السلام عليكم ورحمة الله وبركاتة

انا احد اعضاء هذا المنتدى منذ زمن والحمد لله لي معارف وعلاقات ممتازة جدا واعتز بها مع عدد من اعضاء هذا المنتدى ويعلم الله لهم معزة ومنزله ما يعلمها الى الله

كنت قد شاركت بعدد من المواضيع وكان الهدف من كل مشاركاتي تنوير الشباب السعودي بكيفية الدخول في السوق وتحدي الصعاب وهذا من واقع خبرتي بالسوق الحاصل ان فيه من اعضاء هذا المنتدى شباب يستحقون التقدير بكل ما تعنية الكلمة من معنا ثابرو وغامرو وجربو ودخلو السوق والحمد لله كان فالهم التوفيق ورزقهم الله وتابعو المشوار ونسال الله لهم التوفيق والسداد



ومنهم ناس سافرو ودرسو برى ورجعو وبدو تجارتهم وتوضفو وهم اليوم يملكون وظيفه ومشروعه الخاص


العبرة في ها الكلام كله رسالة واحدة فقط

من يهاب المعالي يعيش دوما بين الحفر


طبعا اللي شفته من الشباب السعودي وغيرهم انهم يفقدهم المغامرة والشجاعة

اغلبهم يخاف من السوق ومن داخل السوق

ولعل العقبة الاكبر من ذا كله هي الجهل وعدم المعرفة

الجهل بوش

الجهل مثلا
بكيف ابداء
ومن وين ابدء
ومن وين اجيب
وكيف اصرف

هذي الاسئلة المحيرة اللي دائما ما تجيني الاستفسارات باحدها

اعطاني فكرة ويعلم الله وحدة بان النية كانت بس فتح الباب للشباب لدخول السوق

وبديت ارسم الفكرة على ورق وكل يوم عن يوم يطرى على هذي الفكرة تطور جديد وتوسع اكبر

وبديت استشير واسال واجمع اكبر قدر من المعلومات واكون علاقات

ومعي اثنين من اعضاء هذ المنتدى


لحد ما وصلنى لمرحلة التنفيذ

وطلعت لنا معضلة المادة اللي هي الفلوس

بس ما توقفنا جمعنا المبلغ المطلوب ولو انه كبير لاكن صراحة الفكرة تستحق المغامرة

والهدف سامي والنتيجة باذن الله اذا الله يسر مشجعة


يمكن نتعب فترة من الزمن ونخسر مبالغ شهرية فترة من الزمن لا كن النتيجة في المستقبل باذن الله


ركزنا في عملنا على 6 نقاط

1- جهل مافيه بنعلمك بلاش
2- علاقات ما تحتاج نوصلك بلاش
3- متى تبدى تجربتك ( متى ما كنت انت جاهز ) حنا جاهزين
4- كيف اشتغل ( وانت ببيتك ومرتاح نوفر عليك المجهود والوقت
5- تخاف من السوق نقول لك لا السوق كله اوادم ولا به عفاريت انت بس جرب وبعدين احكم
6- طيب اذا ضروفي ماتسمح ( ما عليك باذن الله نخليها تسمح )


اكيد كلكم تقولون انت وش قاعد تقول


جايكم


الي قاعد اقوله


انتم بس وش تبون عشان تشتغلون كل شي موجود وميسر لكم الى الفلوس للاسف ما نقدر ولا كان ماقصرنا

تبون بضايع باسعار الجملة بس مو قادرين توصلون لها ولا تعرفون من وين ( لا تخافون احنا نوصلكم الى حد الباب ونوريكم كل البضايع حسب طلبكم )
طيب كيف تسوقونها ( لا تخافون ابد نعطيكم متجر الكتروني لنفس مدينتك وبمساحة مفتوحة لمدة شهر جرب مو بلاش والمثل يقول الشي اللي بلاش ربحة بين وسوق زي ما تبي اعرض بضايعك وتواصل مع زباينك واسمح للناس بمتابعتك والاعجاب بك وتقييم متجرك الخاص والله يرزقك
عندك استشارة تجارية ولا تدرين من تستشير ( لا تشيل هم ندلك ونجيب على كل استفساراتك واستشارتك مجانا ولوجه الله )
تبي عقد اتفاق ولا تعرف تصيغة ولا كيف ولا وين ( لا تشيل هم نسوي لك العقد اللي تبي مجانا )
عندك فيز وتبي تجيب عمال ولاكن خايف العمال يجون ما يعرفون شي وذا الكلام ( لا تشيل هم نعطيك بد حرية التواصل مع العما لاجانب والاتفاق معه والاطلاع على سيرهم الذاتية وشهاداتهم قبل يجون
تبغى تستاجر محل تدور على محل للتقبيل موقع للاستثمار فرصة تجارية ( كل هذا موجود)


تهم شي يامسلم جرب

جررررررررررررررررررررررررررررررربو


دام العلم بلاش وش انتم خايفين منه


كل اللي سبق وكل الافكار اللي ذكرتها تم تنفيذها ولله الحمد وقربت تكون واقع


احنا بصدد اطلاق اول مشروع الكترني تجاري قائم على علاقات مع اكبر موردين وتجار الجملة وباتفاق وعقود مسبقة

والمشروع بتلقون فيه كل الاجابات لكل الاسئلة والاستفسارات في اي شي يخص التجارة


بداء العد التنازلي للاطلاق


وهذي بشرى للشباب وللشابات وللجميع


هذا الموضوع حبيت اشاركمم فيه من باب المشاركة


وراح يكون هناك موضوع جديد راح انزلة مع اطلاق المشروع


بالنسبة للمتاجر للاسف العدد محدود ب12 متجر مجاني فقط ومجاني لمدة شهر

لان المشروع مكلف صراحة وياخذ منا مبالغ شهرية مو بسيطة

فاللي يبي يحجز من الان حياه

والتجديد بعد انتهاء الشهر ب500 ريال سنوي

اذا شفت انك ما استفدت من الفترة المجانية اترك المجال لغيرك


وبالنسبة لمن لا دخل لهم ولا يستطيعون دفع الاشتراك لعدم القدرة
المتجر لهم مجاني لمدة سنة لوجه الله


وبالنسبة للخدمات الاخرى مجانية طبعا
والعرض خاص لاعضاء هذا المنتدى فقط

المتجر بمقابل لانه ياخذ مساحة من الموقع
وفيه انظمة معقدة مثل العرض والتسعير واضف للسلة ونظام التقييم والمتابعة والنشر والسوشل ميدياء والعرض الاحترافي

وشي متعوب علية


هذا ونسال الله لنا ولكم التوفيق والرزق الحلال

للحجز والتواصل عن طريق الرسائل الخاصة او عن
طريق الايميل الموضح في التوقيع بالاسفل

هذا ودمتم ورزقنا وياكم بالحلال واغنانا عن الحرام