السلام عليكم ورحمة الله وبركاته , عندي سؤال بسيط لمن يفهم في مجال الاستيراد والتصدير

جات على بالي فكرة وهو مجال الاستيراد من دبي وفكرت بمنتج من الاكسسورات ابي اجيبه للسعودية
ولكن لا اعرف ماهي الاجراءات اللي لازم اتخذها ..

ملاحظة : لايوجد عندي مؤسسة استيراد وتصدير

سؤالي هو : كيف اقدر ادخل البضاعة بكميات كبيرة من دبي للسعودية من غير
مايكون عندي مؤسسة استيراد وتصدير هل يوجد طرق اخرى غير فتح مؤسسة
استيراد وتصدير ,

ودمتم بود

لاحظت يالغالي من التوريد انك اذا طلبت كميه لكن كانت كميه صغيره
يعني مثلا
50 قطعه لكنها في كيس واحد صغير بتدخل بدون مشاكل

وانصحك تخلي انظمتك كلها قانونينه واجراءاتك سليمه
واستفسرت من البريد
قالوا انهم يحجزون بضاعتك بالبدايه كاول مره او يغرمونك ويعطونك اياها
(في حال الحجز بيسلمون بضاعتك وقت ماتفتح سجل تجاري تصدير وتوريد ، لكن اذا مر شهر عليها بيرجعها البريد)

ولازم انك تتاكد برضوا من هالمعلومه

اشكرك اخوي طالب جامعي على ردك الجميل ,,ولكن انا اعتقد انه فيه طرق اخرى مو معقول كل الناس اللي تستورد عندها مؤسسات استيراد وتصدير وخصوصا اللي توه مبتدي اعتقد انه شركات الشحن مثل ارامكس ممكن يكون من ضمن الطرق بس ماني متاكد ف ياليت اللي عنده
معلومة يفيدنا المنتج عبارة عن قطعة صغيرة ماتتجاوز الف قطعة ولو وضعناها كلها بشنطة سفر صغيرة كفت لانه حجمها جدا صغير ..

100 شخص شاهدوا الموضوع معقولة ماحد عنده معلومة يفيدنا بها ..

إذا كنت مو موظف حكومي .. إفتح سجل
مؤسسة بنفس النشاط واختار معه نشاطات متشابهة يمكن تشتغل فيها مستقبلاً
واختار تجارة التجزئة والجملة
واختار آخر شيء استيراد وتصدير

عن طريق النت وتطبع السجل
التكلفة 500 ريال
200 سجل تجاري
300 اشتراك غرفة تجارية متزامنة مع السجل

أما إذا تبغى تجيب بضاعة للتجربة ومعرفة السوق
فبعد ما تعرف مصدر البضاعة بدبي
وأتوقع طلبك موجود بسوق مرشد وهو سوق جملة
وأرخص من دراقون مارت السوق الصيني
ولكن فيه محلات عنهم سيمبل يعني نماذج عزض فقط ولازم تحجز عندهم قبل بيوم أو يومين علشان يوفر الكمية من مستودعاتهم بجبل علي

بخصوص الشحن وهو سؤالك
تقدر تشحن عن طريق مكتب اسمه الضوء الساطع .. قريب من سوق الذهب
مشواره مشي من سوق مرشد

أنا شحنت قبل يومين 6 كراتين كبيرة
الكرتون بـ 100 درهم
صاحبة المحل اسمها حليمة وعيالها يشتغلون معها ويعطونك كرتون كبير أصفر ويرتبوا بضاعتك
فيه شحن جوي
وفيه شحن بري
الأرخص الشحن البري وياخذ اسبوع تقريباً
ولمن توصل شحنك يتصلوا عليك ويوصلوها للمكان اللي تبي

أنا شحنت من عندهم واعطيتهم الفواتير قالوا مو ضروري الفواتير وما قالوا أي شيء بخصوص الترخيص التجاري ..

فيه شحن أرخص بشارع العوير ..
الكرتون بـ 50 درهم بس مكانه بعيد عن السوق
ولازم تاخذ وانيت بيكلف عليك ..

باقي المكاتب الكرتون بـ 700 درهم
وبالباص من مكتب بلاد الشام بشارع الخليج بـ 300 درهم

إذا تبي عنوان مكتب الضوء الساطع
أوصفلك بالتحديد وتقدر تروحله على رجولك
من سوق مرشد بدون ما تركب تاكسي لأن أسعار المواصلات غالية ما عدا بالمترو والباصات والترام بس ما تقدر تحمل معك كراتين فيها ..

بالتوفيق إن شاء الله ..
وأي استفسار أنا تحت أمرك ..

الله يعطيك العافية ماقصرت على ردك الجميل ولكن عندي استفسار لاوصلت الشحنه ماتمر على الجمارك اذا كانت يعني مشحون عن طريق المكاتب يعني هل راح يطلبون سجل تجاري او توصل على المكان اللي انا ابيه ..

أنا شحنتي ما بعد وصلت عشان أعطيك معلومة أكيدة
بس بالمكتب لمن سألتهم نفس سؤالك
قالوا بس تدفع قيمة الشحن شاملة كل شي إلين توصل الشحنة لعنوانك بالضبط .. يدق عليك السواق وتوصفله

فأعتقد رسوم الجمارك هم يدفعوها من ضمن قيمة شحن الكرتون
بنفس الوقت أظن إن عندهم مؤسسة بالسعودية يوردوا باسمها

عموماً بعطيك رقم المكتب وتأكد منهم

احتمال وضع رقم المؤسسات غير مسموح
ولكن أنا نزلت موضوع قبل فترة وحطيت رقم جوالي
تواصل معي بالواتساب
وأعطيك رقمهم ..

https://www.btalah.com/t653430.html

باختصار


اقرب موسسة استيراد وتصدير من ضمان نشاطهم اكسسوارات


اتفق معهم تستورد البضاعه باسم الموسسة وياخذون اتعاب

الاتعاب في الغالب ما تزيد عن 3000

المهم قبل كل ذا انا ما انصحك تغامر


ادرس اول شي طرق التسويق بدل المرة الف مرة وبعدين قرر


واذا استيرادك من سوق التنين لا تتعب نفسك لان اغلب بضايع سوق التنين موجود بالسعودية زيها وافضل منها بكثير


موفق

صحيح الكلام بخصوص سوق التنين
يعطيك البايع السعر ع الآلة الحاسبة
وعادة الصينين انك لازم تكاسرهم بالسعر هذا طبعهم
والتفاهم معاهم بالانجليزي
ولكن بعد المكاسر والتعب واللف والدوران
تلاقي غرضك بـ سوق مرشد بأقل من سوق التنين

سوق مرشد مخصص للجملة
وعطيك كشف محددة فيه الأسعار بحسب الكمية
يمكن ينقصلك شوي إذا زودت الكمية
ومع كذا أسعارهم أقل من سوق التنين يمكن إلى النص !!

فيه غرض حصلته بالتنين بـ 25 درهم جملة
وبعد المكاسر آخر شي وصل 16 درهم
نفس الغرض حصلته بسرق مرشد سعره من أول سؤال
وبدون مكاسر بـ 11 درهم
وتقدر تاخذه بـ 10 أو 9 إذا زودت الكمية
من ثلاث درازن وفوق

سوق التنين المحل يعرض بضاعة لمصنع صيني
سوق مرشد يستوردوا كميات كبيرة من نفس البضاعة
وبضاعة ثانية فياخذوها بأقل الأسعار
ويكون عندهم هامش ربح حتى لو يبيع بسعر أقل من التنين
عشان كذا سوق مرشد أرخص

الشي الوحيد اللي يخليك تروح سوق التنين
إذا كنت تبي شي مميز ومو موجود بسوق مرشد

ولكن أغلب البضاعة الموجودة بالتنين هي نفسها بسوق مرشد