كالعادة يا اخوان لم يحالفنا الحظ في الترشيح في اخر مفاضله طبعا مضا على تخرجي 5 سنوات ولا زالت عائق النقاط التعجيزية تحول بينا وبين الاستقرار الوظيفي اللي كلنا نحلم فيه في وضعنا الصعب وتداني سوق الوظايف في القطاع الخاص المليىء بالظلم وهضم الحقوق والواسطات والمحسوبيات , ف يا اخوان حبيت اقترح فكرة سبقني عليها أحد الاعضاء لكن مالقت استجابة مرضيه الفكرة اهي يا اخوان تفعيل هشتاق في التويتر #رفع_نقاط_الاقدمية لعل وعسى ياخوان الوزارة تستجيب حتى اذا لم تستجيب على الاقل يحسون بواقع الظلم اللي وقع علينا من توزيع نقاط وجعل المعدل هو الاغلبية الساحقه للنقاط والله ظلم ياليت على الاقل يتم تصحيح التوزيع 60 اقدمية 15 اختبار 25 معدل هم لو 50 اقدمية 20 اختبار 20 معدل قابلين على الاقل ترتفع معنويتنا مو معقوله ولا هو منطق انه الواحد بعد مرور 5 و6 و7 و10 سنوات يتوظف على عمر 40 والله ألية يرثى لها وتخطيط فاشل ارجو كل الرجا يا اخوان انكم تفعلون الهشتاق ماشاء الله منتدى حلول البطاله معروف وانا اشوف المشاهدات لبعض المواضيع تتعدا 40 و50 الف مشاهد وزاير همتكم وتعاونكم يمكن يسوي لنا شي ولو 5 %

للاسف احباط كالعاده

حقين الخدمة المدنيه و العساف وزير الماليه
كل الناس تطالب بإعفائهم
بس الظاهر أنهم جالسين على قلوبنا
حقين الخدمة المدينة عذرهم الوحيد حنا جهه مسوقه ل الوظايف الحكومية

أما بالنسبة لمطالبة حقين الاقدمية ما أعتقد أنهم عندهم حل
لو كان عنده حل كان زمان حلوا موضوع الناس المتخرجه من عام1420-1421

والله لو تسوي الف هاشتاق ما احد حولك ..

لنا الله ..
استغفرالله العظيم واتوب اليه

والله ياجماعه الله يلوم اللي يلومكم كلنا شاربين من نفس الكاس والله من الغبنه والقهر قلت هذا يمكن يوصل صوتنا لهم

نقاط الاقدمية من المفترض ان تكون 10 نقاط وإن الغيت افضل
المعيار يجب ان يكون المعدل بنسبة لاتقل عن 70 في المية
الاختبار 20 او 30
الاقدمية 10او لاشي
انسان اجتهد سنين وثابر يجب ان يكافا وان تكون الاولوية له في العمل
المقصر عليه تحمل نتيجة تقصيرة
معدلي عالي
اختبار تقييم عالي
ورغم ذلك حرمت لسنتين من الوظيفة بسبب الاقدمية
الضرر وقع علينا جميعا ويجب ان يسود العدل والانصاف ونبتعد عن العواطف

ياخي المنيف يقول حتى لو النقاط قليله تقدر توظف

توكلوا على الله واعملوا هاشتاق لعله وعسى ينصفونا 20 فقط نقاط الاقدمية اي ظلم هذا وقع علينا يرفعونها الى 50 يجب التكلم يجب على الوزير ان ينتبه لهذا الامر تحركوا واعملوا هاشتاق جميع انظمة الخدمة المدنية في الخليج يكون الافضلية لسنة التخرج والترتيب حسب اولوية التقديم وايضا كان هنا معمول به وهناك اناس تنتظر وكانت قريبة من الترشيح الى ان اتى قرار الوزير السابق المشؤوم وحطمنا تحطيم كبير القدامى ومن ينتظر لسنوات هم الاولى بالتوظيف يجب ان تصل رسالتنا الى المسؤلين

اعدادنا كبيرة وسوف يكون صوتنا مسموووووع تحركوا في الحركة بركة

صبرااا طويل ولله المشتكى

الله يرزقنا من واسع فضله

ظلم ظلم ظلم واسطااات كل شي صار واسطه

ولا هي سالفه نقااط اللي له واسطه يتوظف واللي ماله مثل حالنا
ويكذبون علينا بسالفه النقاط ..كله تخدير لنا عشان كلن يوظف اللي يبي
لكن حسبي الله ونعم الوكيل