بسم الله وحده والصلاة والسلام على من لا نبي بعده

اطلعت على تجارب وخبرات كثيره موجوده هنا في منتديات البطاله واختلاف التخصصات والانواع بالتجاره
كثير من الابداع احتوته التجارب وكثير من الخبرات والافاده اللي انوجدت داخل كل موضوع او تجربه
لكن السؤال اللي كنت اساله لنفسي هل الطريق اللي سلكوه ينفع في الزمن الحالي؟

بمعنى ان المواضيع يتلبسها القدم وافكار جميله ولكن تشبع فيها السوق فهل ينفع تطبيقها الحين؟
بمعنى ان احتياجات واطباع واشخاص وشخصيات السنوات الماضيه تختلف عن الان
اي ان العصر الحالي تشبع بالتطور والتقدم مما ادى من وجهة نظري لتقلص الفرص
وغير القرارات والانظمة المتجدده واللي تتجدد حاليا مثل قرار سعودة محلات الجوالات وغيره
شي جميل ولله الحمد لكن حسيت ان فرص التجاره في المجال هذا تقلصت وتضيقت وفي نفس الوقت فتحت لشاب السعودي الفرصه وهذا شي جميل لكن لما جلست مع شخص في هالمجال (واحب انوه انه شخص واحد فقط) اظهر لي سلبيات في تقليل ربح و و و الخ بسبب سعر الراتب اللي بينفرض وطبيعة العامل وحب التوسع من جهة الموظف

ومن جهه اخرى لما نزلت لبعض الاسواق لاحظت انها مليانه ومتكدسه شي حطمني من جهه مثل الخضره
بمعنى ان حاليا اتوقع نادر ماتحصل شخص بيطلع لك لسوق الخضره لاجل يشتري خضرته ، بالغالب بنده او محل خضار اقرب له وتنافس السعر ، والبعض يقول 4 ريال زياده وش بتضرني (هذا هو الحال حاليا)

والامر هذا خلاني تقريبا اكننسل فكرة الخضار من عندي ، وكذلك مع التمور ومع كثر تجار التمور ماشاء الله


وجربت امارس التوزيع عن طريق بضائع خاصه لاحظت ان المحلات تتعامل مع مندوبين خاصين فيها وبذات مع اليمنيين اللي تحطمت منهم مره لكن رجعت لهم مره بطريقه ثانيه اهم شي ما اوقف


ربما الموضوع عشوائي لكن مجرد راي او امر بالخاطر وايضا نقاش
عطنا رايك بالسؤال هذا :
سوق العمل حاليا ايش اللي يناسبه مع التقدم والازدحام التجاري هذا

(ما تم ذكره وجهة نظر قد تختلف من شخص لاخر ، وايضا الكلام يقاس على المدينه اللي ساكن فيها فقد تختلف من منطقه الى اخرى )
(احب انوه ان في مشاريع كبيره لكن لاتتناسب مع البدايه للزوم وجود راس مال قوي)
الله يوفق الجميع لكل مايحبه ويرضاه