تجربتي من الفقر الى الربح باذن الله

مهندالجنوب · #1 (**permalink**) 01-05-2016, 07:42 AM

بسم الله الرحمن الرحيم

أحببت ان اشارككم هذا الموضوع لعل أحدا ان يستفيد منه :
أولا اسال الله العلي العظيم ان يفتح للجميع أبواب رزقه وان يرزق كل من في هذا المنتدي بما يتمني
ثانيا صلب الموضوع اصبح لدينا في هذا الزمان الكثير من المشاكل واهمها المال وماادراك ما المال والسبب هو في الانترنت والتواصل الاجتماعيه التي جعلتنا ننظر للافق ولكن اعرض عليكم قصتي لعلها تفيد البعض منك او اسمع ارائكم ؟

عندما تخرجت من المرحله الثانويه وكان ذلك عام 1428 هـ كانت لدي الكثير من الطموح وكان هدفي ان اتوظف براتب لايقل عن 4000 ريال ولكن قدر الله وماشاء فعل لاحظت القطاع الخاص كان 1500 والعام مافيه مقفل والعسكريه كانت مقفله ؟
قلت مافيه الا اني ادرس جامعه وبداءت مشوار الجامعه في المجال الطبي علشان اتخرج واصير فني عندي مهنه بيدي ولكن جاءت الضربه وغلا الأسعار وقتها قررت اني اتوظف في شركه وأول ماوظفني ب 1500ريال والدوام 8 ساعات ولا فيه اوف ولا مسجليني في التامينات الاجتماعيه كان ايامها مكتب العمل راقد ونظامه سيئ ومنها تدرجت الى 1800 لكن أراد الله وان افشل في دراستي اللي اخذت من حياتي سنتيبن وهنا حسيت احد ضربني في راسي وقال لي صحصح وش انتي تسوي بنفسك

؟
عاد قلت مافيه الا التقنيه واشوف لي وظيفه ثانيه ووقتها كنت غلطان بس كان لي هدف وهو اني اجمع مبلغ اقدر افتح فيه مشروع يعطني فايده وتوظفت وظيفه 2500 ودرست في التقنيه وتجيني مكافاه 1000 ريال قلت ي ولد يا زينها 3500 تكفي وزياده ولكن الدنيا غليت والزمن تغير مشي اول ترم والحمد كانت نتجتي ممتاز وفرحت الى ان جاء هذاك اليوم وحسيت نفسي متضايق فلجئت الى الله ودعيت الله ان يبدل حالي ويرقني بوظيفه تمنع حاجتي . والحمد الله كان دعوتي مخلصه لله
وكملت مشواري ويوم من الأيام والقي اعلان معهد منتهي بالتوظيف والرواتب لاتقل عن 6000ريال قلت فرج من الله ولقيت رقم اتصلت فيه ورد على واحد اهلا وسهلا اخذت وعطيت معه في الكلام اللي فهمت منه ان المعهد يعدرس سنتين ويخرجك بشهاده دبلوم عالي معتمده من المؤسسه العامه للتعليم الفني والتدريب المهني قلت خيره اشوف وربك ييسرها والحمد الله انقبلت في المعهد ووقت المقابله الشخصيه قالوا لي الراتب كامل 8000ريال بعد التخرج قلت فرج الله علي والحمد الله دخلت المعهد ودرست .
وتخرجت الثالث على الدفعه بتقدير ممتاز وتوظفت وهنا بدا التفكير في المشاريع التجاريه والزواج .

جمعت لي مبلغ 10000 ريال خلال الأشهر الأول وفتحت مؤسسه مقاولات وخلال سنه صافي ربحي منها اكثر من 50 الف ريال ولله الحمد وتزوجت

السنه الثانيه والحين في وظيفه جديده راتبها اكثر من 10 الف رال والرزق في زياده اللهم لك الحمد .

اللي ابغي اوصله لكم يا شباب وي بنات عده أمور :
1- خل حبلك بالله قوي .
2- فيه الكثير من المشاريع وطرق ادخال الفلوس اقلها لو تكد بالسياره والله فيها خير .
3-لاتايس واستمر بالكفاح وتري هذا اهم شي بعد طلب الله في الرزق فالياس مميت .
4- دايما ابدا بشي قريب منك .
5- تستطيع الربح من أمور كثيره وبملبغ لايتجاوز 5000ريال وفكر وطالع حولك أتذكر دخلت سوق الأسهم بمبلغ 4500 رال وكنت اربح بمعدل شبه يومي ما لايقل عن 100 ريال .
6- عليك بالدعاء من الله فتري الدعوه لاتضيع اكثر من الدعاء اخر الليل .
7- لاتؤمن بشي اسمه مستحيل اقد او مااقدر اسوي ماعدا ما ذكره الله انها من خصائصه او من تكويت الطبيعه .
(يعني خل عندك اقدر وراح اتجاوز شعارك وابعد الياس والتحطيم منك )

اخر مااقول لكم لدي الكثير من الأفكار تستطيع الربح من خلالها وبمبلغ بسيطه والبعض بغير مبالغ .

شاركتكم هذا الموضوع للفائده واقبل النقد وطرح الآراء منكم

سليمان الجهني · #2 (**permalink**) 01-05-2016, 10:38 AM

ماشاءالله تجربة رائعة ومفيدة ونتمنى عرض تجاربك التجارية مفصلة

زرقا اليمامة · #3 (**permalink**) 01-05-2016, 10:39 AM

هنا ربعنا مايؤمنون ببيع فكرة
حلال عليهم مدامها ان الفكرة في ورقه او كلام ينقال
لكن عندي لك طريقة وثق افكارك عند محامي وطالبهم بها حتى ترفع عليهم قضية
اذا الفكرة نادرة وتستاهل وبالتوفيق

ععمعوم · #4 (**permalink**) 01-05-2016, 11:39 AM

عندي مشروع راس ماله 4200 ودخله المبدئي33 الف ريال، دخلت فيه خلال شهرين تقريباً 15 الف لاني ما امسك الفلوس ماغير اصرف اللي حاب افهمه الموضوع بالتفصيل يكلمني واتساب ويبشر
0548071867

مهندالجنوب · #5 (**permalink**) 01-05-2016, 05:53 PM

الأفكار كثيره والفرص متاحه ولكن ابدا بالقليل ياتيك الكثير ومستعد اعطيك أفكار كثيره

سهوان1 · #6 (**permalink**) 01-05-2016, 06:05 PM

اقتباس:

المشاركة الأصلية كتبت بواسطة ععمعوم

عندي مشروع راس ماله 4200 ودخله المبدئي33 الف ريال، دخلت فيه خلال شهرين تقريباً 15 الف لاني ما امسك الفلوس ماغير اصرف اللي حاب افهمه الموضوع بالتفصيل يكلمني واتساب ويبشر
0548071867

ليش واتساب وانا اخوك ، اطرح المشروع بموضوع واجعل الجميع يستفيد وحتى لو ما استفاد بالمجمل يكفي انه يستفيد هدف ونقطة .
لاتحتكرون الافكار وان كانت فكرتك بمبلغ مالي بالامكان ان تصرح بذلك قبل ان يأتي شخص لك بالواتساب وقد لايكون لدية هذا المبلغ مقابل الفكرة .

ننتظر فكرتك بموضوع جديد

مهندالجنوب · #7 (**permalink**) 01-05-2016, 06:24 PM

اقتباس:

المشاركة الأصلية كتبت بواسطة ععمعوم

عندي مشروع راس ماله 4200 ودخله المبدئي33 الف ريال، دخلت فيه خلال شهرين تقريباً 15 الف لاني ما امسك الفلوس ماغير اصرف اللي حاب افهمه الموضوع بالتفصيل يكلمني واتساب ويبشر
0548071867

ياليت تطرح جزاء مختصر من فكرتك

موزع معتمد · #8 (**permalink**) 01-05-2016, 11:05 PM

اقتباس:

المشاركة الأصلية كتبت بواسطة ععمعوم

عندي مشروع راس ماله 4200 ودخله المبدئي33 الف ريال، دخلت فيه خلال شهرين تقريباً 15 الف لاني ما امسك الفلوس ماغير اصرف اللي حاب افهمه الموضوع بالتفصيل يكلمني واتساب ويبشر
0548071867

حدِث العاقل بما لا يليق فإن
صدق فلا عقل له