ابشركم كملت 20 نقطه اقدميه

خريج عام 1427 دبلوم حاسب

وللأن على قائمة الانتظار بسبب الخدمة المدنية

حسبنا الله ونعم الوكيل خريجة 1430
كنت ابي افرح امي براتبي اذا توظفت توفت امي قبل سنه
ابي على الاقل افرحها في قبرها بصدقه توصلها حسبي الله
نقاط المعلمه نفس نقاط الاداريه ليش هذا الظلم

والله يأخوان حنا عددنا كبير لو نكون يد وحدة ونفعل هشتاق رفع نقاط الاقدمية ممكن لعلى وعسى يتغير شي اما كذا ندب بالمنتدى محد درى عنك وبالنسبة للاخوان المتخرجين الجدد اللي معارضين فكرة الاقدمية انا احب اقولهم انه تركيز النقاط الاكثر للمعدل ظلم ظلم ظلم المعدل ماهو مقياس في جامعات سهله وجامعات صعبه في مناهج سهله ومناهج صعبة في دكاترة متعاونين ودكاترة متسلطين في ناس بتغش في ناس بتشتري اسئلة كل هذا وارد ونشوفه ونسمع فيها بايمنا بالجامعة في اللي يجبون قريدات عالية بمواد التخصص وينزل مستواهم بالمواد المتطلبات العامه للكلية او للجامعة اللي مالها علاقه بالتخصص وتخرب كل شي ف على ذالك اعطاء النصيب الاكبر للمعدل ماهو انصاف برايي وبراي الكثيرين واللي يمثلون اغلبية العاطلين انه التوزيع يكون للاقدمية ثم الاختبار ثم المعدل بشكل منصف

40=اقدمية
40=اختبار
20= معدل

مقارب لتوزيع نقاط خريجين الثانوية لانه نسبة الثنويه لو 100/100 ماهي مقياس لا التلاعب وارد وموجواد بس مادري ليه مسثنين الجامعات من هل النظام والنتيجه سلبية مثل منتو شايفين تراكم اعداد القدامي وروحت سنين عمرهم على الفاضي

كذالك يا اخوان في نقطه مهمه لو تطبقها الوزارة والله كان ماوصلنا الى هل المستوى من التاخير وتعطيل ارزاقنا هناك من هم على راس العمل في قطاع خاص او عسكري ويستلمون ضعف ماراح يحصل من هل الوظيفيه بس يجون ويقدامون ويزاحمون غيرهم اللي بامس الحاجة الجامعين اللي شغالين ب3000 و4000 واللي وصلت اعمارهم ل30 سنه وفوق يعني مثل ماقال الاخ لو الوزاره تفعل نظام تحديد المتقدمين لي جدارة للعاطل او للي مايتعدا راتبة ال4000 الاف كان ماصار اللي صار واللي يبي يقدم وهو على راس العمل عنده المساباقات الوظيفية المجال نفتوح له اما انك على راس العمل وتستلم ضعف وتجي تناشب هل الالف من اللي ضاعات اعمارهم وهم يراكضون ورى الوظايف هذا لايرضي الله ولا رسولة

بنهاية كلامي ياخوان لو نفعل هاشتقات برفع الاقدمية يمكن الله يهداهم ويحنن قلوبهم علينا

#رفع_نقاط_الاقدمية

أعداد الزارين للمنتدى بالالاف كلها هشتاق ومنشن للوزارة ويارب يفرجها عليكم وعلينا

انا من عام 1424

والله لاهي نقاط ولاهي جدارة
هي واسطة قوية وحظ صاروخي
كل القرى كتبت وكل التقديمات اقول الفرج قرب
حسبنا الله ونعم الوكيل

تبغا نصيحتي دبر لك واسطة قويه بينهم احسن لك من عمل هشتاق
هو الحل

اما عن طلبك امر
بس والله مااحد معبرك ولا معبرنا

انا خريجه من عام 2003 وعندي خبره 8 سنوات محاسبة في القطاع الخاص
معدلي جيد
ولا زلت انتظر
واقترح تضاف للمفاضله عناصر ثانيه مثل الخبره وترفع نقاط اقدمية التخرج ، ويكون فيه مقابله وامتحان
على الاقل الواحد يعرف مستواه ويعرف كيف اداءه في الامتحان والمقابله ، اما بنعاقب للان ماعندنا معدلات عاليه ماكانت كل الدفعه في سنتي تجيب ممتاز ولا جيد جدا المعدل الطبيعي للخريجين هوه جيد مو مثل الحين الكل ممتاز ومراتب شرف ، وسلامتكم

اضم صوتي وبقوه الي صاحب الموضوع... صراحة الواحد وصلت معاه متخرج لي سبع سنوات والقطاع الخاص ذبحنا حتى الواحد شيب لا رواتب زينه ولا دوام يا رجل 9 ساعات ونص اقضيها برا البيت غير المشوار حتى والله ما اقدر اجلس معى عيالي ولا اقدر اسوي شي يدوب اجلس معاهم شوي وانا طافي قسم بالله الواحد وصلت معاه ولا المشكله لا سلم وظيفي ولا زيادات وفي اي لحظه يقشونك قسم بالله يا اخوان ان الاجانب ماخذين حقهم وزياده وتحس انك انت الاجنبي والله اغلب القطاع الخاص سيئ الا من رحم ربي... شي يجيب الهم الا متى واحنا ننتظر راح العمر بس الحمدلله على كل حال وش نسوي مافي اليد حيله...

بالنسبه للموضوع اقلها 30% اقدميه و 40% المعدل 30% الاختبار وترا للمعلوميه زمان كانت الخدمة المدنيه بالسرا يعني الي متخرج يمسك رقم الين يجي رقمه ..بس خلونا منطقيين مليون واحد مقدم وفي النهاية 2000 وظيفه!!!!! انا بكالوريوس حاسب آلي وفي النهاية 7 وظائف وشف كم واحد مقدم الله يعين بس

نجحت وزارة الخدعة في ضربكم ببعض قدامى وحديثي تخرج ونستكم ان أهم مطالبة هي زيادة الوظائف الشحيحة وكلنا عارفين الاحتياج بجميع الوزارات كبير وايقاف التعيين على بند الجحور المنفذ الكبير للواسطات والتلاعب ..التفتوا لوزارة المالية الفاسدة فهي المسؤول الأول عن تعطيلكم بعدم أستحداث وظائف تناسب أعداد الخريجين المتكدس وفتحت المجال لتعيين اهل الواسطات من تحت الطاولة على بنود الجحور والمسابقات الوهمية

متخرجة من 17 سنة وخبرتي 15 سنة تعبت من المداى الاهلية والانتظار معدلي جيد وخبرتي ممتاز وما معي تربوي جامعية فقط حسبي الله وكفى