم جميعا

بذكر بعض النقاط المهمه

1- التوفل ؟ تقدر تجيب من جامعتك خطاب ان دراستك بالانجليزي موقع ومختوم من الجامعة وليس القسم
2- الوثائق والسجلات الاكاديميه الاصل وصور مصدقة
3- 3 صور شخصية
4 - يفضل شهادات حسن السيرة
5- لا يقبل الانتساب نهائيا والدراسه باللغة العربية او بدون توفل او مايعادله نهائيا
6- اختبار مكون من 30 سؤال على 40 دقيقة 20 سؤال عن التخصص و 10 عامه 5 منهم بالانجليزي
مثل : من محافظ المؤسسة ؟ ماهي الهيئة المسؤولة عن المدن الصناعية ؟ ماهي اشهر هضبة بالجزيرة العربية ؟ ما الاسم المختصر لحلف شمال الاطلسي ؟


بعد كذا مقابله سهله عن خبراتك اذا فيه واكثرها اسئلة شخصية وقد يكون فيه سؤال او سؤالين بالتخصص < بحكم انهم سألوني واللي قبلي ما سألوه



والنقطه الاخيره لو اوراقك ناقصه او ماقدرت تجي بيوم موعدك لك فرصة الى الخميس من الاسبوع هذا

والنتائج حسب كلامهم بعد رمضان ان شاء الله

موفقين يارجال والله يرزقكم ماتمنون ❤

ياشباب بالنسبة لتخصص الحاسب طالبين مايعادل 52 ستيب
الي جايب 51 يعدونه ؟؟ ولاينطرد عشان درجة؟

يا شباب انا مقابلتي يوم الاحد تخصص رياضيات دارسه بالانجليزي طلبوا اثبات اني دارسها بالانجليزي قلت بجيب ورقه من الجامعه رفض يقول جيب ورقه من الوزارة التعليم رحت الوزاره اليوم قالوا مانعطيك رح جامعة خذ منهم اخذت ورقه من الجامعه تمشي ولا يرفضون
الي مقابلة اليوم عطونا العلم

رحت الجامعة
قال الورقه من الكلية هي اعتبارها من الجامعة

السلام عليكم ياشباب ,

لاهنتم استفسار بخصوص الوثيقه , انا متخرج من امريكا ومسوي معادله للشهاده ويوجد عندي افاده تخرج والسجل الاكاديمي.

تتوقعون يمشونها ولا لازم الوثيقه ؟ لان الوثيقه لسى ماوصلت

عشان مانطق مشوار ع الفاضي , شاكر لكم مقدما

مساكم الله بالخير جميع ..
ياجماعة الخير اللي ما عنده توفل أو مايعادلها من الاختبارات الثانية سواءً ستيب أو آيلتس
لا يتعب نفسه واقصر العنوه ، لأن فيه ناس واجد ردوهم بعد محاولات إنهم يقنعو اللجنة فردوا عليهم بالرفض يعني لا تحاول ، فريح راسك لأنهم جداً متشددين من هالناحية ..

ثانياً : الإجراءات كالتالي :
تدقيق الأوراق وهذي تعتمد على أن الأصول تكون معك ولا ما تمشي >> لجنة الاختبار : والاختبار بسيط جداً ومكون من 30 سوال >> آخر إجراء المقابلة الشخصية : بسيطة جداً وخل عندك ثقة واستعداد إنك راح تشرح لهم موضوع عن تخصصك لأنهم فاجئوني فيه صراحة لكن الحمد لله تداركنا الوضع استغرقت المقابلة تقريباً ( 20 دقيقة ) ،

سألتهم عن النتائج قال بتاخذ تقريباً شهرين وبتنزل أسماء المرشحين على الموقع ..



نصيحة للناس اللي ما بعد قابلوا ، هات أوراقك الأصل وإذا ما أنت محقق أي من الشروط لا تتعب نفسك لأن ما عندهم تفاهم ، زميلي معي جاء ردوه عشان درجة اللغة ..


حبيت أعرض لكم تجربتي .. وأتمنى لكم التوفيق ..


عندي استفسار : كم تتوقعون طالبين احتياج لكل تخصص ؟ هل الأحتياج قليل أو طالبين أعداد لا بأس بها ؟