السلام عليكم ورحمة الله وبركاتة

اسعد الله مساكم بكل خير اخوتي
انشئت منذ اربعة اشهر شركة مقاولات عامة
وتم منحي 3 تاشيرات ولكن لم استفد منها الى الان بحكم جهلي وخوفي اذا اتفقت معهم على الراتب ولا لقيت لهم شغل اتورط فيهم ، واذا اتفقت معاهم بالنسبة او باليومية راح يكون فيه تسيب

حصلت مقاول من احد الجنسيات العربية واتفقنا على نقل كفالته واعطائي نسبة 5٪ من الربح للمشاريع ولكن لم اقتنع بالموضوع ولم ارتاح للشخص نفسه

فاطلب منكم المشورة والنصح
مع تمنياتي للجميع بالتوفيق والنجاح

الله يعينك ويوفقك

ربما يكون من الافضل تشوف معلم بناء اوبلاط اومليس وتتفق معاه

يجيب لك من جماعته وتتفقون على النسبة قبل الاستقدام مثلا :-

للبلاط سعر المتر 20 ريال يكون له 5 ريالات

وانت توفر له العدة والسكن وهكذا

عشان تستقدم والصورة واضحة لك وللعمال

مبروك
الله يجعلها فاتحة رزق عليك

أفضل طريقه اشوفها في البداية هي تشوف لك معلم بلاط أو لياسة أو جبس أو بناء تتفق مع المعلم يجيب 2 عمال حسب معرفة يشتغلو تحته وهو مسؤول عن نفسه و عنهم في كل شي من الألف إلى الياء من سكن وتجديد أقامه الخ

انت لك 25-30% صاااافي حسب اتفاقكم وله الباقي يصرف على نفسه وعلى العمال
انت بس مسؤول عن توقيع العقود ومتابعتهم عشان مايشتغلوا من وراك.. والله يوفقنا واياك

تخصص في نشاط واحد


مثلا كهرباء
او سباكة
او بناء


وجبهم بالراتب ولا تخاف


سو لك كروت وملصقات

ودور بسيارتك اي عمارة تحصلها عضم لزق عليها ملصق ولو لقيت عمال قلهم لو جبتو لي الشغل لكم 500 ريال


وشف كيف ما تلحق شغل


موفق اخوي


اهم شي تخصص في شي معين

وش المهن اللي انت ماخذها ؟ علشان اساعدك وبرضوا الجنسيات

وانا كمان يااخوان عندي 6 عمال باكستانية
تو نازلة لي التأشيرات ولسا ماحددت المهن

افيدوني ايش افضل المهن اللي شغلها مااااشي
وكيف اشغلهم كبداية