السلام عليكم ورحمة الله وبركاته
اولا اللهم لك الحمد والشكر على نزول المقطوعه ،، والله ماتوقعتها تنزل بالسرعه ذي
لاني مقدم في تاريخ 5/5/1437
وواعدوني بعد شهر علشان اخلص الاوراق وابصم يعني بتاريخ 5/6/1437
ويوم جاء البارحة الساعه 10:05 الا رسـالة بنك الراجحي تم اضافة 10400
والله ماتتخيلون قد ايش فرحتي لانها جات والله بوقت اني بحاجة ماسة للريال شلون عاد غيره
اللهم لك الحمد والشكر حتى ترضى واذا رضيت وبعد الرضى ،،
واشكر اختي جرح الطفولة هي اللي ساعدتني علشان اطلع رقم الطلب واتابعه من خلال موقع الضمان ..
وللمعلومية ترى بتاريخ26/6 كانت حالتي مدخل بيانات
وبتاريخ 26/7 طلع مراجع
يوم شيكت قبل يومين الا مكتوب عندي غير مطابق لنتائج البحث ، تفائلت خير انها بتنزل واللهم لك الحمد والشكر
،، اوصيكم اخواني بالاستغفار ( استغفر الله الذي لا اله الا هو الحي القيوم واتوب اليه ) هي السبب بعد اذن الله
ان اموري تتيسر وتنزل لي المقطوعه .. والله يوفقكم جميع وتنزل لكم وتتيسر اموركم ولاتنسون الصدقة اذا نزلت
واتمنى اكون افدتكم

حبيت اضيف بس اني تراني اول مرة اقدم على المقطوعه وانا عاطل ماينزل لي راتب ولا شي ومانيب مسجل في التأمينات يمكن هذا السبب بعد توفيق الله وثم الاستغفار انها تنزل بسرعه واسآل الله ان يرزقكم من حيث لاتحتسبون وسامحوني اذا مارديت على احد مادخل واجد انا بس كتبت كل شي اعرفه علشان لو احد يبي يستفسر يكون كل شي واضح ..

مبروك لك ي اخوي يعني انت قدمت في شهر 5 ؟ أنا كمان اختي قدمت في شهر 5 وأول مره لو جاتهم المقطوعة

الف مبروك تصرفها بالعافيه

الله يرزقك ويرقنا كل خير

الحمدلله الله عطاك على قد نيتك اهم شي لاتنسى تتصدق لو ب50 ريال عشان ربي يبارك لك فيها وتصرفها بالعافيه يارب

ماشاءالله اختي قدمت في شهر 5 هذي السنة والحالة عندها مراجع الي اول مره ما تتأخر عليهم وانا الان برضو مراجع بس انا من شهر 10 العام والله يعين

مبروك والله يرزقك بالوظيفه اللي تسعدك

ما اقول الا حسبي الله ونعم الوكيل على هذا التخبط من غير حسبان

انا شخصيا متزوج ولله الحمد وليس لدي عمل ولست بموظف ولا عندي اي دخل ومسجل بالضمان عجز كلي واخر استلام للمقطوع 5 سنوات والى الان مقدم مرتين شكوى ولا نزل شي ولا زالت الحالة مراجع .
بالله عليكم حالتي هل لا تستحق انا وغيري الي مثلي واكثر من حالتي
بالله عليكم ماهو تخبط او وشو تسموونه

ما اقول الا حسبي الله ونعم الوكيل على كل ظالم وياليت الجميع يستعجل بالدعاء على كل ظالم .