السلام عليكم
دخلت اشيك على موقع الضمان حصلتنا مسقط بسبب عدد زيادة العمال
مع انه ما عند ابوي الا سايق خاص واحد واسقطنا من شهر 6 وعدلنا الوضع ومن ثلاث اسابيع صرنا قائم
حسبي الله ونعم الوكيل بموت قهر وربي بكيت من الحرقه ومو عارفه كيف اقول لابوي
كبير بسن وتعبان وماصدق يتعدل الوضع وفرحنه انه بينزل شهر 8 قبل رمضان
واليوم طلع صرافته من الراجحي ): بالله وش الحل
الله يشل كل من تسبب بقهر محتاج

حسبي الله عليهم كانهم عقدو كبار هالسن ومرمطوهم اللله يسهل اموركم يارب ويطول فعمر ابوك ويغنيه عنهم حاولو تروحون الضمان ووتتاكدون هي وحده من الثنتين ياانو اجهزة الضمان مضروبه وتجيب بيانات قديمه للمستفيد او ان مخهم مضروب ويدورون الزله عشان يسقطون الناس

والله مالها حل الا يشيلون هالوزير اللي قطع ارزاق العباد

كل يوم نظام وتخبط
وش الهدف هل هو خوف على اموال الزكاه
من سئل الوزير كم راتبه الله لايبارك فيه

وحاسد هالمساكين على الف والفين

اقسم بالله انه شي يحير وش يبي ياصل له هالوزير
الدوله غنيه واموالها وبترولها من حق الشعب
هو موظف وماهو من حقه يقسم الارزاق الا الرزاق

حسبي الله ونعم الوكيل حسبي الله ونعم الوكيل
يعني الظاهر حتى نظامهم ماطبقوا هذا اللي اتضحلي لان النظام يقول عادي تكفل سائق واحد وخادمة واحدة
حسبي الله عليهم ياللطيف مثل وزارة الاسكان
الله يعينك ياأختي والله وجميع المسقطين
يعني بالعربي لاأحد يكفل للسائق ولا خادمة وإلا أسقط من الضمان

بامل الاطلاع
https://www.btalah.com/t664971.html