وش رايكم بالعرس..!!

ألا ليت الزمن .. · #41 (**permalink**) 20-10-2008, 09:05 AM

يااخووي لا تفكر بالمهر بس

ترى وراكـ أيجاار وسيارة وتمشياات ..

والـ 150 بترووح ذباايح وعانياات وقطية

الله يووفقكـ بس

fooody · #42 (**permalink**) 20-10-2008, 09:42 AM

اول شي..وش مسيار ومامسيار....!!!

الأخ المهندي فتح سالفـه وطبوو معاهـ...والبنات جايات معصبات عليه هههههـ..يخرب بيتكم..اتركو الرجال الله يستر عليه..مادخلتوو قلبـه..يمكن بكرا يعلن زواجه وصار عادي..
..
..
ومعليش لو سمحتوو..أحنا نتكلم كيف ننظم ترتيبات الزواج..بصورهـ عامـه وبسيطـه

ماجيناا نتكلم عن زواج المسيار..وانا لا أؤيـد المسيـار ابداً...

لان أغلب الرجال..وخصوصاً الشباب دآخله بنية الطلاق وهذا حرام..

يجي يقول المسيار حلال والدين والدين ولا يعلم نفسـه الدين...أغلبهم مو كلهم..

والحالات هذي تمـر علي ليل نهار..نشوف كثير ونسمع..بس مانشوف
...
...
أحسن شي نسوي زواج جماعي لأعضاء البطالـه كلهم مع بعض شباب وبنات..حتى والله يدجوون بجد ههههـ...كلهم عاطلين..
..
..
..
..
بالنسبـه للي براسي بإذن الله..وبعد دراسـه وتحري ودقـه..قررنااا

50.000 لطويلة العمـر..قصدي لأهلهاا
15.000 قصــر الزواج..
20.000 ايجار شقـه +A
30.000 فرش الشقـه من إلى !
15.000 تجهيزات زواج
10.000 تجهيزاتي طال عمري
25.000 شهر عسل..بإحدى الدول نختارها فيما بعد مع طوية العمـر
10.000 لفـه في ربوع بلادي..

فووق الــ150.000 بشتري راحتي..علشان ما ابتلش بشي وقت الزواج..
واليسارهـ الحمدلله جديد ومن أحسن السيارات..وش نبي بعـد..
...
...
وبعدهـااا نرجـع لعش الزوجيـه..ونسدد ديوون إلى أن يفرجهاا ربكم..

هذي آآخر أحصائياتي..بعضكم يقول يستهبل هذا..وأنا أقول لا ما استهبل..

هذي أجمل أيام العمر..إذا مامشيت فيهاا كنج متى أمشي..!!
....
....
ومافي عرس إلا كذا....ولا جعلني ما أعرس >> عصب طويل العمر ومادرت عنـه طويلة العمر
.....
.....
ربي يسهل ويوفق بس..بالتنظيم نخرج بالنجاااح..

fooody · #43 (**permalink**) 20-10-2008, 09:43 AM

اقتباس:

المشاركة الأصلية كتبت بواسطة مونيا السعوديه

اول شي لازم اهالي البنات يراعو الشباب
وانا اول وحده دعوت اهلي انى اتزوج واحد عادي ويدفع لي مهر 20 الف وبدون حفل لا ملكه ولا زواج الا حفله صغيره ببيتنا او في واحده من القاعات الرخيصه من ابو 9000 وشامل كل شي وراح اسكن في عمارتهم في غرفه مع حمامها الله يكرمكم ولا راح اوهق زوجي بجد بجد حسوي كدا لانى والحمدلله مخطوبه ادعولي التوفيق واللي تخسر زوجها وتدينه هي هبله لانها تخرب حياتها من البدايه

بارك الله فيك..والله يعطيك قد نيتك..تستاهلي كل خير والله...

الحياهـ فانيـه أختي..والله يسهل لك..

غدا يوم آخر · #44 (**permalink**) 20-10-2008, 03:37 PM

اقتباس:

المشاركة الأصلية كتبت بواسطة المهندي

انا عمري25 سنة تزوجت مسيار على سنة الله ورسولة والمرأة حامل
بشهر 3
ومرتاح كامل الراحة بلا خساير وبل وجع رأس ونصحتني ادرس على حسابها
وش رايكم ادرس او لا.وشكرا

حرام والله
زواج المسيار ظلم بحق المرأه وأكل لحقوقها وأنا كفتاه مستحيل أقبل بها الطريقه وأتمنا من الشباب إنهم يراعون هذا الشي موهمهم أنفسهم وبس شيل هم الطرف اآخر كمان وهذا قمت الإحترام بين الطرفين ومراعاة حقوق البعض ولا تقولي ظروف الحياه لأن إللي يبغا يتزوج راح يتزوج بدون هضم حقوق الطرف الآخر

فارس الشمال · #45 (**permalink**) 20-10-2008, 03:37 PM

فودي الى الآن تفكر بالزواج ........ الزواج كان حلم كل شاب .. لاكن صار من ضمن

الآحلام الي تبخرت .. فهم الشباب اليوم بعد وصول الرواتب الى 1500 هو كيف يعيش نفسه الى آخر الشهر ..

وانا مع الاخوان والاخوات ... الي يقول كثير منا يفكر قبل الزواج المهر وآجار الشقة أول سنة .. يعني مصاريف قبل الزواج

لاكن من الي فكر وش بيصير بعد الزواج .. راح تسدد الديون .. والا تجمع آجار الشقة

والا تسدد قسط السيارة .. والا الفواتير .. والا مصاريف الزوجة والبيت .....

لاكن خلها على ربك وان شاء الله تتسهل الامور .. ويعطيك العافية على الموضوع

الي يوجع القلب ...

فهد العودهـ · #46 (**permalink**) 21-10-2008, 02:27 AM

فـعـلاً الزواج يبيلطه متطلبـات كثيرهـ
الواحد بس يفكـر بتكاليف الزواج
طيب بعـد ماتتزوج وش بتسوي
كيف بتصرف على بنت الأوادم الي معـاك ...؟
حنـا الحين مو لاقين الي نصرف فيه على أنفسنـا
تبي تصرف على الحرمه بعد
لا والله الي أبطت
أقول خلك الحين على حالك لين تكون نفسك بعدين يصير خير
إذا تعدلك دخلك وضمنت انك بتقدر توفر متطلبات الحـيـاهـ الميسرهـ
أنـا أول واحد راح يحضر زواجك يالغالي
وتردهـا لي بزواجي بعد 10 سنين ^_^
والله يكتب الي فيه الخير

’

بلا مأوى · #47 (**permalink**) 21-10-2008, 03:03 AM

الله يوفق الجميع ويستر ع المسلمين والمسلمات ويزوج شبابنا وبناتنا اللهم امين

قول يا هادي وربي ييسر لك ويوفقك ان شاء الله

الركـابي · #48 (**permalink**) 21-10-2008, 06:31 AM

يعطيك العافية

مشكور كاتب المووووضوع

بالنسبة للتكاليف الزواج وهي على حسب فشخرة الزووووج

مثلا بضرب لك عدة امثلة

فية مدن القاعات الحلوة والتي تناسب ذوي الدخل المحدود 10000يعني تكون مناسبة

والعفش بيكلف من 40000ومصاريف العرس بيكلف 30000وانا اشوفها واجد

وعندك المهر على حسب ابو البنت (والله انا كنت جالس بملكة واحدمن الشباب الشيخ قال المهر كم قال اخوها ريال وشيمة رجال ) يعني تختلف من عائلة للاخرى

في منطقة تبووووك واذكر اسم القبيلة (بني عطية ) (العطوي) الزواج كلة مايكلف 50000شامل من مجاميعة (عفش ومهر وحفلة الزواج)

ولكن فية بعض الشكليات والمظاهر يعني اذا كنت من القبائل المهتمة يالشعر تتوهق فيها
مثل لابد ان يكون شعار محاورة او طرب او امسية ****************عزة الله اعرست

يعني الامور مافيها على قوة شخصية الزووووج بالاصح عندما تخطب تذكر للابو البنت

انك انسان يالله على راتبك (انا عندي مهر يكون كذا وذبحتين وخذ عروستك وتوكل

على الله ) وان مارضي عليك ان تشووووف عائة ترضى بشروووطك

وانا اتوقع ان يوما من الايام ان ياتي الرجل بغرفة النوم والمجلس والمقلط وغرفة

النساء وابو العريس يجيب المطبخ (زي المسلسلات المصرية )

وتقبلوا التحية

AMOUR · #49 (**permalink**) 11-11-2008, 08:56 PM

اقتباس:

المشاركة الأصلية كتبت بواسطة fooody

قبل لا انسى يقولون بعضهم فودي نونو ودلع هالأسم..وصغير بالعمـر..

لا لا أعكسهااا تجد الإجابـه..

....>> عاد مو كبر جدك تحطني ههههـ
....
....
بالمختصر..عطوونا عطوونا طرق كيف نقدر نقتحم عش الزوجيــه بأقل الخسائر..

هههههههههههههههههههههههههههههههههههههههههههههههههه
اللي بالاحمر قتلني ضحك والله

المهم انا برد على سؤالك بعد فترة نقول ان شاءالله انها فترة بسيطة

سلام

أم الوظائف · #50 (**permalink**) 11-11-2008, 11:52 PM

والله اخوي على حسب العوائل..

واذا انت انسان جاد ربي راح يكون معك..

واحكي لك قصة بنت فيها كل الصفات اللي يتمناها الشاب.. وتبارك الرحمن كثير من يجون يخطبونها..

وكلهم مقتدرين ماديا..وبعضهماغنياء.. وفكانت حاطه مهر عالي براسها.. لكن سبحان الله بكل مرة تستخير الله ومايتم..

وبعدين تقدم لها شاب... صاحب اخلاق ودين.. ولكن ظروفه المادية مو تمام.. كانت المفاجأة انه ابوها شرط مهر فقط 25 الف..

ما يبي يتعب زوج بنته بالديون.. والزواج جدا بسيط باستراحه.. والسكن في بيت اهله...

شوف شلون تيسرت لذاك الشاب.. وربح بنت اخلاق ودين وحسب ونسب وجمال.. تبارك الرحمن والله يهنيهم..

فانت لا تخاف وكل امرك لربك.. وربي بيوفقك.. وخصوصا نيتك زواج شرعي.. مو مسيار.. بالتوفيق كل التوفيق...