السلام عليكم ورحمة الله وبركاته

أسعد الله اوقاتكم بكل خير

ي جماعة عندي استفسار بخصوص مغاسل الملابس والبطانيات والمفارش ... إلخ
انتوا عارفين كيف منتشره بشكل كبير جدا في الاحياء والشوراع الرئيسية وعند مداخل الاحياء .
وهذا إن دل فهو مشروع ناجح والمردود المالي يعتبر ممتاز جدا
ولكن لو جينا لملاك المغاسل 99.99% منهم مقبلها على العمال اللي يعملون بالمغسلة !!

عندي كم سؤال محيرني من فتره ولازم نفك ((الشفره)) المعقده تجاه هذه العادة والتي بلا شك انها مضره بأقتصادنا بشكل كبير جدا


ماهو سبب عزوف المستثمرين بمجال المغاسل عن الجرد والمراقبة اليومية ؟؟
لماذا رضي المستثمر بمبلغ لا يتجاوز 4000 ريال في الشهر وترك الأموال الطائلة لغيره ؟؟

وعلى فكره بعضهم عنده اكثر من 6 و7 و8 مغاسل !
ومع ذلك مقبلها للعماله !
بالرغم من ان المنافسه في مجال المغاسل قوي وسهل
لايوجد منافسين كبار بالمملكة كاملة إلا اثنين ,,, الجبر والرهدن

واعتقد لو ان الارباح قليله ماكان شفنا الرهدن والجبر بينهم تنافس على الخدمة وكثرة انتشار الفروع
ولو قلنا ان الجرد صعب ماكان الرهدن والجبر اصبحوا شركات عملاقة ورائدة !!
وشركة الرهدن الان مشاء الله عليها وسعت من نشاطها واصبحت منتجه لصابون الملابس

ملاحظة بسيطة ي جماعة : لما اروح لأقرب مغسلة و أكوي مستعجل ثوب وشماغ خلال دقيقتين يكسب 4 ريال
يعني بالساعة كم يطلع ؟؟
وبنهاية اليوم كم المبلغ اللي يقفل عليه ؟؟
ي جماعة اعتقد والله أعلم ان مشروع المغسله هو المشروع (ابو الذهب) لكن صاحب المغسله جاز له التسدح والتبطح
والنوم ونهاية الشهر مبلغ مقطوع ولا يدري عن اجار ولا فاتورة
ولكن ع قول المثل : ياغافل لك الله .

اتمنى ابداء الرأي منكم
وآسف على الاطالة ... والسلام عليكم .