أنا يابحر

التايكوان · #1 (**permalink**) 18-10-2008, 11:40 PM

السلااام عليكم

الله يسعد مساكم بكل خير ..

اليكم ابياتاً أعجبتني :

أنا يابحر ماجيتك فضى ولمشاهـدك شفقـان
جيتك أبنسى الياس وبعض الهم اللي يبارينـي

على جالك أنا جالس أسامر موجك الغضبـان
أسولف له عن أوجاعي وعناي وغربة سنيني

علامك يابحر غاضب علامك تصرخ بكتمـان
أنا جيتـك أبشكيلـك وابـي منـك تواسينـي

أنا مثلك بحر لكن وسط نفسـي أنـا غرقـان
تعبت أبحر مع نفسـي واسألهـا أنـا وينـي؟

أنا محتار في وصفي ومع نفسي أنا حيـران
أنا لاقادر أفهمهـا وهـي تجهـل مضامينـي

أنا مليت من حزني وتعبت أبحث عن السلوان
ولاضنيت به شـي عـن أحزانـي يسيلينـي

أحس إن الحزن عالم بحورة وصحوة ووديـان
تخيل يابحر حجمه اذا حجمـه سكـن فينـي

تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي

ترى كل الحزن لو غاب وراح لآخر الأوطـان
يغيب ويرتحل لحظات ويرجـع يستقـر فينـي

أنا آخر فصول الحزن وأنا لدروبـه العنـوان
وأنا آخـر عزوفاتـه وأصواتـه تغنيـنـي

انا والليـل والغربـه تعانقنـا مثـل الاخـوان
ليلـي كـل آهاتـي وللغـربـة عناويـنـي

تعبت أسقى ثرى احلامي وأزرع بالوهم بستان
تعبت ولانبت زرعي وتعبت وجفـت بساتينـي

جحدني حظي العاثر رماني بسكة الحرمـان
جحدنـي ولامـرة علـى الفرحـة يرسينـي

ألايابحر جاوبني وش اخـر هـذي الأحـزان
وش آخر رحله أوجاعي وعناي وغربه سنيني

.
.

والقصيدة منقولة