هذا الاولين الي دروبهم مخلاه كان اذا جاهم ضيف ما ينشدونه ابد الا بعد ثلاثة ايام
وشهي حاجته وكانت هذه الرديه بين عمالقه شعر قديمين وهم اهل الشعر
الحقيقي الذي يشار اليه بالبنان وهم قول وفعل

ولاهم مثل شعراء اليوم ذبحنا وصلخنا وهو في بيت امه تحت المكيف

اترككم مع الرديه


هذا فرج بن خربوش راعي سلمى ، يقول :


يا مونسة عيا العريفي وابن عيد = يابو مسلّم لايذٍ عن يدينا
مرٍ نعشي ضيفنا من جلا الصيد = ومرٍ نعشي ضيفنا من يدينا
شيمة عرب مانردد الهرج ترديد = حنا نعرف العرف لو ما حكينا
الضيف ما نوذيه بكثر التناشيد = ولا ننشده ياكود ينشد حدينا

فرد عليه نغيميش القنزع بقوله :

ياراكب ناب القرى كنه الحيد = يلفي لابو عايد طويل اليمينا
حنا على الله ناخذ الدين ونزيد = ونعم بربي وان عليه ارتكينا
مرٍ نقري ضيفنا من نما الغيد = ومرٍ نكب الموجبة عاجزينا
صيانيٍ فيها اللقيمي تقل عيد = وخرفان فوقه كان حنا قوينا
حنا نعذب ضيفنا بالتناشيد = لاشك يستانس اليا الفى علينا
مايطني الخطار كثر التناشيد = يطنيه اليا من المعزب تطينا

ورد سند الخمشي بقوله :

يامونسة عيا الخضيري وابن زيد = على الغليبه مثلكم صابرينا
مني لابن خربوش قرم الأواليد = بو عايد هو من هل الغانمينا
ونعم باهل طابة ونعم باهل فيد = على سلوم جدودهم صابرينا
قصيرنا صدق صحيح بتوكيد = نروف به عده حدا والدينا
ومحارمه عده خوات من الديد = يامن بنا لو غاب قطعة سنينا

وهذا البيت من اروع الابيات

ماذا تعتقدون ايهما الاولى بنا في حال جانا خاطراو ضيف ان ننشده ؟؟
او ننتظر الى ان ينشد حدينا ؟؟
اما الحين والله تحقيق مع الضيف

وش رايكم..؟؟؟