إذا النتايج في غالب الظن الأسبوع القادم، شفايدة رسايلكم؟
يعني لو افترضنا بتطلع يوم الخميس القادم مثلاً، بتضغطون عليهم وبتعبون روحكم علشان تطلع يوم الثلاثاء مثلاً؟! (هذا على فرض صار في استجابة لضغطكم)

وأنت يا prestige هدي اللعب أشوي، أشوفك محروق وحالتك حاله، معليه ياخوي أصبر أشوي وماورى الصبر الا الفرج بإذن الله.
موفقين جميعاً وإياكم

لا يالغالي حنا نرسل على أساس انها تاخرت وممكن تتاخر اكثر، فيه شي يثبت لك ان النتايج 100٪‏ الاسبوع الجاي؟؟

الاعلان صار له تقريبا 3 شهور والمفروض من بداية التسجيل تبدا المفاضلة على أساس المعدل والخبرات والدورات والرغبات... وبعد المقابلات يتم إضافة درجة المقابلة ودرجة الاختبار واستبعاد اللي ماحضر وصلى الله وبارك ... ليش يقعدون شهرين بعد المقابلات؟ معناه ان شغلهم بطيء إلى أبعد درجة واذا حنا كلمنا المحافظ اللي هو الرأس الكبير ولاحظ انه كثير اللي يتشكون من التأخر أقل شي بيسويه انه بيطلب منهم الاستعجال

والله يا اني خايف مدري احس ودي تتاخر عشان اتفائل شوي واحط امل <--- ادري ابنجلد
والله يا ذي النتايج بتفرح ناس وبتزعل كثير لكن عسى ربي يفرحني ويفرحكم كلكم وتشوفون اسمائكم من المقبولين
شي مره مخيس انك تكون مقدم على وظيفة ومتفائل ومتحمس وكل شي وفي النهاية تنصدم بالرفض تحس بتحطيم نفسي ويوزد يائسك خصوصا مع الوضع الحالي لكن ان شاء الله يا رب كلنا مقبولين

السنوات الماضية كانت تاخذ شهر ونص بالكثير

اللي يقرأ إعلانات القبول للسنوات الماضية يلاحظ الفرق. ماكانت تطول، عكس هالسنة اللي تأخيرهم ماله مبرر بأي حال من الأحوال، خصوًصا إنه يوافق تقديمات لوظائف أخرى.

لكن هالسنة المسئولين بالمؤسسة حاطين رجل فوق رجل. شافوا الإجازات طويلة قالوا خلنا نطقهم شهرين وثلاثة لين قبل الدراسة بشوي ونعلن النتائج !!!


(( المفروض وتيرة العمل السريعة ماتتغير لأن التأخير الغير مبرر يأثر على سمعتهم ))


ومثل ماتعرفون، فيه ناس تجيهم وظائف أخرى، فتأخير النتائج الحاصل يحيرهم ويتعبهم نفسيًا وبعضهم ينجبر يختار وظيفة أقل من طموحاته لأنها مضمونة ولأن نتائجها طلعت بدري. والبعض الآخر ممكن يكنسل وظائف تجيه على أمل إنه ينقبل بالمؤسسة ويكتشف بعدين إنه مو مقبول !! فيتحطم ويتحسر على الوظائف اللي جته ورفضها ويضطر إنه ينتظر سنة، أحيانًا، عشان يلقى وظيفة، وظروفه المادية ماتسمح له بالإنتظار!

خلال مقابلتي سألت أكثر من مسئول عن موعد النتائج النهائي، و قالوا بالكثير أول أسبوع من رمضان أو منتصفه. والآن يقولون بعد أسبوعين، يعني بداية ذو القعدة!!!



مانقول إلا: الله يخلف التعب ويعوضنا خير.