السلام عليكم ورحمه الله وبركاته

بداية قبل ما اعلمك السالفة ، فيه نقطتين لذكر الموضوع هنا
الاول : وهي حب لاخيك ما تحب لنفسك ،
الثانية : وهي تقليل نسبة الخسارة التي لن تحصل ان شاء الله في حال الخسارة

نجي للموضوع

طبعاً قبل ذكرت اني اشتغل في كهرباء السيارات ، والمهم شغلي كان تركيب وتعديل وتصليح في االسيارات وجلست فترة على الحال ، وهذا الكلام بدايته من شهر 12 الماضي ، وكل يوم ادخل المواقع واتصفح واقرا عن السيارات الا طحت على شركة تبيع اجهزة خاصة بالسيارات .

اعجبني الجهاز وشريت من عندهم وجربت جهازهم واعجبني ، وخذتنا السوالف انا وهم عن الجهاز وعيوبه محاسنة

وبعد كلام كثير بيني وبين مسؤول مبيعات الشركة اقترحت عليهم ان يفتحوا لهم فرع عندنا بحكم ان الاسعار غالية ومبالغ فيها ، ولا فيه وكيل عندنا الا واحد لكن لشركة ثانية ، فقالوا ما نعرف سوقكم فعطيتهم بعض الافكار والاقتراحات ويوم عجبتهم قالو ما يحتاج حنا نبيك تصير انت وكيلنا في السعودية

قلت يالغاليين انتم تحمستوا وانا ثقيلة علي شيء اسمة وكالة ، صحيح ان عندي تجارة خفيفة وعلى قدي لكن مافيه حمل للتعامل مع العملاء والدعاية الخ

قالوا لي ماعليك ولا تشيل هم حنا راح ندعمك بفريق مسؤول مبيعات من عندنا يساعدك في تسويق المنتج بالاضافة الى عمل دعايات وبوشورات واعطاءة لك وانت تقوم باللي عليك غير توفير قطع الغيار للاجهزة

انت ما عليك الا انك توزع لنا ، فقلت من ناحية التوزيع فاني الحمد لله عارف من وين تؤكل الكتف وعارف الاسواق اللي راح تطلب هذا الجهاز بالكراتين ، لكن المبلغ ماعندي بحكم اني توي شاري اشياء من مواقع ثانية ولا هلله

واذا اعجبنا مبيعاتك راح نعطيك وكالة و نسبة من المبيعات بالاضافة الى حمايتك من البائعين الاخرين في حال انهم باعوا منتجنا وانت وكيلنا
فهنا دخلت اني اقدر احتكر المنتج هذا في السوق مثل اي شركة

قلت والمبلغ قال اذا كان كثير عليك ننزله ، وفعلاً نزلوا المبلغ وويمكن بامكاني اقلل المبلغ اكثر واكثر ان شاء الله ، بحكم معرفتي بمسؤول المبيعات في الشركة

ومن هنا بديت اقلبها براسي ، لكن ينقصني التمويل الكافي لاخذ وكاله الشركة

التمويل يوصل الى 60 الف ريال ، وقبل ساعة من كتابة الموضوع ارسلت اخر رسالة لمسؤول المبيعات فقالي ياتقبل او ترفض ، لكن اعطيته خبر بان ينتظر اسبوعين على ما ارد له بالخبر الاكيد وادبر اموري

هل اني اخذ الوكالة واصير وكليهم او لا .
اقبل بشريك واحد الى 4 شركاء ، ماعندي مشكلة

فاللي وده يراسلني بالخاص ،

لكن مهم ثم مهم ثم مهم ( لا تسال عن اسم الشركة لان ما راح اجاوبك لكن الشركة من دول شرق اسيا )

فيه ناس تحب تلعب من تحت الطاولة ،

وعلى فكرة عندهم حوالي 15 منتج . لكن ببدا بواحد
واتفقت مع الشركة اني اوزع من خلال متجر الكتروني مسجل بوزارة التجارة ،


https://maroof.sa/#/cert?id=2766